កូវីដ-១៩
ឃាត់ខ្លួនមេខ្យល់ម្នាក់ និងពលករ១៥នាក់ទៅថៃខុសច្បាប់ នៅម៉ោង ៤ កន្លះទៀបភ្លឺ
ខេត្តបន្ទាយមានជ័យ៖ មេខ្យល់១នាក់ ត្រូវសមត្ថកិច្ចចម្រុះឱ្យធ្វើកិច្ចសន្យាបញ្ឈប់ការបញ្ជូនពលករទៅរកការងាធ្វើនៅប្រទេសថៃខុសច្បាប់បន្តទៀត ចំណែកពលករ១៥នាក់ទៀតត្រូវសមត្ថកិច្ចបញ្ជូនទៅចត្តាឡីស័កនៅស្រុកម៉ាឡៃ បន្ទាប់ពីឃាត់ខ្លួននៅម៉ោង៤ កន្លះទៀបភ្លឺ។
សមត្ថកិច្ចចម្រុះឃាត់ពលករ១៥នាក់ និងមេខ្យល់១នាក់នៅវេលាម៉ោង៤ និង៣០នាទី ថ្ងៃទី៩ ខែមិថុនា ឆ្នាំ២០២១។លោកវរសេនីយ៍ឯក សួង សៅ មេបញ្ជាការវរៈសេនាតូចនគរបាលការពារព្រំដែនគោកលេខ ៨១៥បានប្រាប់អ្នកយកព័ត៌មានឲ្យដឹងថា អនុវត្តតាមបទបញ្ជារបស់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោកបានដាក់បញ្ជាឲ្យកំលាំងចម្រុះត្រូវការពារនៅតាមព្រំដែន ខ្មែរ ថៃ ជាប្រចាំដើម្បីធ្វើការបង្ក្រាបរាល់បទល្មើសផ្សេងៗឲ្យបានជាប្រចាំ ពិសេសពលករលួចឆ្លងដែនដោយខុសច្បាប់។
ក្រោយពីទទួលបានបទបញ្ជាហើយលោកបានដឹកនាំកំលាំងចម្រុះ១ក្រុមសហការណ៍ជាមួយកម្លាំងប៉ុស្តិ៍សង្កែ កម្លាំងយោធាកងពលវរៈ៥១១ ចុះល្បាតតាមខ្សែបន្ទាត់ព្រំដែនឃាត់ពលករ បានចំនួន១៥នាក់ ក្នុងនោះស្រី៨នាក់ កុមារ២នាក់ រួមទាំងឃាត់ខ្លួនមេខ្យល់១នាក់ ឈ្មោះ យ៉េីន ណារ៉ុង ភេទប្រុស អាយុ២០ឆ្នាំ នៅភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ។
លោកវរសេនីយ៍ឯក សួង សៅ បានបញ្ជាក់ឲ្យដឹងបន្តថា ក្រោយពីបានឃាត់ខ្លួនសួរនាំរួចរាល់ហើយ កម្លាំងបានប្រគល់ពលករខ្មែរទាំង១៥នាក់បញ្ជូនមកនគរបាលស្រុកម៉ាឡៃដើម្បីសួរនាំបន្ត។ លោកវរសេនីយ៍ឯក សួង សៅ បានបញ្ជាក់ថា ពលករទាំង១៥នាក់មកពី៤ខេត្ត ក្នុងនោះខេត្តបាត់ដំបង ចំនួន០៨នាក់ ខេត្តកំពង់ធំ ចំនួន៤នាក់ ខេត្តព្រៃវែងចំនួន២នាក់ និងខេត្តបន្ទាយមានជ័យ ចំនួន១នាក់។
ពលករទាំងអស់ត្រូវបានសមត្ថកិច្ចបញ្ជូនទៅ ចត្តាឡីស័កនៅមណ្ឌលក្នុងស្រុកម៉ាឡៃ ចំណែកមេខ្យល់ត្រូវបានធ្វើកិច្ចសន្យាដើម្បីបញ្ឈប់នូវការនាំពលករឆ្លងដែន និងបញ្ជូនទៅមណ្ឌលធ្វើចត្តាឡីស័កផងដែរ។
អត្ថបទ៖ វ៉ាន់ ណាង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង