ចុងឆ្នាំ ២០២១ តារាស្រីទាំងនេះ លេងឈុតរាត្រីស៊ិចស៊ីខ្លាំង ដូចអាក្រាតកាយ

បើទោះបីជាកូវីដ តែការប្រារព្ធកម្មវិធីតាមប្រទេសនីមួយៗ នៅតែបន្តធ្វើដដែល ជាក់ស្ដែងខាងក្រោមនេះ ជាតារាស្រីដែលបានលេងឈុតស៊ិចស៊ីម៉ាអស់ដៃ នៅកម្រាលព្រំក្រហម ឬកម្មវិធីផ្សេងៗដែលពួកគេបានទៅចូលរួម។

១ Zendaya

តារាស្រីរូបនេះ បានស្លៀកឈុតពណ៌ត្នោត ដូចអាក្រាតកាយ​ ដ៏​សិច​ស៊ី​បំផុត ​និងបាន​ទាក់ទាញ​ភ្នែក​មហាជននៅក្នុងកម្មវិធី ឲ្យក្រលេកមើលនាង។ ឈុតនេះ នាងបានស្លៀកចូលរួមក្នុងកម្មវិធីនៅឯនៅមហោស្រពភាពយន្តទីក្រុង Venice ឆ្នាំ ២០២១ នៅឯការចាក់បញ្ចាំងលើកដំបូងក្នុងរឿង Dune ដែលជាខ្សែភាពយន្តដែលនាងសម្តែងផងដែរ។

២ Kendall Jenner

នាងរក្សាភាព​ស៊ិចស៊ី​ ដោយ​ជ្រើសរើស​សំលៀកបំពាក់ tulle ដ៏​ស្រើបស្រាល ​ជាមួយ​នឹងការ​តុបតែង​គ្រីស្តាល់​ពាសពេញ​រាងកាយក្នុងកម្មវិធី MET Gala ឆ្នាំ ២០២១ ដែលបានបំផុស​គំនិតដោយ Audrey Hepburn ។

៣ Billie Eilish

Billie Eilish បានស្លៀកឈុតដ៏វែងនេះក្នុងកម្មវិធី MET Gala ដែលនេះ ជាឈុតដូចព្រះនាង តែសិចស៊ីសម្រាប់អ្នកទស្សនា។

៤ Annchile Scott-Kemis

ឈុតដ៏ស្រើបស្រាលនេះ មានឈ្មោះថា swan របស់ Valentier ស្លៀកដោយ Annchile Scott-Kemis ក្នុងវគ្គផ្តាច់ព្រ័ត្រនៃកម្មវិធីប្រកួតបវរកញ្ញាចក្រវាលប្រទេសថៃឆ្នាំនេះ។ ដែលនាងដណ្ដើមបានមកុដយ៉ាងស្រស់ស្អាត ពីយុទ្ធនាការ “សម្រស់ទំហំពិត” ដែលជំរុញឲ្យគ្រប់គ្នាពេញចិត្តនឹងសម្រស់ផ្ទាល់ខ្លួន មិនថាមានរូបរាងបែបណានោះទេ។

៥ Bella Hadid

ពណ៌ខ្មៅក៏ជាពណ៌ដ៏អាថ៌កំបាំង តួយ៉ាងដូចជាឈុតដែល Bella Hadid ជ្រើសរើសពី Schiaparelli ដែលភ្ជាប់មកជាមួយស្ទីលប្លែកនៃម៉ាកយីហោ។ ឈុតនេះបាននាំមកនូវខ្សែមាសរាងមូលដ៏ធំសម្បើម ធ្វើជាអាវទ្រនាប់បិទបាំងដើមទ្រូងរបស់នាង ក្នុងកម្មវិធីកម្រាលព្រំនៅមហោស្រពភាពយន្តទីក្រុង Venice ឆ្នាំ ២០២១។

៦ Ingrid Andress

អ្នកណាថាស្លៀកឈុតនារីនឹងមើលទៅចាស់! មិនមែនទាល់តែសោះ។ មើលឈុតពណ៌សគុជខ្យងរបស់តារាប្រចាំប្រទេស Ingrid Andress ចុះពិតជាមិនធម្មតានោះទេ។

នាងបានជំនួសវា ដោយខ្សែសង្វាក់គ្រីស្តាល់ពីកទៅត្រគាក នៅឯពានរង្វាន់ Grammy កាលពីឆ្នាំមុន។

៧ Amanda Seyfried

Amanda Seyfried បានស្លៀកឈុតនេះនៅឯ Golden Globes ឆ្នាំ ២០២១ នៅក្នុងរ៉ូបពណ៌ផ្កាឈូកភ្លឺចេញពីស្មា ជាមួយនឹងផ្កាកុលាបដូចគ្នាពី Oscar de la Renta ដែលលាក់បាំងភាពស៊ិចស៊ី ខ្នងទទេ ស្ទើរតែដល់ចង្កេះ។ វាបង្កើតនូវរូបរាងដ៏ផ្អែមល្ហែម ហើយត្រូវបានគេចាត់ទុកថា នេះជារូបរាងដែលចូលចិត្តប្រចាំឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖តារាកំប្លែងកម្ពស់ទាប Kevin Hart មានជីវប្រវត្តិតស៊ូ សឹងមិនជឿ