ជីវិតកម្សាន្ដ

Selena លេចមុខតាមដងផ្លូវ ត្រូវគេសរសើរថា សម្រស់មិនសមនឹងវ័យទាល់តែសោះ

បានផុស

១ year មុន

នៅ

ថ្ងៃចន្ទ ៣០ មិថុនា ២០២៥

ដោយ

កាលពីថ្មីៗនេះ Selena Gomez បានក្លាយជាចំណុចកណ្តាលនៃការចាប់អារម្មណ៍ជាបន្តបន្ទាប់ ជាមួយនឹងរូបរាងកាន់តែសង្ហា និងក្មេងជាងវ័យគួរឲ្យភ្ញាក់ផ្អើល។ មិនថាបង្ហាញមុខលើកម្រាលព្រំក្រហមក្នុងកម្មវិធីនានា ឬក្នុងឱកាសប្រចាំថ្ងៃនោះទេ តារាចម្រៀង និងសម្ដែងស្រីដ៏ល្បីរូបនេះ តែងតែទាក់ទាញការចាប់អារម្មណ៍ ដោយសារតែរូបរាងស្រស់ស្អាត របស់នាង ប្រៀបបាននឹងសម្រស់មិនថមថយទៅណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ រូបថតជាច្រើនសន្លឹកដែលថតបានពេល Selena និងមិត្តប្រុស ដែលជាផលិតករតន្ត្រី Benny Blanco បានដើរចាប់ដៃគ្នាដើរនៅលើដងផ្លូវ បានវាយលុកពាសពេញបណ្តាញសង្គមហ្វេសបុកនិង អិនស្តាក្រាម។ ទស្សនិកជនជាច្រើនមិនអាចលាក់បាំងការភ្ញាក់ផ្អើលបានទេ នៅពេលដែលពួកគេបានឃើញមុខក្មេងរបស់តារាចម្រៀងអ្នកខ្លះ ថែមទាំងច្រឡំថារូបភាពនេះគឺជារូបដែលថតកាលពីច្រើនឆ្នាំមុនប៉ុណ្ណោះ។

មតិជាច្រើននិយាយថា តារាចម្រៀងស្រីមើលទៅនាងមានអាយុត្រឹមតែ ២០ ឆ្នាំប៉ុណ្ណោះ ទោះបីជានាងមានអាយុ ៣១ ឆ្នាំក៏ដោយ។ សម្រស់មិនចាស់របស់តារាហូលីវូដបច្ចុប្បន្នជាប្រធានបទដ៏ក្តៅគគុកនៃការពិភាក្សាលើបណ្តាញសង្គមពិភពលោក។

លេចមុខនៅលើដងផ្លូវនៃទីក្រុង Las Vegas Selena Gomez បានទាក់ទាញការចាប់អារម្មណ៍ពីប្រព័ន្ធផ្សព្វផ្សាយយ៉ាងឆាប់រហ័ស ទោះបីជានាងមានរូបរាងសាមញ្ញបំផុតក៏ដោយ។ តារាចម្រៀងស្រីដ៏ល្បីរូបនេះបានជ្រើសរើសស្ទីលបែបសាមញ្ញជាមួយនឹងអាវធំបែបយុវវ័យ សក់រលុងតាមបែបធម្មជាតិ និងការតុបតែងខ្លួនភ្លឺថ្លា។

ក្រោមពន្លឺថ្ងៃ ស្បែកសរលោងភ្លឺថ្លារបស់ម្ចាស់បទ «Calm Down» កាន់តែធ្វើឲ្យសម្រស់នាង កាន់តែស្រស់ថ្លាជាងមុន។ មនុស្សជាច្រើនបានបញ្ចេញមតិថា Selena ហាក់ដូចជាកាន់តែជ្រេអាយុទៅៗ ប៉ុន្តែនាងបែរជាកាន់តែក្មេងជាងវ័យ និងមានភាពទាក់ទាញ បើទោះបីជានាងមានអាយុ ៣១ ឆ្នាំទៅហើយក្តី។ រូបរាងដ៏រួសរាយរាក់ទាក់របស់នាង នៅតែមានភាពរស់រវើក និងទទួលបានការសរសើរពីអ្នកគាំទ្រ និងបណ្តាញសារព័ត៌មានជាច្រើន។

លេចមុខក្នុងកម្មវិធី Goat Talk Selena Gomez ជាថ្មីម្តងទៀតបានធ្វើឲ្យសហគមន៍អនឡាញកោតសរសើរចំពោះរូបរាងដ៏ក្មេងខ្ចីរបស់នាង។ តារាចម្រៀង និងជាស្ថាបនិកនៃម៉ាកយីហោម្រស់ Rare Beauty បានជ្រើសរើសម៉ូដរ៉ូបគ្មានខ្សែពណ៌សសាមញ្ញ ដែលនៅតែបង្ហាញភាពឆើតឆាយ និងប្រណីត។

ម៉ូដសក់លើអស់ៗ និងការតុបតែងខ្លួនស្រាល បានឲ្យជួយនាងកាន់តែមានសម្រស់ស្អាតទ្វេរដង។ ជាពិសេស ដោយសារតែស្បែករលោងស្អាត ក៏ជាអត្ថប្រយោជន៍ដ៏ធំដែលជួយឲ្យ Selena ភ្លឺរលោងគ្រប់ស្រទាប់។ សម្រស់ធម្មជាតិ តែគួរឲ្យទាក់ទាញរបស់នាង នៅតែជាចំណុចកណ្តាលនៃការចាប់អារម្មណ៍លើប្រព័ន្ធផ្សព្វផ្សាយសង្គមជានិច្ច៕