Prang ឆ្លើយយ៉ាងច្បាស់ ពីទំនាក់ទំនងជាមួយបុរសនាងកំពុងស្និទ្ធស្នាលជាមួយ

បន្ទាប់ពីមាន​ពាក្យចចាមអារ៉ាម​ថា ​តារាសម្ដែងស្រី Prang Kannarun កំពុងសាង​ទំនាក់ទំនង​ស្នេហាជាមួយ Chalermchai Mahagitsiri ពេលនេះនាងស្រាប់តែចេញមុខមកបញ្ជាក់ការពិតឲ្យកាន់តែច្បាស់ជាងនេះ​ ដោយឈប់ឲ្យមហាជនយល់ច្រឡំទៀត។

តាមរយៈការសម្ភាសន៍មួយ Prang Kannarun និយាយថា ​”ខ្ញុំបានស្គាល់លោក Chalermchai មួយឆ្នាំមកហើយ! ពេល​នោះ​ខ្ញុំ​កំពុង​អភិវឌ្ឍ​ខ្លួន​ឯង​ទៅ​រៀន​ច្រៀង​​ ដែល​ខ្ញុំ​មិន​អាច​ចេញ​មក​និយាយ​ពី​អ្វី​ដែល​ខ្ញុំ​កំពុង​ធ្វើ​នោះ​ទេ ​ព្រោះ​ថា​លោកគឺជា​ម្ចាស់ជំនួយដ៏ធំ​របស់​ខ្ញុំ”​។

ជាចុងក្រោយ តួឯកស្រីក្នុងរឿង “អ្នកតស៊ូទេវតា” ក៏បាន​បញ្ជាក់​ពីទំនាក់ទំនងជាមួយ Chalermchai ថែមទៀតថា “គាត់ពិតជាថៅកែរបស់ខ្ញុំ ក្នុងកន្លែងថ្មីហៅថា4November ពេលនេះខ្ញុំជាអ្នកសិល្បៈដំបូងនិងតែមួយគត់ក្នុងជំផលិតកម្មគាត់ដោយចុះកុងត្រា២ឆ្នាំ ថ្ងៃនេះជាថ្ងៃដែលខ្ញុំមានមោទនភាព និងសប្បាយរីករាយណាស់។​ បន្ទាប់​ពី​នេះ​នឹង​មាន​ស្នាដៃ​ជា​ច្រើន​ទៀត​ចេញ​ផ្សាយ។ ចំណែក​ឯ​ការ​សម្ដែង​វិញ ខ្ញុំ​នៅ​តែ​ទទួល​យក មានការបែងចែកពេលវេលាច្បាស់លាស់”។

ទោះយ៉ាងណាក៏ដោយ ក្រោយលេចរូបភាពប៉ុន្មានសន្លឹករបស់នាង បង្ហាញភាពល្អិតល្មួតជាមួយលោក Chalermchai លើបណ្ដាញសង្គមអ់ីនធើណេត មហាជនជាច្រើនហាក់មានការចាប់អារម្មណ៍និងជួយត្រេកអរដល់ Prang Kannarun ដែលឆាប់រកឃើញស្នេហាថ្មី។ ប៉ុន្តែបន្ទាប់ពីនាងបកស្រាយលម្អិតបែបនេះទៅហើយ ទស្សនិកជនក៏នៅតែគាំទ្រ ហើយនៅតែចង់ឲ្យបើកបេះដូងទទួលអ្នកថ្មីដដែល៕

ប្រែសម្រួល៖ សាង ស្រីល័ក្ខ

ចុចអាន៖គ្រាន់តែរូបភាព Prang ឈរញ៉ាំការ៉េមបញ្ចេញស្នាមសាកលើដើមទ្រូង មានអ្នកចុច Like ជាង ៣ ម៉ឺននាក់