ព័ត៌មានអន្ដរជាតិ

អ្នកវិភាគថា លោក គីម ជុងអ៊ុន ចង់ឲ្យពិភពលោកដឹងថា កូរ៉េខាងជើងនៅតែជាបញ្ហា

បានផុស

៤ years មុន

នៅ

ថ្ងៃចន្ទ ៣១ មករា ២០២២

ដោយ

ចាប់តាំងពីចូលឆ្នាំ២០២២មក ប្រទេសកូរ៉េខាងជើងបានបាញ់សាកល្បងមីស៊ីលរហូតដល់៧គ្រាប់ក្នុងរយៈពេលត្រឹមតែ៣០ថ្ងៃប៉ុណ្ណោះដែលផ្គើននឹងបំរាមរបស់អង្គការសហប្រជាជាតិ និងច្បាប់អន្តរជាតិ។

យោងតាមអ្នកវិភាគបានឲ្យដឹងថា ការធ្វើតេស្តមីស៊ីលរបស់កូរ៉េខាងជើងក្នុងពេលត្រឹមតែ៤សប្តាហ៍នៃដើមឆ្នាំ២០២២ បានបង្ហាញថា មេដឹកនាំ គីម ជុងអ៊ុន កំពុងពេញគោលដៅក្នុងស្រុក និងបង្ហាញពិភពលោកដែលកំពុងច្របូកច្របល់កាន់តែខ្លាំងថា ទីក្រុងព្យុងយ៉ាងនៅតែជាតួអង្គមួយដែលប្រជែងអំណាច និងឥទ្ធិពល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Leif-Eric Easley សហស្ត្រាចារ្យឯកទេសការសិក្សាអន្តរជាតិនៅសាកលវិទ្យាល័យ Ewha Womans ក្នុងទីក្រុងសេអ៊ួល បាននិយាយថា ៖«តាមរយៈការគំរាមកំហែងធ្វើឲ្យអាស៊ីអស្ថិរភាព ខណៈធនធានសកលលាតសន្ធឹតស្តើងៗនៅទីកន្លែងផ្សេងៗ រដ្ឋាភិបាលទីក្រុងព្យុងយ៉ាងកំពុងទាមទារឲ្យពិភពលោកចំណាយវាដើម្បីធ្វើសកម្មភាពដូចអំណាចនុយក្លេអ៊ែរដែលទទួលខុសត្រូវ»។

ការបាញ់សាកល្បងមីស៊ីលទាំង៧គ្រាប់នោះបានដំណើរការយ៉ាងរលូនជាអ្វីដែលត្រូវបានគេជឿថាជាមីស៊ីលនាំផ្លូវលឿនជាងសំឡេង និងជាអាវុធដែលមានឥទ្ធិពលមួយក្នុងលោកដែលជាមីស៊ីលប្លាស្ទិកចម្ងាយឆ្ងាយបំផុត (IRBM) ជាការបាញ់លើកដំបូងគិតចាប់តាំងពីឆ្នាំ២០១៧។

ទាងអស់នេះបានធ្លាក់ចូលទៅក្នុងការសន្យារបស់លោក គីម ដែលប្តេជ្ញាធ្វើឲ្យកូរ៉េខាងជើងមានអំណាចមិនត្រឹមតែឈរជើងរឹងមាំក្នុងចំណោមប្រទេសជិតខាងប៉ុណ្ណោះទេ ប៉ុន្តែក៏ជាសត្រូវឈឺក្បាលពីចម្ងាយសម្រាប់ប្រទេសនានាដូចជាសហរដ្ឋអាមេរិកជាដើម។ ការបាញ់សាកល្បងមីស៊ីលចម្ងាយឆ្ងាយបំផុតកាលពីថ្ងៃអាទិត្យអាចជាគោលដៅវាយប្រហារលើកោះហ្គាំរបស់អាមេរិកនៅមហាសមុទ្រប៉ាស៊ីហ្វិក។

លោក គីម មានហេតុផលធ្វើឲ្យមានការព្រួយបារម្ភអំពីការផ្លាស់ប្តូររដ្ឋាភិបាលទីក្រុងសេអ៊ួលដែលអាចទៅរួចសម្រាប់ការបោះឆ្នោតជ្រើសរើសប្រធានាធិបតីនាខែមីនាខាងមុខ។ ក្រុមគណបក្សអភិរក្សស្ថិតនៅពីក្រោយបេក្ខភាពប្រធានាធិបតីលោក Yoon Suk Yeol ដែលមានឱកាសផ្តួលគណបក្សប្រជាធិបតេយ្យកំពុងកាន់អំណាចសព្វថ្ងៃ ដែលមានលោក Lee Jae-myung អាចជាអ្នកបន្តវេនពីលោកប្រធានាធិបធី Moon Jae-in ប្រសិនបើបក្សនេះឈ្នះឆ្នោតទៀត។

អ្នកវិភាគបាននិយាយថា រដ្ឋាភិបាលដឹកនាំដោយលោក Yoon អាចត្រូវបានគេរំពឹងថា ប្រកាន់យកខ្សែបន្ទាត់រឹងមួយប្រឆាំងនឹងកូរ៉េខាងជើង បើប្រៀបធៀបនឹងការដឹកនាំដោយលោក Lee។

លោក Yoon ថែមទាំងបណ្តុះគំនិតថា កូរ៉េខាងត្បូងអាចវាយប្រហារមុនគេប្រឆាំងនឹងការគំរាមកំហែងពីកូរ៉េខាងជើង។ លោកថា ៖«ខ្ញុំគិតថា វាជាឥរិយាបថដ៏សំខាន់សម្រាប់ពួកយើងដែលត្រូវមាន»។

សម្រាប់សហរដ្ឋអាមេរិក រដ្ឋបាលប្រធានាធិបតី ចូ បៃដិន បានដាក់គំនាបយ៉ាងធំលើកូរ៉េខាងជើងជាមួយនឹងបញ្ហានយោបាយការបរទេសដូចជាចិន តៃវ៉ាន់ និងថ្មីបំផុតនៅអ៊ុយក្រែនជាមួយនឹងការយកចិត្តទុកដាក់ខ្លាំងរួមទាំងវិបត្តិកូវីដផង។

លោក Easley បាននិយាយថា ៖«សម្រាប់ជាបញ្ហា និងសម្រាប់កាន់តែធ្ងន់ធ្ងរ លោក បៃដិន កំពុងបង្ហាញគ្មានភ្លើង និងគ្មានកំហឹង»។

កាលពីឆ្នាំមុនដែលជាពេលចូលកាន់តំណែងឆ្នាំដំបូងរបស់លោក បៃដិន កូរ៉េខាងជើងបានបាញ់សាកល្បង៨គ្រាប់ ហើយគ្មានមីស៊ីលចម្ងាយឆ្ងាយឥទ្ធិពលបំផុតទេ។ ប៉ុន្តែការបាញ់ IRBM កាលពីថ្ងៃអាទិត្យបង្ហាញថា សមត្ថភាពរបស់កូរ៉េខាងជើងនៅតែមាន ហើយអ្នកវិភាគនិយាយថា ការធ្វើតេស្តឥឡូវនេះជាការវាយប្រហារដ៏ធំលើរដ្ឋបាលលោក បៃដិន ដែលរំជើបរំជួលរួចពីការដើរខុសគោលនយោបាយការបរទេសរួចទៅហើយ ដូចជាការដកកងទ័ពពីប្រទេសអាហ្វហ្គានីស្ថាន និងការគំរាមសង្គ្រាមនៅអឺរ៉ុបពីរុស្ស៊ីតាមរយៈការដាក់ពង្រាយកងទ័ពនៅព្រំដែនអ៊ុយក្រែន៕

ប្រែសម្រួល៖ វីរបុត្រ
ប្រភព៖ CNN

Related Topics:លោក គីម ជុងអ៊ុន