ព័ត៌មានអន្ដរជាតិ

អាមេរិកបញ្ជាក់ពីការផ្តល់ឧបករណ៍ការពារអាវុធគីមីដល់អ៊ុយក្រែន

បានផុស

៤ years មុន

នៅ

ថ្ងៃសៅរ៍ ២ មេសា ២០២២

ដោយ

សហរដ្ឋអាមេរិកកំពុងត្រៀមខ្លួនសម្រាប់លទ្ធភាពដែលប្រទេសរុស្ស៊ីអាចប្រើអាវុធគីមី ឬជីវសាស្ត្រប្រឆាំងប្រទេសអ៊ុយក្រែនតាមរយៈការផ្តល់ឧបករណ៍ និងគ្រឿងផ្គត់ផ្គង់ដែលអាចត្រូវបានប្រើដើម្បីសង្គ្រោះជីវិត ប្រសិនបើមានការវាយប្រហារណាមួយ។ រដ្ឋមន្ត្រីទទួលបន្ទុកសារព័ត៌មាននៅសេតវិមាន លោកស្រី Jen Psaki បានបញ្ជាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Psaki បានបង្ហាញពីការខិតខំប្រឹងប្រែងក្នុងការផ្តល់ជំនួយកាលពីថ្ងៃសុក្រដោយមិនបានបញ្ជាក់លំអិតដែលជំនួយទាំងនោះត្រូវបានបញ្ជូនទៅទីក្រុងកៀវ។ លោកស្រីបន្ថែមថា ការផ្តល់ឧបករណ៍ទាំងនោះដល់អ៊ុយក្រែននឹងមិនធ្វើឲ្យខូចដល់ការត្រៀមខ្លួនរួចជាស្រេចសម្រាប់ការវាយប្រហារដោយអាវុធគីមី ឬជីវសាស្ត្រ។

ការបញ្ជាក់បានកើតមានឡើងប៉ុន្មានសប្តាហ៍ បន្ទាប់ពីលោកស្រី Psaki បានលើកឡើងថា ទីក្រុងមូស្គូអាចនឹងមានផែនការដាក់ពង្រាយអាវុធគីមី ឬជីវសាស្ត្រប្រឆាំងនឹងអ៊ុយក្រែន។ ដំបូងឡើយ លោកស្រីបានធ្វើការអះអាងថា នោះជាការឆ្លើយតបទៅនឹងឯកសារដែលបានចុះផ្សាយដោយរុស្ស៊ីចោទប្រកាន់ថា មន្ទីរពិសោធគាំទ្រដោយអាមេរិកនៅអ៊ុយក្រែនកំពុងផលិតអាវុធជីវសាស្ត្រ។

«នេះជាការប៉ុនប៉ងយ៉ាងពិតប្រាកដរបស់រុស្ស៊ីដើម្បីព្យាយាមបង្ហាញពីភាពត្រឹមត្រូវនៃការវាយប្រហារដែលគិតទុកមុន ដោយមិនញញើត និងអយុត្តិធម៌លើអ៊ុយក្រែន»។ លោកស្រី Psaki បាននិយាយកាលពីខែមុន។

លោកស្រីបន្តថា ៖«ឥឡូវនេះរុស្ស៊ីបានធ្វើការអះអាងមិនពិតទាំងនោះ ហើយចិនក៏ទំនងជាគាំទ្រការឃោសនានេះ។ យើងទាំងអស់គ្នាគួរស្វែងរកឲ្យឃើញពីរុស្ស៊ីដែលអាចប្រើអាវុធគីមី ឬជីវសាស្ត្រនៅអ៊ុយក្រែន ឬបង្កើតទង់ក្លែងក្លាយក្នុងប្រតិបត្តិការ»។

មន្ត្រីអាមេរិកក៏បានច្រានចោលផងដែរចំពោះការចោទប្រកាន់ថា កូនប្រុសរបស់លោកប្រធានាធិបតី ចូ បៃដិន ឈ្មោះ Hunter Biden ជាប់ពាក់ព័ន្ធក្នុងការផ្តល់ហិរញ្ញប្បទានដល់ការស្រាវជ្រាវយោធាលើភ្នាក់ងារបង្កជំងឺដ៏គ្រោះថ្នាក់នៅមន្ទីរជីវសាស្ត្រអ៊ុយក្រែន។ ទោះបីជាយ៉ាងណា ការផ្សាយរបស់កាសែតអង់គ្លេស Daily Mail កាលពីសប្តាហ៍មុនថា ការឆ្លើយឆ្លងត្រូវបានរកឃើញក្នុងកុំព្យួទ័រយួរដៃដែលបានបោះបង់ចោលរបស់កូនប្រុសលោក បៃដិន ដែលហោចណាស់បញ្ជាក់ពីផ្នែកខ្លះនៃការអះអាងរបស់រុស្ស៊ី៕

ប្រែសម្រួល៖ វីរបុត្រ
ប្រភព៖ RT

Related Topics:សហរដ្ឋអាមេរិក