ទីក្រុង បាងកក ប្រកាសលុបចោលការអបអរពិធីឆ្លងឆ្នាំវិញក្រោយផ្ទុះកូវីដខ្លាំង

រដ្ឋបាលក្រុងបាងកក (BMA) បានប្រកាសថា រាល់ព្រឹត្តិការណ៍រាប់ថយក្រោយនៃពិធីឆ្លងឆ្នាំថ្មីត្រូវបានលុបចោលវិញបន្ទាប់ពីករណីថ្មីនៃជំងឺកូវីដ១៩ត្រូវបានរកឃើញនៅក្នុងទីក្រុងបាងកកនិងខេត្តជុំវិញនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

BMA ក៏ស្នើសុំឲ្យកម្មករនៅក្នុងទីក្រុងបាងកកធ្វើការពីផ្ទះផងដែរក្នុងរយៈពេល១៤ថ្ងៃខាងមុខនេះ។

ស្របពេលជាមួយគ្នានោះដែរ សាលារៀនមួយចំនួននៅទីក្រុងបាងកកបានប្រកាសបិទទ្វារដើម្បីសុវត្ថិភាពរបស់សិស្ស។

បច្ចុប្បន្ននេះ អាជ្ញាធរសុខាភិបាលកំពុងធ្វើការតាមដានយ៉ាងសកម្មនៅតាមការដ្ឋានសំណង់ ភោជនីយដ្ឋាននិងផ្សារចំនួន៤៧២នៅជុំវិញខេត្ត Samut Sakhon និងទីក្រុងបាងកកបន្ទាប់ពីការរកឃើញករណីជំងឺកូវីដ១៩ចំនួន៦៨៩ករណីក្នុងរយៈពេល២៤ម៉ោងចុងក្រោយដែលភាគច្រើនទាក់ទងទៅនឹងកម្មករចំណាកស្រុកនៅក្នុងឧស្សាហកម្មនេសាទតាមឆ្នេរសមុទ្រនិងផ្សារនៅខេត្ត Samut Sakhon៕

ប្រែសម្រួលដោយ៖ Vann Vann

ប្រភព៖ Thaiger