ថៃ ផ្តល់សំណងអ្នកស្លាប់ក្នុងហេតុការណ៍បាញ់ប្រហារនៅផ្សារទំនើបក្រុងបាងកក ម្នាក់ ១លានបាត

រដ្ឋាភិបាលថៃ តាមរយៈគណៈកម្មាធិការមូលនិធិជំនួយជនរងគ្រោះដោយសារគ្រោះមហន្តរាយ បានសម្រេចផ្តល់សំណងដល់ជនរងគ្រោះក្នុងហេតុការណ៍បាញ់ប្រហារនៅផ្សារទំនើប Paragon អ្នកស្លាប់បាន ១លាននាក់ (ប្រហែល ២៦,០០០ដុល្លារអាមេរិកអាមេរិក) និងអ្នករបួសស្រាលម្នាក់ៗបាន ១សែនបាត (ប្រហែល ២៦០០ដុល្លារអាមេរិក) និងអ្នករបួសធ្ងន់បាន ២សែនបាត (ប្រហែល ៥២០០០ដុល្លារអាមេរិក)។

នៅថ្ងៃទី៦ ខែតុលានេះ នៅវិមានរដ្ឋាភិបាល លោក ស៊ុមសក្តិ ថេបសុធីន (Somsak Thepsuthin) ឧបនាយករដ្ឋមន្ត្រី និងជាប្រធានមូលនិធិជំនួយដល់ជនរងគ្រោះដោយសារគ្រោះមហន្តរាយ នៃការិយាល័យនាយករដ្ឋមន្ត្រីបានដឹកនាំកិច្ចប្រជុំគណៈកម្មាធិការមូលនិធិជំនួយដើម្បីពិភាក្សាសម្រចពីការផ្តល់ជំនួយដល់អ្នករងគ្រោះក្នុងហេតុបាញ់ប្រហារដ៏រន្ធត់កាលពីថ្ងៃទី៣ ខែតុលា នៅក្នុងផ្សារទំនើប Paragon ក្រុងបាងកក រហូតបណ្តាលឱ្យមានមនុស្សស្លាប់ ២នាក់ និងរបួស៥នាក់។ ដោយអង្គប្រជុំគណៈកម្មាធិការមូលនិធិជំនួយបានសម្រេចផ្តល់សំណងដល់សាច់ញាតិអ្នកស្លាប់ទាំង ២នាក់ក្នុងម្នាក់ៗចំនួន ១លានបាត ចំណែកអ្នករបួសធ្ងន់ម្នាក់ៗចំនួន ២សែនបាត និងរបួសស្រាលម្នាក់ៗចំនួន ១សែនបាត៕

ប្រែសម្រួល៖ គង់ សំអាន

ប្រភព៖ naewna

ចុចអាន៖ ជាប់ឈ្មោះជាឃាតកជាង ៤០ ឆ្នាំ បុរសវៀតណាមម្នាក់ទទួលសំណងត្រឹម ៧៧ ៨០០ ដុល្លារប៉ុណ្ណោះ