ព័ត៌មានអន្ដរជាតិ
អាមេរិក សម្រេចផ្តល់ជំនួយយោធាថ្មី ដល់ អ៊ុយក្រែន ក្នុងទំហំទឹកប្រាក់ ១ពាន់លានដុល្លារ
សហរដ្ឋអាមេរិក បានប្រកាសផ្តល់ជំនួយផ្នែកយោធា និងហិរញ្ញវត្ថុថ្មី ដល់ អ៊ុយក្រែន ខណៈទីក្រុង កៀវ បន្តប្រយុទ្ធនឹងកងកម្លាំងរុស្ស៊ីនៅភាគខាងកើត និងខាងត្បូងប្រទេស។
កាលពីថ្ងៃចន្ទទី០៨ខែសីហា មន្ទីរបញ្ចកោណ បានប្រកាសផ្តល់ជំនួយយោធាក្នុងទំហំទឹកប្រាក់ ១ពាន់លានដុល្លារ ហើយដាច់ដោយឡែកពីនេះ ធនាគារពិភពលោកបាននិយាយថា ខ្លួនក៏កំពុងផ្តល់ជំនួយថវិកាចំនួន ៤.៥ ពាន់លានដុល្លារដល់រដ្ឋាភិបាលអ៊ុយក្រែន ដែលផ្តល់ហិរញ្ញប្បទានដោយរដ្ឋាភិបាលសហរដ្ឋអាមេរិកផងដែរ។
កញ្ចប់អាវុធថ្មីនេះ ដែលជាលើកទី១៨ចាប់តាំងពីសង្រ្គាមផ្ទុះឡើងក្នុងខែកុម្ភៈ គឺរួមមានប្រព័ន្ធបាញ់រ៉ុកកែតចល័តទំនើប (HIMARS), គ្រាប់កាំភ្លើងត្បាល់ និងគ្រាប់កាំភ្លើងធំ, ប្រព័ន្ធមីស៊ីលប្រឆាំងរថក្រោះ Javelin និង គ្រាប់បែក។
លោក Colin Kahl អនុរដ្ឋមន្ត្រីទទួលបន្ទុកគោលនយោបាយ នៃក្រសួងការពារជាតិអាមេរិក បានប្រាប់អ្នកសារព័ត៌មានកាលពីថ្ងៃចន្ទថា “ដូចដែលយើងបានបញ្ជាក់យ៉ាងច្បាស់ហើយ យើងប្តេជ្ញាបន្តជំនួយផ្នែកសន្តិសុខសម្រាប់អ៊ុយក្រែន នៅពេលពួកគេក្រោកឈរឡើងចំពោះការវាយលុកដោយមិនញញើត និងមិនសមហេតុផលរបស់រុស្ស៊ី”។
កន្លងមក ទីក្រុងមូស្គូធ្លាប់បានចោទប្រកាន់ក្រុងវ៉ាស៊ីនតោនថា បានចាក់សាំងលើភ្លើងក្នុងជម្លោះនេះ តាមរយៈការផ្តល់អាវុធ និងមីស៊ីលរយៈចម្ងាយឆ្ងាយដល់អ៊ុយក្រែន។
រុស្ស៊ី បានបើកការវាយលុកអ៊ុយក្រែន នៅថ្ងៃទី២៤ ខែកុម្ភៈ ក្រោយការប្រឈមមុខដាក់គ្នាអស់រយៈពេលមួយខែ ដែលទីក្រុងមូស្គូបានដាក់ពង្រាយកងទ័ពនៅជិតព្រំដែនអ៊ុយក្រែន ខណៈប្រធានាធិបតីរុស្ស៊ីលោក វ្ល៉ាឌីមៀរ ពូទីន ទាមទារឲ្យបញ្ចប់ការពង្រីករបស់អង្គការណាតូទៅក្នុងអតីតសាធារណរដ្ឋសូវៀត។
ប៉ុន្តែក្នុងរយៈពេលប៉ុន្មានខែថ្មីៗនេះ ទីក្រុងមូស្គូបានបង្វែរគោលដៅយោធារបស់ខ្លួនទៅកាន់តំបន់ Donbas ភាគខាងកើត និងទីក្រុងឆ្នេរសមុទ្រភាគខាងត្បូង បន្ទាប់ពីបរាជ័យក្នុងការដណ្តើមយករដ្ឋធានីរបស់អ៊ុយក្រែន៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ អាមេរិក ត្រៀម កញ្ចប់ជំនួយ សព្វាវុធក្នុងទំហំទឹកប្រាក់ ១ ពាន់ លាន ដុល្លារទៀត ឲ្យ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង