ព័ត៌មានអន្ដរជាតិ
ថៃ ចាប់ឧបករណ៍តេស្តកូវីដ-១៩ ក្លែងក្លាយរាប់ម៉ឺនប្រអប់ មានតម្លៃសរុប ២លានបាត
សមត្ថកិច្ចប៉ូលិសថៃ បានសហការជាមួយនាយកដ្ឋានប្រឆាំងផលិតផលក្លែងក្លាយបើកប្រតិបត្តិការចាប់បានឧបករណ៍ធ្វើតេស្តកូវីដ-១៩ (ATK) ប្រមាណរាប់ម៉ឺនប្រអប់ គិតជាទឹកប្រាក់ ២លានបាតនៅខេត្តណាខនប៉ាថុម (Nakhon Pathom) ត្រូវបានសមត្ថកិច្ចរកឃើញដាក់លក់ដុំតាមអនឡាញតាំងពីខែមេសា បច្ចុប្បន្នសមត្ថកិច្ចបាននិងកំពុងពង្រីកការស្វែងរកតាមចាប់ខ្លួនអ្នកនៅពីក្រោយក្នុងដំណើរការនេះ។
នៅថ្ងៃទី១១ ខែសីហា សមត្ថកិច្ចនៃអគ្គបញ្ជាការដ្ឋានស៊ើបអង្កេតកណ្តាល សហការជាមួយនឹងប៉ូលិសនៃនាយកដ្ឋានបង្ក្រាបឧក្រិដ្ឋកម្មការពារអ្នកប្រើប្រាស់ បានធ្វើសន្និសិទសារព័ត៌មានប្រកាសពីលទ្ធផលនៃការស៊ើបអង្កេតប្រភពនាំចូលឧបករណ៍ធ្វើតេស្តរហ័សកូវីដ-១៩ក្លែងក្លាយដែលដាក់លក់តាមអនឡាញជាច្រើនប្រភេទឬច្រើនម៉ាកនៅក្នុងអគារពាណិជ្ជកម្មមួយកន្លែងនៅខេត្តណាខនប៉ាថុម និងនៅផ្ទះមួយកន្លែងក្នុងខេត្តនុនថាបូរ៉ី រឹបអូសបានវត្ថុតាងសរុបចំនួន ១សែនប្រអប់ ពោលគឺឧបករណ៍ធ្វើតេស្តរហ័សកូវីដ-១៩ គិតជាទឹកប្រាក់សរុបជាង ២លានបាត និងចាប់ខ្លួនជនសង្ស័យ ២នាក់។
ក្រោយសមត្ថកិច្ចធ្វើការត្រួតពិនិត្យជាបឋមបានរកឃើញថា ឧបករណ៍ធ្វើតេស្តរហ័ស(ATK) រកកូវីដ-១៩ទាំងនោះ គឺជាផលិតផលគ្មានស្តង់ដារ ពោលគឺក្លែងក្លាយ ហើយត្រូវបានគេសន្និដ្ឋានថា គឺជាផលិតផលដែលផលិតនៅប្រទេសចិន ហើយត្រូវបានវេចខ្ចប់នៅប្រទេសថៃ។ ជនសង្ស័យបានសារភាពថា ពួកគេគ្រាន់តែជាអ្នកម៉ៅការវេចខ្ចប់ និងដឹកជញ្ជូនផលិតផលតាមការបញ្ជាទិញតែប៉ុណ្ណោះ ប៉ុន្តែប៉ូលិសមានភស្តុតាងគ្រប់គ្រាន់ដើម្បីធ្វើការចោទប្រកាន់បាន រួមទាំងចុះត្រួតពិនិត្យដល់រោងចក្រដែលចុះកិច្ចសន្យាផលិតប្រអប់វេចខ្ចប់ធំៗក្នុងប្រទេសថៃទៀតផង៕
ប្រែសម្រួល៖ គង់ សំអាន
ប្រភព៖ naewna
ចុចអាន៖ ត្រឹមខែមិថុនា ឆ្នាំ២០២២ ប្រជាជនថៃ ចូលរស់នៅកូរ៉េខាងត្បូងខុសច្បាប់ជាង ១.៣សែននាក់
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល