ព័ត៌មានអន្ដរជាតិ
ថៃ ព្រមានទីក្រុងបាកក និងខេត្ត ៥ ផ្សេងទៀតពីហានិភ័យគ្រោះទឹកជំនន់
ប្រជាពលរដ្ឋដែលរស់នៅក្នុងទីក្រុងបាងកក ខេត្ត Pathum Thani, ខេត្ត Nonthaburi, ខេត្ត Ayutthaya, ខេត្ត Saraburi និងខេត្ត Lopburi ត្រូវបានព្រមានអំពីហានិភ័យនៃទឹកជំនន់ដែលអាចកើតមាន ដោយសារតែកម្ពស់ទឹកទន្លេ Pa Sak និងទន្លេ Chao Phraya បានហក់ឡើងចាប់ពីថ្ងៃសៅរ៍មកម្ល៉េះ ខណៈដែលទំនប់ Pa Sak Jolasid ក៏នឹងបញ្ចេញបរិមាណទឹកជាច្រើនចេញទំនប់ផងដែរ ។
នាយកដ្ឋានបង្ការ និងកាត់បន្ថយគ្រោះមហន្តរាយថៃ (DDPM) បានប្រកាសកាលពីថ្ងៃពុធថា តំបន់ខាងលើនៃទន្លេ Pa Sak បានជួបប្រទះភ្លៀងធ្លាក់ខ្លាំង ចាប់តាំងពីថ្ងៃអាទិត្យ ដែលបណ្តាលឲ្យកម្រិតទឹកកើនឡើងជាបន្តបន្ទាប់ ។
ទន្ទឹមនោះនាយកដ្ឋានធារាសាស្ត្រថៃ (RID) ក៏បានប៉ាន់ប្រមាណដែរថា ទំនប់ Pa Sak Jolasid នឹងទទួលទឹកយ៉ាងច្រើនចំនួន ១៣៣ លានម៉ែត្រគូប ចន្លោះពីថ្ងៃទី ២៥ ដល់ ៣០ ខែសីហា ធ្វើឲ្យបរិមាណទឹកនៅក្នុងទំនប់នេះឡើងដល់ ៣៥៥ លានម៉ែត្រគូប ដែលលើសពីកម្រិតមិនធ្លាប់មានរបស់ទំនប់នេះ ។
ដោយមើលឃើញពីស្ថានភាពបែបនេះ នាយកដ្ឋានធារាសាស្ត្រគ្រោងនឹងបង្កើនការបង្ហូរទឹកចេញពីទំនប់ពី ៣៤.៥៦ លានម៉ែត្រគូប ដល់ ៤៣.២ លានម៉ែត្រគូបក្នុងមួយថ្ងៃ ពោលចាប់ពីថ្ងៃទី ២៧ ខែសីហា ដែលនឹងធ្វើឲ្យកម្រិតទឹកកើនឡើងយ៉ាងខ្លាំង ទាំងទន្លេ Pa Sak និងទន្លេ Chao Phraya ដែលហូរកាត់ខេត្តចំនួន ៦ របស់ប្រទេសថៃ ។
នាយកដ្ឋានបានឲ្យដឹងទៀតថា ខ្លួនកំពុងសម្របសម្រួលជាមួយស្ថាប័នពាក់ព័ន្ធ ដើម្បីពិនិត្យមើលកម្ពស់ទឹកជំនន់ និងទំនប់វារីអគ្គិសនីនៅតំបន់ដែលរងផលប៉ះពាល់ ក៏ដូចជារៀបចំសម្រាប់ការជម្លៀសប្រជាពលរដ្ឋក្នុងករណីមានទឹកជំនន់ភ្លាមៗ ខណៈនាយកដ្ឋានក៏បានណែនាំដល់ប្រជាពលរដ្ឋដែលរស់នៅក្បែរមាត់ទន្លេ តាមដានកម្ពស់ទឹកឲ្យបានដិតដល់ ជាពិសេសតាមដានព័ត៌មានថ្មីៗបំផុត ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ លោក ប្រាយុទ្ធ ចាន់អូចា គោរពការសម្រេចរបស់តុលាការធម្មនុញ្ញ និងទៅអង្គុយកន្លែងតំណែងចាស់
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២២ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២៣ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល