ព័ត៌មានអន្ដរជាតិ
លោក ប្រាយុទ្ធ ចាន់អូចា គោរពការសម្រេចរបស់តុលាការធម្មនុញ្ញ និងទៅអង្គុយកន្លែងតំណែងចាស់
លោក ប្រាយុទ្ធ ចាន់អូចា បានព្យួរតួនាទីជានាយករដ្ឋមន្ត្រីភ្លាមៗ និងនៅអង្គុយតំណែងរដ្ឋមន្ត្រីការពារជាតិជាធម្មតា បន្ទាប់ពីសេចក្តីសម្រេចរបស់តុលាការធម្មនុញ្ញលើករណីគម្រប់រយៈពេល ៨ ឆ្នាំនៃការកាន់តំណែងនាយករដ្ឋមន្ត្រី ។
អ្នកនាំពាក្យរដ្ឋាភិបាលថៃ លោក Anucha Burapachaisri បាននិយាយថា តុលាការបានសម្រេចដោយមតិភាគច្រើន ៥ ទល់នឹង ៤ ឲ្យលោក ប្រាយុទ្ធ ចាន់អូចា ព្យួរតួនាទីភ្លាមៗ ចាប់ពីថ្ងៃទី២៤ ខែសីហា ឆ្នាំ២០២២ តទៅ បន្ទាប់ពីក្ដោបក្ដាប់អំណាចរយៈពេល ៨ ឆ្នាំ ហើយសេចក្ដីសម្រេចផ្សេងៗទៀតនឹងធ្វើឡើង រហូតទាល់តែដំណើរការពិចារណារបស់តុលាការត្រូវបានបញ្ចប់ ។
អ្នកនាំពាក្យដដែលបន្តថា លោក ប្រាយុទ្ធ ចាន់អូចា គោរពតាមសេចក្តីសម្រេចរបស់តុលាការធម្មនុញ្ញគ្រប់ប្រការទាំងអស់ ជាពិសេសគឺការព្យួរតួនាទីជានាយករដ្ឋមន្ត្រី ចាប់ពីថ្ងៃទី២៤ ខែសីហាតទៅ ប៉ុន្តែនៅតែបន្តបំពេញភារកិច្ចក្នុងមុខតំណែងមួយទៀតជារដ្ឋមន្ត្រីក្រសួងការពារជាតិជាធម្មតា ។
គួរបញ្ជាក់ថា បន្ទាប់ពីលោក ប្រាយុទ្ធ ចាន់អូចា ត្រូវបានព្យួរពីតួនាទីដោយតុលាការធម្មនុញ្ញ, លោកឧបនាយករដ្ឋមន្ត្រី Prawit Wongsuwan បានក្លាយជានាយករដ្ឋមន្ត្រីចាំផ្ទះ ខណៈនាយករដ្ឋមន្ត្រីទី ២ គឺលោក Wissanu Krea-ngam ៕
ប្រែសម្រួលដោយ ៖ គង់ សំអាន
ប្រភព ៖ Prachachat
ចុចអាន ៖ ស្ថានភាពប្រទេសថៃរយៈពេល ៨ ឆ្នាំ ក្រោមការដឹកនាំរបស់លោក ប្រាយុទ្ធ ចាន់អូចា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង