Connect with us

ព័ត៌មានអន្ដរជាតិ

តើខេត្តណាខ្លះក្នុងប្រទេស ឡាវ កំពុងរងគ្រោះពីទឹកជំនន់?

បានផុស

នៅ

ខេត្តនានាទូទាំងប្រទេសឡាវ ជាពិសេសខេត្តភាគខាងជើងបានទទួលរងនូវទឹកជំនន់ ដោយសារតែព្យុះត្រូពិចបន្តនាំមកនូវភ្លៀងធ្លាក់ខ្លាំង ហើយក្នុងនោះខេត្តចំនួន ៥ ដូចជា ខេត្ត Houaphanh, ខេត្ត Bokeo, ខេត្ត Luang Prabang, ខេត្ត Oudomxay និងខេត្ត Phongsaly ​សុទ្ធតែ​រង​ការ​ប៉ះពាល់​ខ្លាំងក្លា ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្ត Houaphanh

ផ្ទះ សត្វពាហនៈ និងទ្រព្យសម្បត្តិរបស់ប្រជាពលរដ្ឋនៅស្រុក Xiangkho ខេត្ត Houaphanh ត្រូវបានជន់លិចដោយទឹកជំនន់ ខណៈការបាក់ដីបានបំផ្លាញផ្ទះសម្បែង និងផ្លូវថ្នល់ ចាប់ពីថ្ងៃទី ២៥ ដល់ថ្ងៃទី ២៦ ខែសីហា ។ ក្រោយមកអាជ្ញាធរ​ស្រុកក៏​បាន​ពិនិត្យ​មើល​ការ​ខូច​ខាត និង​ផ្តល់​ជំនួយ​សង្គ្រោះ​បន្ទាន់​ដល់​ប្រជាពលរដ្ឋផងដែរ ។

ខេត្ត Bokeo

យោងតាមមន្ទីរការងារ និងសុខុមាលភាពសង្គមខេត្ត Bokeo បានឲ្យដឹងថា ភូមិចំនួន ១៣ ក្នុងស្រុក Meung បានរងគ្រោះដោយទឹកជំនន់ បាក់ដី បាក់ផ្លូវ និងបង្គោលភ្លើង ខណៈភូមិខ្លះបានដាច់ចរន្តអគ្គិសនី ។

ខេត្ត Luang Prabang

ទឹកជំនន់បានជន់លិចផ្ទះ ផ្លូវថ្នល់ និងស្ពានតភ្ជាប់ភូមិនានាក្នុងស្រុក Nam Bak ខេត្ត Luang Prabang ហើយទឹកជំនន់​ក៏​បាន​បំផ្លាញ​ផ្ទៃដី​កសិកម្ម​ភាគច្រើន​របស់អ្នក​ស្រុក​ផងដែរ ។

ខេត្ត Oudomxay

លោក Bounkhong Lachiamphone អភិបាលនៃគណៈអភិបាលខេត្ត Oudomxay បានចុះត្រួតពិនិត្យស្ថានភាពទឹកជំនន់នៅតាមបណ្តាស្រុកមួយចំនួននៃខេត្ត នៅថ្ងៃទី២៦ ខែសីហា ហើយបានរកឃើញថា ផ្លូវ និងប្រព័ន្ធអគ្គិសនីមួយចំនួនបានដាច់សេវាទាំងស្រុង ជាពិសេសប៉ះពាល់ដល់រលកសញ្ញាទូរស័ព្ទជាដើម ។

អភិបាល​ខេត្ត​បញ្ជាក់​ថា ជំនួយ​ជា​បន្ទាន់​នឹង​ត្រូវ​ផ្តល់​ជូន​ដល់​គ្រួសារ​ដែល​រងគ្រោះ​ដោយ​ទឹក​ជំនន់​ក្នុង​ទម្រង់​ជា​អាហារ និង​ទី​ជម្រក ។

ខេត្ត Phongsaly

អាជ្ញាធរខេត្តបានចុះវាស់វែងការខូចខាតដោយសារទឹកជំនន់ ហើយបានប៉ាន់ប្រមាណថា ការខូចខាតមានចំនួនជាង ៥ ពាន់លានគីប (៣២៥ ពាន់ដុល្លារ) នៅក្នុងភូមិចំនួន ៤ ដែលមានប្រជាពលរដ្ឋចំនួន ៩៧ គ្រួសារ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ មកដឹងប្រទេសផ្ដល់ជំនួយឲ្យ ប៉ាគីស្ថាន ដែលកំពុងលិចលង់ដោយទឹកជំនន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ នាទី មុន

ករណី​រោងចក្រ អ​.​ជី ត្រូវបាន​ដោះស្រាយ​បញ្ចប់​ដោយ​ជោគជ័យ

ព័ត៌មានជាតិ២៩ នាទី មុន

អ្នកវិភាគ​សង្គម និង​សហជីព មើលឃើញថា​ដំណោះស្រាយ​ដ៏​លឿន​រហ័ស​ចំពោះ​កម្មករ​រោងចក្រ អ​.​ជី បង្ហាញ​ពី​ការយកចិត្តទុកដាក់រ​បស់​រដ្ឋាភិបាល​អាណត្តិ​ទី​៧

ព័ត៌មានជាតិ៣ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ៣ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ៣ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

Sokha Hotels

ព័ត៌មានពេញនិយម