ព័ត៌មានអន្ដរជាតិ
មកដឹងប្រទេសផ្ដល់ជំនួយឲ្យ ប៉ាគីស្ថាន ដែលកំពុងលិចលង់ដោយទឹកជំនន់
ប្រទេសប៉ាគីស្ថានដែលកំពុងរងការវាយប្រហារដោយភ្លៀងមូសុងមិនធ្លាប់មានពីមុនមកបានទទួលជំនួយមនុស្សធម៌ជាច្រើនពីអង្គការសហប្រជាជាតិ (UN), ប្រទេសតួកគី, អារ៉ាប់រួម, ចិន, កាណាដា និងអាស៊ែបៃហ្សង់ ខណៈចក្រភពអង់គ្លេសបានសន្យាផ្ដល់ជំនួយប្រហែល ១.៧៦ លានដុល្លារ ។
រដ្ឋាភិបាលចិនបានសម្រេចផ្ដល់ជំនួយមនុស្សធម៌ប្រហែល ១៤.៥ លានដុល្លារដល់ប៉ាគីស្ថាន ខណៈ UN ក៏ត្រៀមផ្ដល់ ១៦០ លានដុល្លារដើម្បីជួយប្រទេសដែលកំពុងរងគ្រោះដោយជំនន់មួយនេះផងដែរ ។ ចំណែកប្រទេសកាណាដាបានផ្ដល់ជំនួយ ៥ លានដុល្លារ និង ២ លានដុល្លារពីសំណាក់ប្រទេសអាស៊ែបៃហ្សង់ ។
ទន្ទឹមនោះ កងទ័ពប៉ាគីស្ថានបាននិយាយនៅក្នុងសេចក្តីថ្លែងការណ៍មួយថា “យន្តហោះយោធាដឹកទំនិញសង្គ្រោះចំនួន ៧ គ្រឿងមកពីប្រទេសតួកគីបានមកដល់ទីក្រុង Karachi ខណៈ ៣ គ្រឿងទៀតដែលមកពីអារ៉ាប់រួមក៏បានមកដល់មូលដ្ឋានទ័ពអាកាស Noorkhan Rawalpindi ផងដែរ ។ ចំណែកយន្តហោះ ២ គ្រឿងមកពីប្រទេសចិននឹងទៅដល់ទីក្រុង Karachi ជាមួយនឹងតង់ចំនួន ៣,០០០” ។
ប្រទេសប៉ាគីស្ថានបានរងការវាយប្រហារដោយភ្លៀងមូសុងមិនធ្លាប់មានពីមុនមក ដែលបានសម្លាប់មនុស្សជាង ១,១៣០ នាក់ និងជាង ១,៦៣៤ នាក់ផ្សេងទៀតបានរងរបួសដោយសារភ្លៀងធ្លាក់ និងឧប្បត្តិហេតុដែលទាក់ទងនឹងទឹកជំនន់ ។
បន្ថែមពីនេះផ្លូវជាង ៣,៤៧១ គីឡូម៉ែត្រ, ស្ពានចំនួន ១៦២, ហាងចំនួន ១៧០ និងផ្ទះចំនួន ១,០៥១,៥៧០ ខ្នងរងការខូចខាតទាំងស្រុង ខណៈសត្វពាហនៈចំនួន ៧៣៥,៣៧៥ ក្បាលបានងាប់នៅទូទាំងប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ហេតុអ្វីបានជាប្រទេស ប៉ាគីស្ថាន ជួបគ្រោះទឹកជំនន់ ធ្ងន់ធ្ងរបែបនេះ?
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ