ទីបំផុត ទីក្រុងភាគខាងត្បូង ចិន ដកការបិទខ្ទប់ ក្រោយផ្ទុះបាតុកម្មច្រើនថ្ងៃ

ទីក្រុងក្វាងចូវភាគខាងត្បូងប្រទេសចិន បានបន្ធូរបន្ថយវិធានការប្រឆាំងនឹងកូវីដ ១៩ ដ៏តឹងរ៉ឹងរបស់ខ្លួន បន្ទាប់ពីមានការប៉ះទង្គិចគ្នារវាងបាតុករ និងប៉ូលិស ។

រដ្ឋាភិបាលទីក្រុងបានប្រកាសកាលពីថ្ងៃពុធថា ការបិទខ្ទប់ទ្រង់ទ្រាយធំដែលដាក់នៅគ្រប់តំបន់ នឹងត្រូវជំនួសដោយការបិទអគារ ជាកន្លែងដែលករណីឆ្លងមេរោគត្រូវបានបញ្ជាក់ ។

បន្ទាប់​ពី​ការ​ប្រកាស​នេះ អ្នក​ស្រុក​ដែលជាប់ក្នុងការ​ដាក់​កំហិតលើការធ្វើដំណើរ​ជាង​ ១ ​ខែ​ត្រូវ​បាន​គេ​ឃើញ​ចេញ​ទៅ​ទិញ​អាហារ ខណៈ​ពលករ​ចំណាក​ស្រុកក៏​បានធ្វើ​ដំណើរ​ទៅ​កន្លែងរបស់ពួកគេស្នាក់នៅវិញផងដែរ ។

ការបន្ធូរបន្ថយការរឹតបន្តឹងនេះបានកើតឡើង បន្ទាប់ពីការតវ៉ាប្រឆាំងនឹងគោលនយោបាយ “សូន្យកូវីដ” ដ៏តឹងរ៉ឹងរបស់រដ្ឋាភិបាលចិននៅទីក្រុងប៉េកាំង សៀងហៃ ក្វាងចូវ និងកន្លែងផ្សេងទៀត ។

ដោយឡែកទីក្រុងប៉េកាំងបានទទួលស្គាល់ថា អាជ្ញាធរក្នុងតំបន់មួយចំនួនបាននិងកំពុងដាក់វិធានការប្រឆាំងការឆ្លងហួសហេតុពេក ។ ប្រជាពលរដ្ឋមើលឃើញថា វាហាក់ដូចជាកំពុងចាត់វិធានការបង្ក្រាបលើហ្វូងបាតុករ មិនមែនការពារការឆ្លងកូវីដឡើយ ជាពិសេសដើម្បីបំបែកសាធារណជនកុំប្រមូលផ្ដុំតវ៉ាបន្ថែមទៀត ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ បាតុករ ចិន ប្រើបណ្ដាញសង្គមបរទេស ដើម្បីឲ្យអ្នកផ្សេងដឹងពីការតវ៉ា

ចុចអាន ៖ ស្ងាត់ដំណឹងយូរ ដឹងទេ មហាសេដ្ឋី Jack Ma សំងំរស់នៅប្រទេសណា?