ព័ត៌មានអន្ដរជាតិ
បាតុករ ចិន ប្រើបណ្ដាញសង្គមបរទេស ដើម្បីឲ្យអ្នកផ្សេងដឹងពីការតវ៉ា
ពលរដ្ឋចិនដែលបាតុកម្មនឹងការរឹតបន្តឹងលើគោលនយោបាយ “សូន្យកូវីដ” កំពុងប្រឆាំងការត្រួតពិនិត្យរបស់រដ្ឋាភិបាល ដោយប្រើប្រព័ន្ធផ្សព្វផ្សាយសង្គមបរទេស ដើម្បីឲ្យប្រជាជនផ្សេងទៀតដឹងពីការតវ៉ារបស់ពួកគេ ។
អាជ្ញាធរកំពុងដាក់ពង្រាយមន្ត្រីប៉ូលិសនៅក្នុងទីក្រុងធំៗ ដើម្បីបង្ក្រាបការមិនគោរពច្បាប់ស៊ីវិល បន្ទាប់ពីមានការប្រមូលផ្តុំគ្នាទ្រង់ទ្រាយធំបានកើតឡើងនៅទីក្រុងប៉េកាំង សៀងហៃ និងកន្លែងផ្សេងទៀត ។
ជាក់ស្តែង ការរិះគន់ទាំងនោះត្រូវបានរឹតបន្តឹង ខណៈដែលរូបថត និងរូបភាពនៃការតវ៉ាបានបាត់ពីអ៊ីនធឺណិត ខណៈកាសែត People’s Daily បានចុះផ្សាយអត្ថបទមួយកាលពីថ្ងៃអង្គារថា “ព័ត៌មានមិនល្អតាមអនឡាញកំពុងបង្កើនការភ័យស្លន់ស្លោក្នុងចំណោមប្រជាជន” ហើយអត្ថបទនេះបានលើកទឹកចិត្ត និងជំរុញឲ្យប្រជាជនផ្តោតលើព័ត៌មានដែលផ្តល់ដោយរដ្ឋាភិបាល ។
ទន្ទឹមនោះ ពលរដ្ឋមួយចំនួនកំពុងប្រើសេវា VPN ដើម្បីចូលប្រើកម្មវិធីប្រព័ន្ធផ្សព្វផ្សាយសង្គមបរទេស ដែលហួសពីលទ្ធភាពរបស់រដ្ឋាភិបាលចិន ជាពិសេសរូបថតមួយសន្លឹកដែលបានបង្ហាញពីក្រដាស ស ទំហំ A4 មានពាក្យថា “សេរីភាព” នៅលើនោះ ។
ពាក់ព័ន្ធនឹងបញ្ហានេះដែរ ទាំងនៅទីក្រុងសៀងហៃ និងទីក្រុងក្វាងចូវភាគខាងត្បូង, ប៉ូលិសកំពុងបង្ខំពលរដ្ឋឲ្យលុបកម្មវិធីប្រព័ន្ធផ្សព្វផ្សាយសង្គមបរទេសចេញពីស្មាតហ្វូនរបស់ពួកគេ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក គាំទ្របាតុកម្មប្រឆាំងគោលនយោបាយ “សូន្យកូវីដ” នៅ ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង