ព័ត៌មានអន្ដរជាតិ

រថភ្លើងបុករថយន្តដឹកថ្ម នៅថៃ ស្លាប់មនុស្ស ៥ នាក់ និងរបួស ៤២ នាក់

បានផុស

៣ years មុន

នៅ

ថ្ងៃពុធ ៨ កុម្ភៈ ២០២៣

ដោយ

ប្រទេសថៃ ៖ យ៉ាងហោចណាស់ក៏មានមនុស្ស ៥ នាក់ដែរ ដែលបានស្លាប់ និង ជាង ៤០ នាក់ទៀតរងរបួស ខណៈមានរថយន្តដឹកថ្មធុនធ្ងន់មួយគ្រឿង បើកឆ្លងកាត់មុខរថភ្លើង បណ្តាលឲ្យរថភ្លើងបុកអូសទៅមុខប្រមាណ ៥០ ម៉ែត្រ ទើបធ្លាក់ក្បាលរថភ្លើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏រន្ធត់នេះបានកើតឡើងកាលពីវេលាម៉ោង ១០ ព្រឹក ថ្ងៃទី ៧ ខែកុម្ភៈ ឆ្នាំ ២០២៣ នៅចំណុចផ្លូវប្រសព្វមួយកន្លែង ឃុំសិលា ស្រុកមឿង ខេត្តខនកែន ប្រទេសថៃ។

តាមការរៀបរាប់ពីអ្នកបញ្ជាក្បាលរថភ្លើងមួយរូបបាននិយាយថា មុនពេលកើតហេតុ ខ្សែរថភ្លើងបានដឹកអ្នកដំណើរចេញពីខេត្ត នគររាជសីមា ឆ្ពោះទៅកាន់ខេត្តណងខាយ ដោយឆ្លងកាត់ខេត្តខនកែន លុះពេលហួសស្ថានីយខនកែនបានបន្តិច ក៏ស្រាប់តែមានរថយន្តធុនធ្ងន់មួយគ្រឿង ដឹកថ្មពេញ បានឆ្លងកាត់ទទឹងពីមុខតែម្ដង បើទោះបីជារថភ្លើងស៊ីផ្លេមកតាំងពីចម្ងាយហើយក៏ដោយ ទើបធ្វើឲ្យរថភ្លើងបុករថយន្តនោះ ហើយអូសប្រហែល ៥០ ម៉ែត្រ ទើបធ្លាក់ក្បាល។

នៅក្នុងហេតុការណ៍នោះដែរ សមត្ថកិច្ចចុះត្រួតពិនិត្យសង្កេតឃើញថា មានមនុស្សស្លាប់ ៥ នាក់ ក្នុងនោះ ៣ នាក់ ជាអ្នកបើកបរ និងអ្នកត្រួតពិនិត្យម៉ាស៊ីនរថភ្លើង។ ឯ ២ នាក់ទៀត ជាអ្នកដំណើរ និងមានអ្នកដំណើររងរបួសធ្ងន់-ស្រាល ៤២ នាក់ ដែលត្រូវបញ្ជូនទៅមន្ទីរពេទ្យ។

ក្រោយពេលកើតហេតុ ក្រុមការងារអយស្ម័យយាន បានចុះស្ទូចក្បាល និងជួសជុលផ្លូវរហូតដល់ម៉ោង ១០ យប់ ក្នុងថ្ងៃដដែល ទើបរួចរាល់ និងអាចឲ្យរថភ្លើងដំណើរការតាមផ្លូវដែកនេះបាន។ ដោយឡែកអ្នកបើកបររថយន្ត ត្រូវបានសមត្ថកិច្ចនាំខ្លួនទៅសាកសួរតាមផ្លូវច្បាប់៕

អត្ថបទ ៖ សោ និយមរ័ត្ន

Related Topics:ប្រទេសថៃ គ្រោះថ្នាក់ចរាចរណ៍

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា