ព័ត៌មានអន្ដរជាតិ
កូរ៉េខាងត្បូង ប្រកាសផែនការផ្តល់សំណងឲ្យជនរងគ្រោះ ដោយសារពលកម្មទាំងបង្ខំ សម័យសង្គ្រាមជប៉ុន
ទីភ្នាក់ងារសារព័ត៌មាន Yonhap បានរាយការណ៍នៅថ្ងៃចន្ទទី០៦ខែមីនាថា ប្រទេសកូរ៉េខាងត្បូង បានស្នើផែនការមួយ ដើម្បីដោះស្រាយវិវាទសម័យអាណានិគម ពោលគឺ កូរ៉េខាងត្បូង នឹងផ្តល់សំណងដល់ជនរងគ្រោះនៃពលកម្មទាំងបង្ខំក្នុងសម័យសង្គ្រាមរបស់ប្រទេសជប៉ុន តាមរយៈមូលនិធិសាធារណៈដែលគាំទ្រដោយទីក្រុងសេអ៊ូល។
![](https://www.kampucheathmey.com/wp-content/uploads/2023/03/image-449.png)
រដ្ឋមន្ត្រីការបរទេសកូរ៉េខាងត្បូង លោក Park Jin បានប្រកាសពីសំណើនេះ ដោយមានបំណងដោះស្រាយបញ្ហាផ្តល់សំណងដល់ពលរដ្ឋកូរ៉េចំនួន១៥នាក់ ដែលបានឈ្នះការតតាំងតាមផ្លូវច្បាប់ប្រឆាំងនឹងក្រុមហ៊ុនជប៉ុនចំនួនពីរ។ ក្រុមហ៊ុនជប៉ុនទាំងនេះ រងការចោទប្រកាន់ថា កៀងគរពួកគេឲ្យទៅធ្វើការធ្ងន់ក្នុងអំឡុងសង្គ្រាមលោកលើកទី២។
![](https://www.kampucheathmey.com/wp-content/uploads/2023/03/image-448-1024x683.png)
ក្នុងឆ្នាំ២០១៨ តុលាការកំពូលកូរ៉េខាងត្បូង បានបញ្ជាឲ្យក្រុមហ៊ុន Mitsubishi Heavy Industries Ltd. និង Nippon Steel Corp. បង់ប្រាក់សំណងដល់ពួកគេ។
ក្រោមការដឹកនាំរបស់ប្រធានាធិបតីកូរ៉េខាងត្បូង Yoon Suk Yeol, មូលនិធិសម្រាប់ជនរងគ្រោះនៃគម្រោងកៀងគរដោយបង្ខំ ដែលមានទំនាក់ទំនងជាមួយក្រសួងមហាផ្ទៃ នឹងប្រមូលអំណោយស្ម័គ្រចិត្តពីវិស័យឯកជន។ កូរ៉េខាងត្បូងក៏មានគម្រោងប្រើប្រាស់មូលនិធិដែលត្រូវបានបង្កើតឡើងក្នុងឆ្នាំ២០១៤ ដើម្បីផ្តល់សំណងដល់ដើមបណ្តឹងផ្សេងទៀតដែលឈ្នះក្តីផងដែរ។
![](https://www.kampucheathmey.com/wp-content/uploads/2023/03/image-450-1024x683.png)
ទោះបីជាយ៉ាងណាក៏ដោយ ទីក្រុងតូក្យូបានអះអាងម្តងហើយម្តងទៀតថា បញ្ហាសំណងទាំងអស់ដែលទាក់ទងនឹងអាណានិគមជប៉ុនឆ្នាំ ១៩១០ ដល់ ១៩៤៥ ត្រូវបានដោះស្រាយរួចហើយនៅក្នុងកិច្ចព្រមព្រៀងឆ្នាំ១៩៦៥ ដើម្បីធ្វើឲ្យទំនាក់ទំនងការទូតទ្វេភាគីមានលក្ខណៈធម្មតា។
ប្រទេសជិតខាងទាំង២ បានរៀបចំកិច្ចចរចាផ្លូវការជាច្រើនលើក លើបញ្ហានេះក្នុងរយៈពេលប៉ុន្មានខែចុងក្រោយ ស្របតាមការជំរុញរបស់រដ្ឋបាលលោក Yoon សម្រាប់ការពង្រឹងភាពជាដៃគូសន្តិសុខត្រីភាគីជាមួយសហរដ្ឋអាមេរិក និងជប៉ុន ដើម្បីទប់ទល់ការគំរាមកំហែងផ្នែកយោធារបស់កូរ៉េខាងជើង៕
ប្រែសម្រួល៖ Vann Vann
ប្រភព៖ ANI
ចុចអាន៖ កូរ៉េខាងជើង ទៅរក UN ឲ្យជួយបញ្ឈប់សមយុទ្ធយោធា អាមេរិក-កូរ៉េខាងត្បូង ជាបន្ទាន់
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា