បុរសថៃ កំពុងបត់ជើងធំ ត្រូវពស់ក្នុងចានបង្គន់ ខាំគូទ បញ្ជូនទៅមន្ទីរពេទ្យ

បុរសម្នាក់មកពីខេត្ត Nonthaburi ភាគកណ្តាលប្រទេសថៃបានចូលបង្គន់ដើម្បីបត់ជើងធំ ប៉ុន្តែមួយសន្ធុះក្រោយមកក៏មានអារម្មណ៍ឈឺចាប់នៅត្រង់គូទ ស្រាប់តែងាកទៅក៏ឃើញពស់ថ្លាន់មួយក្បាលនៅក្នុងចានបង្គន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ Witoon Sonapoon អាយុ៦២ឆ្នាំ និយាយថា គាត់ភ័យណាស់ ហើយបានរត់ចេញពីបន្ទប់ទឹកមកជាន់ក្រោម ថែមទាំងរអិលដួលទៀតផង។ ក្រោយមក គាត់ត្រូវបានបញ្ជូនទៅកាន់មន្ទីរពេទ្យ Bang Yai ដើម្បីព្យាបាលរបួសពស់ខាំនៅជិតរន្ធគូទ។

ទោះបីជាយ៉ាងណាក៏ដោយ នេះមិនមែនជាលើកទី១ទេ ដែលគ្រួសាររបស់គាត់ ឃើញសត្វពស់នៅក្នុងបន្ទប់ទឹក។ កាលពីថ្ងៃសុក្រទី១៤ខែមេសា គ្រប់គ្នាក្នុងផ្ទះ បានឃើញពស់អើតក្បាលចេញពីចានបង្គន់ ដល់ទៅ៣លើកឯណោះ ក្នុងមួយថ្ងៃ។ យ៉ាងណាក៏ជាសំណាង​ល្អដែរ ដែលពស់នេះគឺជាពស់ថ្លាន់ ​មិន​មែន​ជា​ពស់​មាន​ពិស។

កាល​ពី​ខែ​មុន ម្ចាស់​ផ្ទះមួយ​ទៀតក្នុង​ប្រទេស​ថៃ ក៏បាន​ឃើញ​ពស់ថ្លាន់ អើត​ក្បាលចេញពីចាន​បង្គន់ដែរ។ ពស់នោះមានទំហំធំ និងមានទម្ងន់ ២៣ គីឡូក្រាម៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ពស់ថ្លាន់១ក្បាលទម្ងន់ជិត៧គីឡូចូលផ្ទះអ្នកភូមិផ្អើលទាំងព្រឹក