ព័ត៌មានអន្ដរជាតិ

លោកយាយជនជាតិ ចិន វ័យ ១០៧ ឆ្នាំ ដុះស្នែងលើក្បាលស្មានថានិមិត្តរូបអាយុវែង ក្រោយទៅពេទ្យទើបដឹងការពិត

បានផុស

៣ years មុន

នៅ

ថ្ងៃចន្ទ ៨ ឧសភា ២០២៣

ដោយ

ជារឿងគួរឲ្យចាប់អារម្មណ៍មួយនៅលើបណ្ដាញអ៊ីនធឺណិត បន្ទាប់ពីរូបភាពស្ត្រីចំណាស់ជនជាតិចិនម្នាក់ដែលមានស្នែងដុះចេញពីក្បាល ខណៈអតីតគ្រូពេទ្យវះកាត់ម្នាក់និយាយថា តាមពិតគាត់មានជំងឺស្បែក ហើយក្រុមគ្រួសារគួរយកគាត់ទៅមន្ទីរពេទ្យដើម្បីពិនិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ដែលបានរកឃើញបញ្ចាក់ថា វីដេអូរបស់ស្ត្រីអាយុ ១០៧ ឆ្នាំម្នាក់នៅក្នុងខេត្ត Guangdong ប្រទេសចិន មានដុះស្នែងនៅលើក្បាលរបស់គាត់ ដោយរីករាលដាលពេញបណ្ដាញសង្គម និងបណ្តាលឲ្យមានការពិភាក្សាយ៉ាងក្តៅគគុកក្នុងចំណោមអ្នកនិយមលេងអ៊ីនធឺណិត។ អ្នកបង្ហោះរូបនោះបាននិយាយថា លោកយាយមានស្នែងលើក្បាលជាច្រើនឆ្នាំមកហើយ។ ប៉ុន្តែមិនមានការឈឺចាប់ ឬរមាស់អ្វីនោះទេ។ ដូច្នេះហើយ ទើបមានមនុស្សមួយចំនួនសម្រុកបញ្ចេញមតិសរសើរថាជា “និមិត្តសញ្ញានៃភាពជាប់បានយូរឬអាយុវែង”។

យ៉ាងណាមិញ Bai Yi Chanmao អតីតគ្រូពេទ្យវះកាត់នៅខេត្ត Zhejiang ម្នាក់បាននិយាយថា លើក្បាលរបស់លោកយាយតាមពិតគឺជាជំងឺស្បែកដែលគេស្គាល់ថាជាជំងឺសើស្បែក ដែលដុំពកចេញពីស្បែកដូចស្នែង មានទំហំ និងរាងខុសៗគ្នាសម្រាប់មនុស្សម្នាក់ៗ។ ភាគច្រើនកើតឡើងចំពោះបុរសដែលមានអាយុលើសពី ៤០ ឆ្នាំ ហើយអ្វីដែលគួរឲ្យខ្លាចនោះគឺថាវាមានលទ្ធភាពបង្កមហារីកទៅថ្ងៃខាងមុខ។ ដូច្នេះហើយ ទើបក្រុមគ្រួសារណែនាំឲ្យនាំស្ត្រីចំណាស់ទៅកាន់ផ្នែកសើស្បែកនៃមន្ទីរពេទ្យដើម្បីពិនិត្យ ហើយគ្រូពេទ្យជំនាញនឹងវាយតម្លៃថាតើការវះកាត់ចេញគឺចាំបាច់ឬអត់៕