ព័ត៌មានអន្ដរជាតិ
អាមេរិក និងតៃវ៉ាន់ ចុះកិច្ចព្រមព្រៀងពាណិជ្ជកម្ម ធ្វើឲ្យចិន ក្តៅស្លឹកត្រចៀក
តំណាងមកពីសហរដ្ឋអាមេរិក និងកោះតៃវ៉ាន់ បានចុះហត្ថលេខាលើកិច្ចព្រមព្រៀងដំបូងក្រោមអ្វីដែលគេហៅថា ជាគំនិតផ្តួចផ្តើមអាមេរិក-តៃវ៉ាន់ស្តីពីពាណិជ្ជកម្មសតវត្សរ៍ទី២១។
ពិធីនេះ បានធ្វើឡើងកាលពីថ្ងៃព្រហស្បតិ៍ទី១ខែមិថុនា នៅទីក្រុង Arlington នៃរដ្ឋ Virginia សហរដ្ឋអាមេរិក។
កិច្ចព្រមព្រៀងនេះ នឹងជួយសម្រួលដល់នីតិវិធីតាមព្រំដែន ដោយអនុញ្ញាតឲ្យអាជីវកម្មអាមេរិក ចែកចាយផលិតផលរបស់ពួកគេកាន់តែងាយស្រួល កាន់តែលឿន និងថោកជាងមុន។ ស្របពេលជាមួយគ្នានោះ ក្រុមហ៊ុនខ្នាតតូច និងមធ្យមមកពីភាគីទាំងពីរ នឹងទទួលបានការគាំទ្រផ្នែកហិរញ្ញប្បទាន បើកឱកាសធ្វើពាណិជ្ជកម្ម និងវិនិយោគ។
ទោះបីជាយ៉ាងណាក៏ដោយ ច្បាស់ណាស់ កិច្ចព្រមព្រៀងនេះពិតជាធ្វើឲ្យប្រទេសចិន ក្តៅស្លឹកត្រចៀក ខណៈមេដឹកនាំទីក្រុងប៉េកាំង បានប្រឆាំងម្តងហើយម្តងទៀតនូវគំនិតផ្តួចផ្តើមបែបនេះ ថាជាការរំលោភលើគោលការណ៍ “ចិនតែមួយ”។
អ្នកនាំពាក្យក្រសួងការបរទេសចិន លោកស្រី Mao Ning បាននិយាយក្នុងសន្និសីទសារព័ត៌មាននៅទីក្រុងប៉េកាំង កាលពីថ្ងៃព្រហស្បតិ៍ថា សហរដ្ឋអាមេរិក មិនគួរចុះហត្ថលេខាលើកិច្ចព្រមព្រៀងជាមួយតៃវ៉ាន់ ដែលបង្កប់ន័យអធិបតេយ្យឡើយ។
លោកស្រីបន្ថែមថា អាមេរិកមិនគួរបញ្ជូនសញ្ញាខុសណាមួយ ដល់កងកម្លាំងផ្តាច់ខ្លួនដើម្បីឯករាជ្យតៃវ៉ាន់ ក្នុងនាមសេដ្ឋកិច្ចនិងពាណិជ្ជកម្មនោះទេ៕
ប្រែសម្រួល៖ Vann Vann
ប្រភព៖ NHK
ចុចអាន៖ ចិន ត្រៀមយោធារួចរាល់ហើយ ដើម្បីកម្ទេចចលនាផ្តាច់ខ្លួននៅ តៃវ៉ាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង