ព័ត៌មានអន្ដរជាតិ
ចិន ត្រៀមយោធារួចរាល់ហើយ ដើម្បីកម្ទេចចលនាផ្តាច់ខ្លួននៅ តៃវ៉ាន់
យោធាចិន បានប្តេជ្ញាកម្ទេចចលនាផ្តាច់ខ្លួនណាមួយនៅកោះតៃវ៉ាន់ ហើយព្រមានថា ការដែលទីក្រុងវ៉ាស៊ីនតោន ជ្រៀតជ្រែកកាន់តែខ្លាំងក្នុងបញ្ហាកោះដែលគ្រប់គ្រងដោយខ្លួនឯងមួយនេះ បានបង្កើតឲ្យមានការប្រេះស្រាំដ៏គ្រោះថ្នាក់ចំពោះទំនាក់ទំនងចិន-អាមេរិក។
អ្នកនាំពាក្យក្រសួងការពារជាតិចិន លោក Tan Kefei បានប្រាប់អ្នកយកព័ត៌មាន កាលពីថ្ងៃអង្គារទី១៦ខែឧសភានៅទីក្រុងប៉េកាំងថា កងទ័ពរំដោះប្រជាជនចិន កំពុងបន្តពង្រឹងការហ្វឹកហ្វឺន និងការត្រៀមលក្ខណៈយោធា ហើយនឹងដោះស្រាយយ៉ាងម៉ឺងម៉ាត់ ចំពោះគ្រប់ទម្រង់នៃអបគមន៍ឯករាជ្យតៃវ៉ាន់ រួមជាមួយនឹងការប៉ុនប៉ងជ្រៀតជ្រែកពីខាងក្រៅ ហើយនឹងការពារយ៉ាងម៉ឺងម៉ាត់នូវអធិបតេយ្យជាតិ និងបូរណភាពទឹកដី។
លោក Tan បានធ្វើអត្ថាធិប្បាយបែបនេះ ដើម្បីឆ្លើយតបទៅនឹងផែនការរបស់អាមេរិក ក្នុងការផ្តល់ជំនួយយោធាមានទំហំទឹកប្រាក់៥០០លានដុល្លារឲ្យតៃវ៉ាន់។ លើសពីនេះ មន្ទីរបញ្ចកោណ បានបញ្ជូនទាហានរហូតដល់ទៅ ២០០នាក់ ទៅកាន់កោះនេះ ដើម្បីហ្វឹកហ្វឺនយោធា។
លោក Tan និយាយថា ការបង្កើនទំនាក់ទំនងលើវិស័យការពារជាតិរវាងទីក្រុងវ៉ាស៊ីនតោន និងទីក្រុងតៃប៉ិ បាននាំឲ្យរង្គោះរង្គើដល់មូលដ្ឋានគ្រឹះនៃទំនាក់ទំនងចិន-អាមេរិក និងធ្វើឲ្យខូចដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។ នេះជាទង្វើខុសឆ្គង និងគ្រោះថ្នាក់ខ្លាំងណាស់។
ស្របពេលជាមួយគ្នានោះ លោក Tan បានហៅបញ្ហាកោះតៃវ៉ាន់ថាជា “ខ្សែក្រហមដំបូងដែលមិនអាចឆ្លងកាត់បាន” ក្នុងទំនាក់ទំនងរបស់ចិនជាមួយអាមេរិក។ លោកក៏បានអំពាវនាវឲ្យទីក្រុងវ៉ាស៊ីនតោន គោរពតាមគោលនយោបាយចិនតែមួយ ដែលទទួលស្គាល់សាធារណរដ្ឋប្រជាមានិតចិន ថាជារដ្ឋាភិបាលស្របច្បាប់តែមួយគត់ របស់ប្រទេសចិន រួមទាំងតៃវ៉ាន់ផងដែរ។
គួរបញ្ជាក់ជាថ្មី វ៉ាស៊ីនតោនបានធ្វើឲ្យទីក្រុងប៉េកាំង ខឹងសម្បារួចទៅហើយ ដោយសារតែការលក់សព្វាវុធទៅឲ្យតៃវ៉ាន់ និងបញ្ជូនគណៈប្រតិភូនយោបាយទៅទីនោះ។
ប្រទេសចិនបានបង្កើនសមយុទ្ធយោធានៅច្រកសមុទ្រតៃវ៉ាន់ និងផ្តាច់ទំនាក់ទំនងការពារជាតិ និងអាកាសធាតុជាមួយសហរដ្ឋអាមេរិកកាលពីខែសីហាឆ្នាំមុន បន្ទាប់ពីប្រធានសភា Nancy Pelosi ធ្វើទស្សនកិច្ចដ៏ចម្រូងចម្រាសទៅកាន់កោះនេះ៕
ប្រែសម្រួល៖ Vannn Vann
ប្រភព៖ RT
ចុចអាន៖ ចិន ព្រមានថា អាមេរិក កំពុងធ្វើឲ្យកោះតៃវ៉ាន់ ក្លាយជា “ធុងរំសេវ”
-
ព័ត៌មានជាតិ២ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម២ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៥ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៤ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៥ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ជីវិតកម្សាន្ដ៥ ថ្ងៃ ago
Carman Lee ត្រូវគេរើសអើង ពេលនៅលីវ និងគ្មានកូនដូចគេក្នុងអាយុ ៥៨ ឆ្នាំ
-
ព័ត៌មានជាតិ៦ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ