ព័ត៌មានអន្ដរជាតិ

ក្មេងប្រុសម្នាក់ប្រកាច់បែកពពុះមាត់ភ្លាមៗ ខណៈយន្តហោះហៀបនឹងចាកចេញពី ក្វាងចូវ

បានផុស

២ years មុន

នៅ

ថ្ងៃពុធ ៩ សីហា ២០២៣

ដោយ

ភាពអាសន្នមួយបានកើតឡើងនៅលើជើងហោះហើរ China Southern Airlines កាលពីប៉ុន្មានថ្ងៃមុន ខណៈដែលរៀបនឹងចាកចេញពីក្វាងចូវទៅកាន់ស៊ីនីង ស្រាប់តែអ្នកដំណើរម្នាក់បានសុំជំនួយពីបុគ្គលិកក្រុមហ៊ុនអាកាសចរណ៍ ដោយសារកូនប្រុសស្រាប់តែប្រកាច់ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការរាយការណ៍របស់ប្រព័ន្ធផ្សព្វផ្សាយក្នុងស្រុកបានបញ្ជាក់ថា ឧបទ្ទវហេតុនេះបានកើតឡើងនៅព្រឹកព្រលឹមកាលពីថ្ងៃទី០២ ខែសីហាឆ្នាំ២០១២៣។ យន្តហោះដែលផ្ទុកមនុស្សជាង ១៧០នាក់ ដើមឡើយគ្រោងនឹងហោះហើរទៅកាន់ទីក្រុងស៊ីនីង ។ ប៉ុន្តែ នៅពេលយន្តហោះត្រៀមហោះឡើងលើអាកាស បុគ្គលិកលើយន្តហោះបានឮសំឡេងស្រ្តីម្នាក់ស្រែកប្រាប់ពីក្មេងប្រុសអាយុ ១៣ ឆ្នាំម្នាក់មានសភាពមិនស្រួល ដោយប្រកាច់និងបែកពពុះមាត់ភ្លាមៗ។

យ៉ាងណាមិញ នៅលើយន្តហោះមានវេជ្ជបណ្ឌិតម្នាក់ឈ្មោះ Huang Yunxuan ចៃដន្យត្រូវធ្វើដំណើរទៅកាន់ទីក្រុងស៊ីនីងដូចគ្នា។ បន្ទាប់ពីគ្រូពេទ្យមកជួយពិនិត្យ ទើបរកឃើញថា ចង្វាក់បេះដូងរបស់ក្មេងប្រុសគឺខ្ពស់មិនធម្មតា។ ឪពុកម្ដាយបានសម្រេចចិត្តបញ្ចប់ការធ្វើដំណើរដោយស្នើឲ្យប្រញាប់បង្វែរយន្តហោះត្រឡប់ទៅទីតាំងដើមវិញ។ ដូចជារថយន្តសង្គ្រោះបន្ទាន់ដែលប្រញាប់យកអ្នកជំងឺទៅមន្ទីរពេទ្យឲ្យបានលឿនតាមដែលអាចធ្វើទៅបាន។ ជាសំណាងល្អ ក្មេងប្រុសបានជាសះស្បើយបន្ទាប់ពីទទួលការព្យាបាលទាន់ពេលវេលា រហូតដល់បានចេញពីមន្ទីរពេទ្យដោយសុវត្ថិភាពផងដែរ។

ក្រោយមក ម្ដាយក្មេងប្រុសបានបញ្ចាក់មូលហេតុដែលធ្វើឲ្យកូនប្រុសគាត់ប្រកាច់ គឺដោយសារត្រូវឡើងយន្តហោះនៅថ្ងៃនោះ កូនប្រុសបានដេកបានតែ២ម៉ោងប៉ុណ្ណោះ ហើយត្រូវក្រោកទាំងកណ្ដាលយប់ ដើម្បីទៅដល់អាកាសយានដ្ឋាននៅម៉ោង៩យប់ ដែលអាចបណ្ដាលឲ្យគាត់អស់កម្លាំងពេក និងបង្កបញ្ហាសុខភាពយ៉ាងដូច្នោះ៕