ព័ត៌មានអន្ដរជាតិ
ក្រុមហ៊ុន Toyota ប្រមូលរថយន្តនៅ អាមេរិក ៥ ម៉ឺនគ្រឿងចូលរោងចក្រវិញ ដោយសារបញ្ហាពោងសុវត្ថិភាព
ក្រុមហ៊ុន Toyota បានជំរុញឲ្យប្រមូលរថយន្តចាស់ៗចំនួន ៥០,០០០ គ្រឿងនៅសហរដ្ឋអាមេរិកត្រឡប់ចូលរោងចក្រវិញ ដោយសារតែបញ្ហាពោងការពារសុវត្ថិភាពរបស់រថយន្តដែលផលិតដោយក្រុមហ៊ុន Takata អាចផ្ទុះជាយថាហេតុ និងបង្កគ្រោះថ្នាក់ ។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី៣០ ខែមករានេះ ។
![](https://www.kampucheathmey.com/wp-content/uploads/2024/01/231220134418-toyota-dealership-102623-1.jpg)
ការណែនាំនេះ គឺគ្របដណ្តប់លើម៉ូដែលរថយន្តរបស់ក្រុមហ៊ុនផលិតរថយន្តធំជាងគេរបស់ពិភពលោកចាប់ពីសេរ៊ីឆ្នាំ ២០០៣ ដល់ឆ្នាំ ២០០៥ ខណៈនៅឆ្នាំ ២០០៩ មានករណីមនុស្សស្លាប់ជាង ៣០ នាក់ពាក់ព័ន្ធនឹងពោងសុវត្ថិភាពដែលផលិតដោយក្រុមហ៊ុន Takata ។
ក្រុមហ៊ុន Toyota និយាយថា ប្រសិនបើពោងសុវត្ថិភាពរីកមាឌ នោះផ្នែកនៅខាងក្នុងទំនងជានឹងផ្ទុះ និងបាញ់បំណែកដែកដ៏មុតស្រួចដែលអាចបង្កគ្រោះថ្នាក់ ។ រថយន្តដែលជាប់ពាក់ព័ន្ធមានម៉ូដែល Corolla និង Corolla Matrix សេរ៊ីឆ្នាំ ២០០៣-២០០៤ និងម៉ូដែល RAV4 សេរ៊ីឆ្នាំ ២០០៤-២០០៥ ។
![](https://www.kampucheathmey.com/wp-content/uploads/2024/01/report-traffic-death-in-florida-could-be-related-to-takata-airbags.webp)
គួរបញ្ជាក់ថា បញ្ហាធ្ងន់ធ្ងរជាមួយពោងសុវត្ថិភាពរបស់ក្រុមហ៊ុន Takata បានបណ្តាលឲ្យមានការប្រមូលមកវិញនូវឧស្សាហកម្មពោងសុវត្ថិភាពដ៏ធំបំផុតក្នុងប្រវត្តិសាស្ត្រ ដែលពាក់ព័ន្ធនឹងផលិតផលជាង ១០០ លាន និងក្រុមហ៊ុនផលិតរថយន្តជាង ២០ ។
បន្ទាប់ពីប្រើពេលជាងមួយទសវត្សរ៍កន្លះនៃការប្រមូលមកវិញ មានបណ្ដឹង និងការស៊ើបអង្កេតជាច្រើននៅសហរដ្ឋអាមេរិក ដែលធ្វើឲ្យក្រុមហ៊ុន Takata បានប្រកាសដាក់ពាក្យក្ស័យធនក្នុងឆ្នាំ ២០១៧ ហើយទ្រព្យសម្បត្តិរបស់ក្រុមហ៊ុនមួយនេះត្រូវបានលក់ទៅឲ្យក្រុមហ៊ុន Key Safety Systems ដែលគ្រប់គ្រងដោយចិនក្នុងតម្លៃប្រហែល ១.៦ ពាន់លានដុល្លា ៕
អត្ថបទ៖ ប៊ុន សុភាព
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ