ព័ត៌មានអន្ដរជាតិ
អ៊ីស្រាអែល បញ្ចេញតួលេខទាហានស្លាប់ និងចំនួនរ៉ុកកែតដែលសត្រូវបាញ់ចូលដីខ្លួន
កងកម្លាំងការពារអ៊ីស្រាអែល (IDF) បានចេញផ្សាយនូវរបាយការណ៍អំពីប្រតិបត្តិការរបស់ខ្លួននៅតំបន់ហ្គាហ្សា តំបន់ West Bank និងប្រទេសលីបង់។ ការចេញផ្សាយនេះ ធ្វើឡើងនៅថ្ងៃទី៧ខែតុលា ចំគម្រប់ខួប១ឆ្នាំត្រឹមនៅក្នុងសង្គ្រាមរវាងអ៊ីស្រាអែល និងក្រុមសកម្មប្រយុទ្ធហាម៉ាស ខណៈការប្រឈមមុខដាក់គ្នានៅក្នុងតំបន់មជ្ឈិមបូព៌ាកាន់តែតានតឹងខ្លាំងឡើង។
បើយោងតាមរបាយការណ៍របស់ IDF ប្រតិបត្តិករ និងសមាជិកហាម៉ាសប្រមាណ ១៧ ០០០នាក់ ត្រូវបានសម្លាប់នៅតំបន់ហ្គាហ្សា គិតចាប់តាំងពីពេលដែលក្រុមសកម្មប្រយុទ្ធដែលមានការគាំទ្រដោយអ៊ីរ៉ង់នេះបានលួចវាយឆ្មក់ចូលប្រទេសអ៊ីស្រាអែលនាថ្ងៃទី៧ខែតុលាឆ្នាំ២០២៣ ហើយបណ្ដាលឲ្យមនុស្សស្លាប់ ១ ២០០នាក់ និងមនុស្ស ២៥១នាក់ត្រូវចាប់ធ្វើជាចំណាប់ខ្មាំង។ នៅក្នុងថ្ងៃដំបូងនៃការវាយឆ្មក់របស់ហាម៉ាស កងកម្លាំង IDF ក៏បានសម្លាប់ក្រុមភេរវករបានចំនួន ១ ០០០នាក់ផងដែរ។
របាយការណ៍ IDF បានបង្ហាញទៀតថា ខ្លួនបានសម្លាប់មេបញ្ជាការជាន់ខ្ពស់ហាម៉ាសចំនួន ៨រូប ព្រមទាំងបានសម្លាប់មេបញ្ជាការកងពលតូចច្រើនជាង ៣០រូបផងដែរ។ បន្ថែមពីនេះ មេបញ្ជាការ និងប្រតិបត្តិករក្រុមហ៊ុនច្រើនជាង ១៦៥នាក់ផ្សេងៗទៀតក៏ត្រូវបានសម្លាប់ដូចគ្នា។
ការវាយប្រហារនៅលើតំបន់ហ្គាហ្សា ធ្វើឡើងនៅគោលដៅចំនួនប្រមាណ ៤០ ៣០០ទីតាំង ហើយទាហានអ៊ីស្រាអែលបានរកឃើញរូងសម្ងាត់ក្រោមដីប្រហែល ៤ ៧០០កន្លែងរបស់ក្រុមហាម៉ាស។
ក្រោយ១ថ្ងៃបន្ទាប់ពីការវាយឆ្មក់របស់ហាម៉ាសចូលដីអ៊ីស្រាអែល ក្រុមហេសបូឡាដែលមានមូលដ្ឋាននៅលីបង់ បានចាប់ផ្ដើមវាយប្រហារព្រំដែនភាគខាងជើងប្រទេសអ៊ីស្រាអែល ដោយអះអាងថា សកម្មភាពនេះធ្វើឡើងដើម្បីគាំទ្រដល់តំបន់ហ្គាហ្សា។ ការប្រយុទ្ធចាប់ផ្ដើមផ្ទុះឡើងជាច្រើនខែ រហូតដល់ខែកញ្ញាឆ្នាំនេះទើបអ៊ីស្រាអែលផ្ដោតការវាយប្រហាររបស់ខ្លួនកាន់តែខ្លាំងនៅប្រទេសលីបង់ ហើយបានប្រល័យជីវិតមេដឹកនាំកំពូលក្រុមហេសបូឡា និងបើកប្រតិបត្តិការវាយលុកជើងគោកចូលទៅក្នុងទឹកដីលីបង់។
យោងតាម IDF ទីតាំងជិត ១១ ០០០គោលដៅនៅលីបង់ ត្រូវបានរងការប្រហារពីអ៊ីស្រាអែល។
IDF បានបញ្ជាក់ថា ដ្រូន រ៉ុកកែត និងមីស៊ីល ចំនួន ២៦ ០០០គ្រាប់ ត្រូវបានបាញ់ពីរណសិរ្សជាច្រើនផ្សេងៗគ្នារបស់សត្រូវមកលើទឹកដីអ៊ីស្រាអែល ដោយមានដូចជា ការផ្លោងគ្រាប់ចំនួន ១៣ ២០០គ្រាប់ពីហ្គាហ្សា, ១២ ៤០០គ្រាប់ពីលីបង់, ប្រមាណ ៦០គ្រាប់ពីស៊ីរី, ១៨០គ្រាប់ពីយេមែន និង ៤០០គ្រាប់ពីអ៊ីរ៉ង់។
IDF ក៏បានឲ្យដឹងដែរថា អង្គភាពចារកម្មយោធារបស់ខ្លួន បានចាប់សួរនាំជនសង្ស័យប៉ាឡេស្ទីនប្រមាណ ៧ ០០០នាក់នៅហ្គាហ្សា តែភាគច្រើននៃពួកគេឥឡូវនេះត្រូវបានដោះលែងឲ្យត្រឡប់ទៅវិញរួចមកហើយ។
នៅក្នុងប្រតិបត្តិការ មន្ត្រីសន្តិសុខក្នុងតំបន់ កងកម្លាំងបម្រុង និងទាហានអ៊ីស្រាអែលចំនួន ៧២៨នាក់ត្រូវបានសម្លាប់ ហើយអ្នករងរបួសមាន ៤ ៥៧៦នាក់ នៅក្នុងសង្គ្រាមរយៈពេល១ឆ្នាំមកនេះ។ ទន្ទឹមនោះ IDF បានប្រាប់ថា ទាហានចំនួន ៥៦នាក់របស់ខ្លួនត្រូវបានច្រឡំដៃសម្លាប់ដោយគ្នាឯង ឬបណ្ដាលមកពីបញ្ហាយោធាផ្សេងៗទៀត៕
ដោយ៖ ឈាង
ចុចអាន៖ លោក Netanyahu ថា អ៊ីស្រាអែលកំពុងប្រយុទ្ធតតាំងជាមួយសត្រូវចំនួន៧
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
រាជរដ្ឋាភិបាលចេញសារាចរស្តីពី ការរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ឧសភា
ឃាត់ខ្លួនយុវជនម្នាក់វាយស្ត្រីអ្នកសុំទានសរសៃខ្ចីនៅម៉ាត់មួយកន្លែងក្នុងក្រុងសៀមរាប
លោកជំទាវ ឆាយ លក្ខិណា ប្រាប់មូលហេតុដែលជ្រើសផ្តល់មូលនិធិគាំទ្រដល់សមាគមសិល្បករខ្មែរ អណត្តិទី៦
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៦ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម២២ ម៉ោង agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម