សុខភាព
ការវះកាត់ដុំសរសៃឈាម ក្នុងខួរក្បាល ទំហំធំ “ខ្នាតយក្ស!”
នេះជាការវះកាត់ដុំខួរក្បាលដោយជោគជ័យ ចំពោះករណីដុំសរសៃឈាម ដែលមានទំហំខ្នាតយក្សម្យ៉ាង (Hémangiome caverneux géant) ដោយប្រើប្រាស់បច្ចេកទេស និងបំណិនប្រសព្វជំនាញ គួបផ្សំនឹងបច្ចេកវិទ្យាវេជ្ជសាស្ត្រទំនើបៗចុងក្រោយ ដែលមាននៅមន្ទីរពេទ្យកាល់ម៉ែតនាពេលបច្ចុប្បន្ន។
គឺជាករណីអ្នកជំងឺភេទប្រុសម្នាក់ អាយុ៣០ឆ្នាំ មកពីខេត្តកំពង់ស្ពឺ ដោយលោកមានអាការៈឈឺក្បាលរ៉ាំរ៉ៃជាច្រើនឆ្នាំ ប៉ុន្តែរយៈពេលជាងមួយខែ ការឈឺចាប់មានសភាពខ្លាំងក្លា (ទោះជាប្រើថ្នាំបំបាត់ការឈឺចាប់ក៏មិនមានប្រសិទ្ធភាពឡើយ) និងចាប់មានការខ្សោយមួយចំហៀងខ្លួនផ្នែកខាងស្តាំ ថែមទាំងមានស្មារតីធ្លាក់ចុះ។
ការពិនិត្យវេជ្ជសាស្ត្របែបលក្ខណៈជំនាញនិងស៊ីជម្រៅ គួបផ្សំលទ្ធផលស្កាន់នែរ (Scanner) បានបង្ហាញឲ្យឃើញ នូវដុំម្យ៉ាងទំហំដ៏ធំនៅក្នុងខួរក្បាល (ដូចនៅក្នុងរូបភាពខាងក្រោម)។
ការថតដោយប្រើមធ្យោបាយ អ៊ឹម អរ អាយ (IRM) ដើម្បីវិភាគ និងជ្រើសរើសមធ្យោយបាយ និងវិធីសាស្ត្រព្យាបាលឲ្យបានកាន់តែច្បាស់លាស់បន្ថែមទៀត បានបង្ហាញឲ្យឃើញថា ដុំទំហំយក្សនេះមានពីរក្លែប និងស្ថិតនៅចំកន្លែង ដែលមានសរសៃឈាមធំៗ និងសំខាន់ៗរបស់ខួរក្បាលផ្នែកខាងឆ្វេង។
ការវះកាត់ដោយក្រុមការងារជំនាញចម្រុះ ទាំងផ្នែកវះកាត់ប្រព័ន្ធខួរក្បាល ទាំងផ្នែកសង្គ្រោះកម្រិតធ្ងន់និងសណ្តំ បានធ្វើឡើងនៅថ្ងៃទី១៦ ខែឧសភា ឆ្នាំ២០១៧ ដោយទទួលបានភាពជោគជ័យទាំងស្រុង ដោយដុំដ៏ធំត្រូវបានវះកាត់យកចេញបានទាំងអស់ ហើយដោយមិនមានផលប៉ះពាល់ដល់ប្រព័ន្ធខួរក្បាល និងសរសៃឈាមសំខាន់ៗនោះទេ។ លទ្ធផលវិភាគចុងក្រោយបានបញ្ជាក់ថាដុំនេះគឺ Hémangiome cavernomateux។
បន្ទាប់ពីធ្វើការតាមដានមួយរយៈពេលខ្លីនៅផ្នែកក្រោយសណ្តំ អ្នកជំងឺបានដឹងខ្លួន និងមានសភាពប្រក្រតីឡើងវិញ បន្ទាប់មកអ្នកជំងឺត្រូវបានបញ្ជូនទៅផ្នែកវះកាត់ប្រព័ន្ធប្រសាទសាស្ត្រវិញ (ដោយមិនចាំបាច់ឆ្លងកាត់ការសម្រាកនៅផ្នែកប្រពោធនកម្ម ឬហៅថា ICU នោះទេ)។ អ្នកជំងឺមានស្មារតីធម្មតាឡើងវិញ ដោយបាត់អាការៈឈឺក្បាល និងអាការៈខ្សោយមួយចំហៀងខ្លួនខាងស្តាំក៏បាត់ទៅវិញផងដែរ។
អ្នកជំងឺចេញពីមន្ទីរពេទ្យត្រឡប់ទៅផ្ទះវិញបន្ទាប់ពីបានសម្រាកពេទ្យរយៈពេល ៩ថ្ងៃ ក្រោយការវះកាត់។
២ខែក្រោយមក ការណាត់ជួបដើម្បីពិនិត្យ និងតាមដានរាល់អាការៈទាំងឡាយ បង្ហាញឃើញថា អ្នកជំងឺមានសភាពធម្មតា ថោយមិនមានអាការៈឈឺក្បាល និងមិនមានអ្វីប្លែកខុសពីប្រក្រតីឡើយ និងជាពិសេស គឺគាត់អាចធ្វើការងាររបស់គាត់បានវិញជាធម្មតា។
«ការកំណត់បាននូវរោគវិនិច្ឆ័យច្បាស់លាស់ និងឆាប់រហ័ស នាំមកនូវការកំណត់បាននូវវិធីសាស្ត្រនិងមធ្យោបាយព្យាបាលសង្គ្រោះអាយុជីវិត ប្រកបដោយប្រសិទ្ធភាព និងគុណភាពខ្ពស់»៕
អត្ថបទ៖ រស្មី
សូមចុចអាន៖ បូសអន្ទង់ ក៏ជាជំងឺដែលអ្នកត្រូវយល់ដឹង!
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
ពលរដ្ឋរងគ្រោះដោយខ្យល់កន្ត្រាក់១០គ្រួសារ ទទួលអំណោយពីកាកបាទក្រហមកម្ពុជាខេត្តបន្ទាយមានជ័យ
លោក សួស យ៉ារ៉ា ៖ ការទូតសន្តិភាពសភាកម្ពុជាមានបទពិសោធន៍កសាងសន្តិភាពជាក់ស្តែង និងផ្អែកលើគោលការណ៍ទាំង៥
កម្ពុជាកំពុងរៀបចំនីតិវិធីពិសេស សម្រាប់ការនាំចេញទំនិញទៅទីផ្សារអាមេរិក
រដ្ឋមន្ត្រីក្រសួងការងារ ចុះហត្ថលេខាលើឯកសារចំនួន៣ ជាមួយថៃ ក្រោមអធិបតីភាព សម្តេចធិបតី ហ៊ុន ម៉ាណែត
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
កុំខកខាន! ភ្នំពេញក៏អាចមើលឃើញ បាតុភូត «មេឃញញឹម» ដ៏កម្រ នៅថ្ងៃ២៥នេះដែរ
-
ចរាចរណ៍២ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៧ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១២ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៧ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៣ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១៤ ម៉ោង agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៧ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា