សុខភាព
កត្តាប្រឈម និងវិធីការពារកូនកើតមិនគ្រប់ខែ
កូនគំរាមសម្រាលមិនគ្រប់ខែ (Menace d’accoudement prématuré) ឬក៏អាចហៅថា ការសម្រាលកូនមុនកំណត់ (មុន ៣៧សប្តាហ៍នៃគភ៌)។ ដែលអាចកើតមានឡើងលើស្ត្រីកំពុងពរពោះ ហើយវាអាចបង្កគ្រោះថ្នាក់ទៅដល់សុខភាពរបស់ម្តាយ និងទារក។
១) កត្តាដែលបណ្តាលឲ្យកូនគំរាមកើតមិនគ្រប់ខែមាន៖
– រលាកប្លោកនោម
– រលាកមាត់ស្បូន
– ការក្លាយរោគ
– ការជក់បារី និងពិសាគ្រឿងស្រវឹង
– ការលើស ឬស្រកទម្ងន់ខ្លាំងក្នុងអំឡុងពេលមានផ្ទៃពោះ
– ម្តាយដែលមានបញ្ហាសុខភាព
– មានផ្ទៃពោះកូនភ្លោះ ឬច្រើន
– មានទឹកភ្លោះច្រើន
– មានផ្ទៃពោះញឹកពេក
– មានប្រវត្តិកើតកូនមិនគ្រប់ខែ ឬគំរាមកើតមុនខែ
– ពិនិត្យសុខភាពមិនបានទៀតទាត់
– ការប្រើប្រាស់ថ្នាំដោយគ្មានវេជ្ជបញ្ជាត្រឹមត្រូវ
– មានអារម្មណ៍ស្ត្រេស
២) រោគសញ្ញា៖
ជាទូទៅកូនគំរាមកើតមិនគ្រប់ខែ អាចស្តែងចេញជារោគសញ្ញាដូចជា៖
– ស្បូនកន្ត្រាក់ចង្កោមរឹង (ធ្វើឲ្យមានអារម្មណ៍រឹងនៅត្រង់ផ្ទៃពោះ)
– រោយចង្កេះ និងណែនធ្ងន់លើថ្ងាសក្រោមពោះ
– លីងចង្កេះ
– មានទឹករំអិលធ្លាក់មកជួនកាលមានលាយឈាមប្រាលៗខុសពីធម្មតា។
៣) ផលប៉ះពាល់ និងបញ្ហាប្រឈមរួមមាន៖
– ទារកអាចស្លាប់
– សុខភាពកូនមិនល្អ
– មានបញ្ហាសម្រាប់ការលូតលាស់របស់ទារក (ប្រព័ន្ធផ្លូវដង្ហើម ប្រព័ន្ធរំលាយអាហារ ការលូតលាស់ខួរក្បាល ។ល។)
– ម្តាយអាចប្រឈមមុខនឹងសម្រាលមិនគ្រប់ខែសម្រាប់គ៌រលើកក្រោយទៀត
– បញ្ហាផ្លូវចិត្ត (ក្តីបារម្ភចំពោះទារក)
៤) យើងអាចការពារបានដោយ៖
– ពិនិត្យ និងតាមដានផ្ទៃពោះឲ្យបានទៀងទាត់
– កុំធ្វើការងារធ្ងន់ និងហួសកម្លាំង
– ហាមធ្វើដំណើរផ្លូវឆ្ងាយក្នុងអំឡុងពេលមានផ្ទៃពោះ
– ពុំគួរមានកូនច្រើន និងញឹកញាប់
– ជៀសវាងការរំលូតកូនដោយគ្មានបច្ចេកទេសត្រឹមត្រូវ
”ប្រសិនបើមានអាការៈមិនប្រក្រតីគួរតែឆាប់រួសរាន់មកពិនិត្យផ្ទៃពោះជាមួយវេជ្ជបណ្ឌិតជំនាញនៃមន្ទីរពេទ្យកាល់ម៉ែត ដើម្បីធ្វើការស្វែងរកសញ្ញាគ្រោះថ្នាក់ដែលមាន ហើយអាចធ្វើការព្យាបាល ឬអន្តរាគមន៍វេជ្ជសាស្ត្រទាន់ពេលវេលា ប្រកបដោយសុវត្ថិភាពទាំងមាតា និងទារក”៕
អត្ថបទ៖ រស្មី
សូមចុចអាន៖ តើជំងឺដុំមហារីកបំពង់អាហារ អាចមានរោគសញ្ញាអ្វីខ្លះ?
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត