ជីវិតកម្សាន្ដ
សមាគមសិល្បករខ្មែរ នឹងនាំយកថវិកាពីសប្បុរសជនជូនកងទ័ពឆាប់ៗ ខណៈ «មូលនិធិទ្រទ្រង់កងទ័ពការពារព្រំដែនជាតិ» ដំណាក់កាលទី១ ទើបបិទបញ្ចប់
ប្រធានសមាគមសិល្បករខ្មែរ នឹងនាំយកថវិកាក៏ដូចជាសម្ភារ:ដែលបានពីសប្បុរសជន ដើម្បីប្រគល់ជូនដល់កងទ័ពដែលកំពុងឈរជើងការពារព្រំដែន ក្នុងពេលឆាប់ៗនេះ បន្ទាប់ពី «មូលនិធិ ស៊ីធីអិន ទ្រទ្រង់កងទ័ពការពារព្រំដែនជាតិ» ដំណាក់កាលទី១ ត្រូវបានបិទបញ្ចប់ កាលពីរាត្រីថ្ងៃទី២៧ ខែមិថុនានេះ។
បើគិតមកទល់ពេលនេះ ដំណើរការ «មូលនិធិ ស៊ីធីអិន ទ្រទ្រង់កងទ័ពការពារព្រំដែនជាតិ» មានរយៈពេលជិតមួយខែហើយ ក្រោមការដឹកនាំរៀបចំពីអ្នកឧកញ៉ា គិត ម៉េង ដោយគោរពអនុវត្តតាមអនុសាសន៍ណែនាំ របស់សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្រោមកិច្ចសហការចូលរួមពីសមាគមសិល្បករខ្មែរ ក្រុមហ៊ុន Cellcard និងធនាគារវីង ផងដែរ។
ឆ្លៀតក្នុងឱកាសបិទបញ្ចប់ដំណាក់កាលទី១នេះ លោកជំទាវអ្នកឧកញ៉ា ម៉ៅ ចំណាន គិតម៉េង ជាប្រធានសមាគមសិល្បករខ្មែរ ក្នុងនាមអ្នកឧកញ៉ា គិត ម៉េង ប្រធាន «មូលនិធិ ស៊ីធីអិន ទ្រទ្រង់កងទ័ពការពារព្រំដែនជាតិ» បានសម្ដែងនូវការគោរពថ្លែងអំណរគុណដល់សប្បុរសជនទាំងក្នុង និងក្រៅប្រទេស ដែលបានចូលរួមបរិច្ចាគទៅតាមលទ្ធភាពជាបន្តបន្ទាប់តាំងពីមុនពេល អំឡុងពេលផ្សាយផ្ទាល់ និងរហូតមកដល់ថ្ងៃបិទបញ្ចប់នេះ។
ក្នុងនោះក៏មានកាចូលរួមប់ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ផងដែរ ដោយក្រៅពីបានផ្ដួចផ្ដើមជំរុញលើកទឹកចិត្តហើយនោះ សម្ដេចទាំងទ្វេក៏បានបរិច្ចាគថវិកាចំនួន ៣០០លានរៀលដល់មូលនិធិក្នុងការទ្រទ្រង់កងទ័ពការពារព្រំដែនជាតិ ព្រមទាំងបន្តអំពាវនាវដល់សប្បុរសជនជិតឆ្ងាយឱ្យមានការចូលរួមរួមបន្ថែមទៀតផង។
ជាមួយគ្នានោះ លោកជំទាវអ្នកឧកញ៉ាក៏សូមថ្លែងនូវការកោតសរសើរ ថ្លែងអំរគុណ និងចងចាំជាប់ជានិច្ចនូវស្មារតីមហាសាមគ្គីប្រកបដោយឆន្ទ:មនសិកាស្នេហាជាតិរបស់ក្រុមការងារពាក់ព័ន្ធទាំងអស់ ដែលបានចូលរួមលះបង់កម្លាំងកាយចិត្ត ពេលវេលាផ្ទាល់ខ្លួន ក្នុងការួមរួចំណែកក្នុងដំណើរការនៃ«មូលនិធិស៊ីធីអិនទ្រទ្រង់កងទ័ពការពារព្រំដែនជាតិ» តាំងពីថ្ងៃចាប់ផ្ដើមរហូតដល់បិទបញ្ចប់។
ក្រៅពីការចូលរួមក្នុងសកម្មភាពដោយផ្ទាល់យ៉ាងសស្រាក់សស្រាំហើយនោះ ថ្នាក់ដឹកនាំ ក្រុមការងារ សិល្បករ សិល្បការិនី ជាសមាជិកទាំងអស់ ក៏មាននូវសន្ដានចិត្តដ៏ប្រពៃចូលរួមឧបត្ថម្ភជាថវិកាទៅតាមលទ្ធភាពផងដែរ។ លើសពីនេះ លោកជំទាវអ្នកឧកញ៉ាប្រធានសមាគម ក៏ប្ដេជ្ញាបន្តនាំយកថវិកា ក៏ដូចជាសម្ភារ:ដែលបានពីសប្បុរសជន ដើម្បីប្រគល់ជូនដល់កងទ័ពដែលកំពុងឈរជើងការពារព្រំដែនជាតិយ៉ាងអង់អាចក្លាហានក្នុងពេលឆាប់ៗនេះផងដែរ៕
-
សន្តិសុខសង្គម១ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៩ ម៉ោង agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី