ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ៤ ឧសភា

ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។

ចុះតើអ្នកដឹងទេ នៅថ្ងៃទី៤ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ ២០០០ – អភិបាលក្រុងឡុងដ៍

អ្នកនយោបាយអង់គ្លេស Ken Livingstone ត្រូវបានជ្រើសតាំងជាអភិបាលក្រុងឡុងដ៍។ វាជាលើកទីមួយ ដែលអ្នកបោះឆ្នោតអង់គ្លេស បានជ្រើសរើសបេក្ខជនដោយផ្ទាល់ទៅកាន់ការិយាល័យប្រតិបត្តិរបស់រដ្ឋាភិបាល។

ឆ្នាំ ១៩៧០ – បាតុកម្មប្រឆាំងសង្រ្គាមវៀតណាម

បាតុកម្មប្រឆាំងសង្រ្គាមវៀតណាមនៅសកលវិទ្យាល័យ Kent State សហរដ្ឋអាមេរិក​ បានប្រែក្លាយជាការបង្ហូរឈាម នៅពេលដែលឆ្មាំជាតិ Ohio បាញ់សម្លាប់និស្សិតគ្មានអាវុធចំនួន ៤ នាក់ និងរបួស ៩ នាក់ផ្សេងទៀត ដែលធ្វើឲ្យមតិសាធារណៈជនប្រឆាំងនឹងសង្រ្គាមកាន់តែធ្ងន់ធ្ងរ។

ឆ្នាំ ១៩៥៩ – ពានរង្វាន់ Grammy

ពានរង្វាន់ Grammy លើកដំបូងត្រូវបានបង្ហាញ ហើយអ្នកឈ្នះរួមមាន Frank Sinatra, Ella Fitzgerald និង Kingston Trio។

ឆ្នាំ ១៩៤២​ – សមរភូមិ Coral Sea

ក្នុងអំឡុងសង្គ្រាមលោកលើកទី២ កងទ័ពអាកាស និងកងនាវាចររបស់សហរដ្ឋអាមេរិកបាន ទប់ស្កាត់កម្លាំងឈ្លានពានរបស់ជប៉ុន ដែលឆ្ពោះទៅកាន់កំពង់ផែយុទ្ធសាស្ត្រ Moresby នៃរដ្ឋ New Guinea ក្នុងសមរភូមិ Coral Sea។

ឆ្នាំ ១៨៦៣ – សមរភូមិ Chancellorsville

សមរភូមិ Chancellorsville ក្នុងសង្គ្រាមស៊ីវិលអាមេរិក បានបន្ត។ វាជាការវាយប្រហារបង្ហូរឈាមដោយកងទ័ពសហភាពនៅរដ្ឋ Virginia ដែលបរាជ័យក្នុងការបំបែកកងទ័ពសហព័ន្ធនៃរដ្ឋ Virginia ភាគខាងជើង៕

ប្រែសម្រួល៖ Vann Vann

ចុចអាន៖ ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ៣ ឧសភា