ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ៣ ឧសភា

ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។

ចុះតើអ្នកដឹងទេ នៅថ្ងៃទី៣ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ ២០១៦ – ភ្លើងឆេះព្រៃ Fort McMurray

ភ្លើងឆេះព្រៃបានបង្ខំឲ្យមានការជម្លៀសមនុស្សចេញពីតំបន់ Fort McMurray នៃរដ្ឋ Alberta របស់ប្រទេសកាណាដា និងតំបន់ជុំវិញ។ នៅទីបំផុតមនុស្សជាង ៨០ ០០០នាក់ បានរត់គេចពីភ្លើងដែលបណ្តាលឲ្យមានការខាតគិតជាទឹកប្រាក់រាប់ពាន់លានដុល្លារ។

ឆ្នាំ ១៩៩៦ – អនុសញ្ញាទីក្រុងហ្សឺណែវ

នៅឯការពិនិត្យជាផ្លូវការលើកដំបូងនៃអនុសញ្ញាទីក្រុងហ្សឺណែវឆ្នាំ១៩៨០ ស្តីពីអាវុធអមនុស្សធម៌, ប្រទេសជាហត្ថលេខីបានយល់ព្រមកាត់បន្ថយការប្រើប្រាស់គ្រាប់មីន ក្នុងទសវត្សរ៍ក្រោយ។

ឆ្នាំ ១៩៧៩ – លោកស្រី Margaret Thatcher

លោកស្រី Margaret Thatcher នៃគណបក្សអភិរក្ស ត្រូវបានជ្រើសរើសជានាយករដ្ឋមន្ត្រីអង់គ្លេស ដោយក្លាយជាស្ត្រីដំបូងគេនៅអឺរ៉ុបដែលកាន់តំណែងនោះ។ ក្រោយមក លោកស្រី​បាន​ក្លាយជា​នាយករដ្ឋមន្ត្រី​អង់គ្លេស​ ​កាន់តំណែង​យូរ​បំផុត​ចាប់តាំងពី​ឆ្នាំ​១៨២៧មក។​

ឆ្នាំ ១៩៧៨ – អ៊ីមែលឥតបានការ

អ្នកប្រើប្រាស់ ARPANET បានទទួលការផ្សាយពាណិជ្ជកម្មមួយ ដែលត្រូវបានគេជឿថាជាអ៊ីមែលឥតបានការលើកដំបូងបង្អស់។

ឆ្នាំ១៨៩៨ – ស្ថាបនិកប្រទេស អ៊ីស្រាអែល

លោកស្រី Golda Meir ដែលជាស្ថាបនិក និងជានាយករដ្ឋមន្ត្រីទីបួន (១៩៦៩ ដល់ ១៩៧៤) នៃប្រទេសអ៊ីស្រាអែល បានចាប់កំណើតក្នុងទីក្រុងកៀវ ប្រទេសអ៊ុយក្រែន បន្ទាប់មកជាផ្នែកមួយនៃចក្រភពរុស្ស៊ី។

១៨១៥ – សភានៃព្រះរាជាណាចក្រប៉ូឡូញ 

សភានៃព្រះរាជាណាចក្រប៉ូឡូញ ត្រូវបានបង្កើតឡើងដោយសភានៃទីក្រុងវីយែន ដែលជាផ្នែកមួយនៃដំណោះស្រាយនយោបាយនៅចុងបញ្ចប់នៃសង្គ្រាមណាប៉ូឡេអុង។

១៤៩៤ – ប្រជុំកោះ Jamaica

អ្នករុករកអឺរ៉ុបលោក Christopher Columbus បានជួបប្រជុំកោះ Jamaica ដែលគាត់ដាក់ឈ្មោះថា Santiago៕

ចុចអាន៖ ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ២ ឧសភា