KPT+
រៀនដោះស្រាយជាមួយជំពូកមនុស្សដែល «ពិបាកនិយាយស្ដាប់គ្នាបាន»
មនុស្សខ្លះមានចរិត«សាំ»ដែលការដោះស្រាយជាមួយពួកគេពិបាកខ្លាំង។ អាចនិយាយបានថាវាជាកិច្ចការដ៏លំបាកមួយដែលត្រូវមកជួបជំពប់ធ្វើការជាមួយមនុស្សដែលពិបាកនិយាយគ្នា ស្ដាប់បាន ហើយពេលខ្លះទៅជាប៉ះពាល់អារម្មណ៍ មានជម្លោះផងក៏ថាបាន។
នេះគឺជាវិធីដោះស្រាយជាមួយពួកគេ ៖
១. ផ្លាស់ប្ដូរប្រធានបទនៃការសន្ទនា
សុខៗស្រាប់តែមានប្រធានបទនៃការសន្ទនា ដ៏គួរឲ្យធុញទ្រាន់កើតឡើង នៅពេលយើងជជែកជាមួយមនុស្សពិបាកស្ដាប់គ្នា។ ព្យាយាមផ្លាស់ប្ដូរប្រធានបទនៅពេលណាដែលយើងមានឱកាស គិតថាអាចធ្វើបាន។
ក្នុងករណីដែលមនុស្សនោះមិនយល់ពីវា សូមកុំបោះបង់ចោល ហើយបន្តនិយាយពីរឿងផ្សេងទៀត។
២. ព្យាយាមនិងអត់ធ្មត់
ការដោះស្រាយជាមួយអ្នកពិបាកនិយាយគ្នា គឺជាភាពតានតឹងមួយសម្រាប់យើង។ ប៉ុន្តែយើងគួរតែអត់ធ្មត់ មិនថាមានបញ្ហាអ្វីក៏ដោយ។ សាកល្បងរាប់ដល់ដប់ ហើយដកដង្ហើម និងស្ដាប់គេនិយាយបន្តសិន។ វិធីនេះ នឹងបង្ហាញថាយើងគោរពគេ ហើយយើងនឹងជៀសផុតពីជម្លោះណាមួយ។
៣. ដាក់ខ្លួនយើងទៅក្នុងចិត្តរបស់ពួកគេ
ស្ដាប់រឿងរ៉ាវរបស់ពួកគេហើយផ្ដល់ការគាំទ្ររបស់យើងដល់គេ។ វាគ្មានអីពិបាក បើយើងចង់ជៀសវាងពីមនុស្សអស់នោះ ដោយមិនចាំបាច់សួរពួកគេថា ចង់និយាយជាមួយយើងឬអត់។
ប៉ុន្តែអាចថា ពួកគេត្រូវការជំនួយឬដំបូន្មានរបស់យើងក៏ថាបាន។ ដាក់ខ្លួនយើងចូលទៅក្នុងចិត្តរបស់ពួកគេ ហើយព្យាយាមជួយពួកគេនិងលើកទឹកចិត្ត។
៤. ព្យាយាមស្ដាប់
វិធីល្អមួយទៀតដើម្បីដោះស្រាយជាមួយពួកគេ គឺត្រូវយកចិត្តទុកដាក់និងស្ដាប់ដោយសន្តិវិធី។ នៅពេលយើងយកចិត្តទុកដាក់យើងអាចចាប់បានព័ត៌មានលម្អិតរបស់គេ ហើយសំដីដែលធ្លាប់គិតថាគេនិយាយឥតបានការ ក៏លែងមាន។
ផ្ដោតលើភាសារាងកាយនិងការបញ្ចេញមតិរបស់មនុស្សទាំងនោះ យើងនិងយល់ពីអ្វីដែលគេចង់និយាយ។
៥. សួរសំនួរ
ប្រសិនបើមិនអាចជៀសផុតពីមនុស្សនោះ ចូលទៅសួរសំណួរជាច្រើនទាក់ទងនឹងគេតែម្ដង។ ការរៀនអ្វីដែលថ្មីធ្វើឲ្យចិត្តរបស់យើងដឹងថា តើវាមានប្រយោជន៍ឬអត់។
ខួរក្បាលមនុស្សអាចស្រូបយកព័ត៌មានបានច្រើន ហើយជាមធ្យមមនុស្សប្រើតិចជាង ១០% នៃសមត្ថភាពខួរក្បាល។ ដូច្នេះយើងថែមទាំងអាចទទួលបានអត្ថប្រយោជន៍ពីពួកគេ ប្រសិនបើពួកគេឆ្លើយគ្រប់សំនួររបស់យើង។
៦. ផ្ដល់មតិ
អ្នកខ្លះអាចមិនជឿ ពីព្រោះគ្មាននរណាម្នាក់មានភាពក្លាហានដើម្បីប្រាប់ការពិតដល់ពួកគេទេ។ ពេលខ្លះមនុស្សដែលពិបាកនិយាយគ្នា មានអ្វីមួយដែលគួរឲ្យចាប់អារម្មណ៍និងស្រស់ស្អាត។ ប៉ុន្តែជារឿយៗពួកគេតែងបកស្រាយខុស ដោយសារតែជំនាញទំនាក់ទំនងរបស់ពួកគេខ្សោយ។ បើអាចសូមជួយបុគ្គលនោះ អភិវឌ្ឍជំនាញទំនាក់ទំនងល្អ តាមរយៈការផ្ដល់យោបល់។
៧. មានការប្រុងប្រយ័ត្នខ្ពស់
អាកប្បកិរិយារបស់យើងពិតជាអាចផ្លាស់ប្ដូរការអភិវឌ្ឍនៃការសន្ទនាណាមួយ។ ប្រសិនបើអាកប្បកិរិយារបស់យើងអវិជ្ជមាន វាអាចធ្វើឲ្យការសន្ទនាមិនល្អនឹងកើតឡើងភ្លាមៗ។
ដូច្នេះត្រូវប្រាកដថា យើងមានអាកប្បកិរិយាវិជ្ជមាន នៅពេលកំពុងតែសន្ទនាជាមួយក្រុមមនុស្សទាំងនោះ។ គិតពីរឿងវិជ្ជមាន ហើយយើងនឹងមានអារម្មណ៍ធូរស្រាល និងមិនសូវភ័យ៕
ប្រែសម្រួល៖ សាង ស្រីល័ក្ខ
ចុចអាន៖រឿង ៧ យ៉ាងដែលបុគ្គលជោគជ័យម្នាក់ៗមានលក្ខណៈដូចគ្នា
ចុចអាន៖៤ វិធី ដើម្បីជម្នះភាពភ័យខ្លាច ដែលយើងច្រើនតែមើលរំលង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ