KPT+

សាំងកំពុងឡើងតម្លៃស្រឺតៗ ប្រើគន្លឹះ ៦ នេះ ធានាជួយសន្សំសំចៃបានច្រើន

បានផុស

២ years មុន

នៅ

ថ្ងៃពុធ ១៦ មីនា ២០២២

ដោយ

មនុស្សគ្រប់រូបចង់ចៀសវាងការចំណាយច្រើនសម្រាប់សាំង ឬប្រេងម៉ាស៊ូត។ ទោះជាយ៉ាងណាក៏ដោយ វាកាន់តែពិបាកឡើង ជាមួយនឹងការកើនឡើងតម្លៃប្រេងសាំងជាបន្តបន្ទាប់ នៅក្នុងប្រទេសរបស់យើង។

ដោយសារតម្លៃប្រេងឥន្ធនៈឡើងដល់កម្រិតខ្ពស់ គ្រប់ពេលវេលានៅក្នុងប្រទេស វាជាពេលដែលយើងត្រូវតែពិនិត្យមើលគន្លឹះខ្លះៗដើម្បីជួយសន្សំសំចៃ និងមិនចំណាយថវិកាច្រើនហួសប្រមាណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ កុំបញ្ចេះម៉ាស៊ីនយានជំនិះចោល

យានជំនិះគ្រប់ប្រភេទ មិនថាឡាន-ម៉ូតូ វាស៊ីសាំងខ្លាំងណាស់ ទោះបីយើងបើកហ្គាសឈប់ស្ងៀមទ្រឹងក៏ដោយ។ ដូច្នេះ សមហេតុផល ដែលអ្នកត្រូវពន្លត់ម៉ាស៊ីននៅត្រង់ផ្លូវបំបែក ភ្លើងក្រហម និងការកកស្ទះចរាចរណ៍ណាមួយ។ ជាងនេះទៅទៀត ការចាប់ផ្ដើមមួលហ្គាសបញ្ចេះម៉ាស៊ីនឡើងវិញ ត្រូវចំណាយស្មើនឹងបរិមាណប្រេងឥន្ធនៈដូចគ្នា ។ ដូច្នេះ វាជាការប្រសើរ ក្នុងការសន្សំសំចៃសាំង ដោយការពន្លត់ម៉ាស៊ីនសិន។

២ ថែរក្សាយានជំនិះឲ្យដិតដល់

ការថែរក្សាយានជំនិះឲ្យបានត្រឹមត្រូវ អាចជួយសន្សំសំចៃប្រេងសាំងបានមួយកម្រិត។ ដូច្នេះ សំបកកង់ត្រូវតែមានខ្យល់តឹងល្អ ជាពិសេសត្រូវឧស្សាហ៍សំអាត និងប្រើប្រាស់ប្រេងបាតឬប្រេងផ្សេងៗ ដែលអាចជួយសន្សំសំចៃថាមពលបានយូរ។

៣ មិនបើកបរក្នុងស្ថានភាពស្រវឹង

តាមការពិត ការបើកបរក្នុងល្បឿនលឿន មិនបានជួយសន្សំសាំងសូម្បីតែបន្តិចណា។ ការបើកបរលឿន ដូចជាការបំផ្លាញទាំងសាំងនិងប្រេង ឲ្យកាន់តែខោចវិញទេ ។

៤ នៅពេលដែលនៅលើផ្លូវហាយវេពឹងផ្អែកលើ Cruise Control

ព័ត៌មានជំនួយសន្សំសំចៃប្រេងមួយទៀត គឺដើម្បីចៀសវាងការផ្លាស់ប្ដូរល្បឿន ដែលមិនចាំបាច់ នៅពេលបើកបរលើផ្លូវហាយវេ។ ដូច្នេះការប្រើ Cruise Control(សម្រាប់រថយន្ត) គឺជារឿងល្អបំផុត។ ម្យ៉ាងទៀត ពេលបើកចំណោត មិនចាំបាច់បោះជើងទៅលើហ្គាសទេ ព្រោះម៉ាស៊ីនស៊ីសាំងច្រើនហើយ។ ផ្ទុយទៅវិញ ត្រូវបើកបរក្នុងល្បឿនថេរ ទើបជួយសន្សំសាំងនិងមានសុវត្ថិភាព។

៥ ជិះយាន្តជំនិះរួមគ្នាពេលធ្វើដំណើរ

ដំបូន្មានដ៏ល្អបំផុត ដែលយើងខ្ញុំអាចផ្ដល់ឲ្យអ្នកអំពីវិធីសន្សំប្រេងសាំង គឺការជិះរួមគ្នាក្នុងឡានឬម៉ូតូ។ ប្រសិនបើអ្នកនៅផ្ទះជិតមិត្តរួមការងារ ឬសាលា គួរប្រើវិធីនេះ ហើយជួយសន្សំសំចៃគ្នាទៅមកបានមួយកម្រិតថែមទៀត ។

៦ ប្រើម៉ាស៊ីនត្រជាក់ពេលអ្នកត្រូវការ(សម្រាប់រថយន្ត)

ម៉ាស៊ីនត្រជាក់ គឺជាបំពង់បង្ហូរប្រេងធំបំផុត។ ដូច្នេះគន្លឹះសន្សំសំចៃប្រេងដ៏ល្អបំផុត គឺត្រូវប្រើម៉ាស៊ីនត្រជាក់តិចៗ។ ការធ្វើដូច្នេះ អាចកាត់បន្ថយការប្រើប្រាស់ប្រេងឥន្ធនៈ បានពី ៥ទៅ ២០ភាគរយ ។ ម្យ៉ាងទៀត ការចតក្នុងម្លប់ ក៏ជាចំណែកមួយជួយការពារឥន្ធនៈ មិនឲ្យហួតថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖តម្លៃប្រេងសាំងឡើងថ្លៃដល់ ៥ ៣០០ រៀល ក្នុងមួយលីត្រ

ចុចអាន៖មូលហេតុធំៗនេះ ជាដើមចមឲ្យគ្រួសាររស់នៅមិនចុះសម្រុងគ្នា និងបង្កហេតុនាំភ្លើងចូលផ្ទះ

Related Topics:គន្លឹះដោះស្រាយ