ឆេះរថយន្តក្រុងនៅថៃ ស្លាប់មនុស្ស៧នាក់ របួស៤០នាក់

នៅប្រទេសថៃ បានកើតគ្រោះថ្នាក់ចរាចរណ៍ដ៏រន្ធត់ថ្មីទៀត ដោយរថយន្តក្រុងមួយគ្រឿង បានបើកទៅបុករថយន្តដឹកទំនិញ បណ្តាលឲ្យរថយន្តក្រុងឆេះ ស្លាប់មនុស្សចំនួន៧នាក់និងរបួស៤០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Bangkok Post, ហេតុការណ៍នេះកើតឡើងនៅម៉ោង២រំលងអាធ្រាត្រឈានចូលថ្ងៃចន្ទទី២១ខែមេសាឆ្នាំ២០២៥ លើផ្លូវហាយវ៉េលេខ៣០៤ ត្រង់ចំណោតភ្នំ Khao San Pu Tone ក្នុងស្រុក Na Di នៃខេត្ត Prachinburi។

ប្រភពខាងលើបន្តថា រថយន្តនេះគឺជារបស់ក្រុមហ៊ុន 407 Pattana Co ហើយកំពុងធ្វើដំណើរពីខេត្ត Nong Khai ឆ្ពោះទៅកាន់ខេត្ត Rayong។

អធិការប៉ូលិស Wang Khon Daeng បញ្ជាក់ថា មនុស្សចំនួន៧នាក់ បានស្លាប់នៅនឹងកន្លែង ខណៈមូលហេតុនៃគ្រោះថ្នាក់ដ៏រន្ធត់នេះ ត្រូវបានគេចង្អុលចំៗថា ដោយសាររថយន្តដាច់ហ្វ្រាំង។

សូមជម្រាបថា ចំណោតភ្នំ Khao San Pu Tone នេះ ក៏ធ្លាប់កើតមានគ្រោះថ្នាក់ចរាចរណ៍ដ៏រន្ធត់មួយដែរ ដោយកាលពីថ្ងៃទី២៦ខែកុម្ភៈ រថយន្តក្រុងទេសចរណ៍មួយគ្រឿងដែលដឹកមន្ត្រីមកពីសាលាក្រុង Phon Charoen ក្នុងខេត្ត Bueng Kan បានក្រឡាប់ បណ្តាលឲ្យមនុស្ស២០នាក់ស្លាប់ និងច្រើននាក់ទៀតរងរបួស៕

អត្ថបទ៖ សុខ សុវណ្ណ

ចុចអាន៖ សង្ក្រាន្ត៥ថ្ងៃនៅថៃ គ្រោះថ្នាក់ចរាចរណ៍ សម្លាប់មនុស្ស ១៧១នាក់