ព័ត៌មានជាតិ

សិស្សជាង១៣ម៉ឺននាក់នៅភ្នំពេញ នឹងបានចូលរៀនវិញនៅសប្ដាហ៍ក្រោយ

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

បន្ទាប់ពីខកខានទៅសាលារៀនអស់ជាច្រើនខែ ដោយសារការរីករាលដាលនៃជំងឺកូវីដ៩ សិស្សជាង ១៣ម៉ឺននាក់នៅទូទាំងរាជធានីភ្នំពេញ នឹងបានចូលរៀនវិញនៅ ១៥ ខែកញ្ញា ឆ្នាំ២០២១នេះ។

លោក ម៉េត មាសភក្តី អ្នកនាំពាក្យសាលារាជធានីភ្នំពេញបានឱ្យដឹងថា គ្រឹះស្ថានសិក្សាទូទាំងរាជធានីភ្នំពេញចំនួនជាង ២០០ ចាប់ពីកម្រិតអនុវិទ្យាល័យ ដល់វិទ្យាល័យ (ថ្នាក់ទី៧ ដល់ទី១២) នឹងបើកទ្វារឡើងវិញទទួលសិស្សានុសិស្សជាង ១៣ម៉ឺននាក់ ចូលរៀននៅថ្ងៃទី១៥ ខែកញ្ញា ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្តាញសង្គមហ្វេសបុកលោកបានសរសេរថា មានកិច្ចការជាច្រើន ដែលមន្ត្រីអាជ្ញាធរ មន្ត្រីសុខាភិបាល និងមន្ត្រីអប់រំត្រូវគិតគូរឱ្យបានម៉ត់ចត់ ក្នុងការអនុញ្ញាតឱ្យបើកទ្វារសាលារៀននេះ។

គ្រឹះស្ថានរដ្ឋនិងឯកជនទាំងអស់នឹងបើកដំណើរការឱ្យសិស្សានុសិស្សបានចូលរៀនវិញ ចាប់ពីថ្ងៃ១៥ខែកញ្ញានេះតទៅ ក្រោយពីខកខានអស់រយៈពេលជាង៧ខែ ដោយសារការរាតត្បាតជំងឺកូវីដ-១៩។ ការបើកគ្រឹះស្ថានសិក្សាឲ្យសិស្សានុសនុសិស្សបានចូលរៀនឡើងវិញនេះ លុះត្រាតែគ្រឹះស្ថានទាំងនោះ បានបំពេញលក្ខន្តិកៈ គ្រប់គ្រាន់របស់ក្រសួងសុខាភិបាល ដែលជឿបានថា មិនមានការឆ្លងរីករាលដាលជំងឺកូវីដ-១៩។

លោកឃួង ស្រេង បានមានប្រសាសន៍លើកឡើងថា គ្រឹះស្ថានទាំងរដ្ឋនិងឯកជននឹងបើកដំណើរការឲ្យចូលរៀនចាប់ពីថ្ងៃពុធទី១៥ ខែកញ្ញាឆ្នាំ២០២១នេះតទៅ ។ ការបើកឱ្យដំណើរការនេះបាន លុះត្រាតែគ្រឹះស្ថានសិក្សាទាំងអស់ បានបំពេញលក្ខខណ្ឌតិកៈគ្រប់គ្រាន់ទាំងអនាម័យ បរិស្ថាននិងការអនុវត្តនូវវិធានរបស់ក្រសួងសុខាភិបាល សំដៅធ្វើយ៉ាងណា អាចធានាបានថា មិនមានការឆ្លងរីករាលដាលជំងឺកូវីដ-១៩។