ព័ត៌មានជាតិ

អ្នកស្លាប់ស្លាប់ដោយទឹកជំនន់កើនដល់ ៤០នាក់ និងប៉ះពាល់២០ រាជធានី ខេត្ត

បានផុស

៥ years មុន

នៅ

ថ្ងៃអាទិត្យ ២៥ តុលា ២០២០

ដោយ

អគ្គលេខាធិការដ្ឋាន គណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា គិតចាប់ពីថ្ងៃទី១ ខែកញ្ញា ដល់ល្ងាចថ្ងៃទី២៤ ខែតុលា ឆ្នាំ២០២០ ជំនន់ទឹកភ្លៀងបានធ្វើឲ្យ ប៉ះពាល់២០ រាជធានី-ខេត្ត ស្មើ ១១៧ ក្រុង ស្រុកខណ្ឌ ក្នុងនោះរួមមាន ពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ត្បូងឃ្មុំ ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង កំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ដដែលនោះ ជំនន់ទឹកភ្លៀងបានធ្វើឲ្យប៉ះពាល់ដល់ប្រជាជនប្រមាណ ១៣៦,៤៤២គ្រួសារ ស្មើប្រមាណ ៥៤៥,៧៦៨ នាក់។ ប្រជាជនជម្លៀសប្រមាណ១១,៨៣៨ គ្រួសារ ស្មើប្រមាណ ៤៧,៣៥២នាក់។ ប្រជាជនស្លាប់ ៤០នាក់ (ធៀបល្ងាច ថ្ងៃទី២៣ ខែតុលា កើន១នាក់)។

ក្នុងនោះជំនន់ទឹកភ្លៀង បានធ្វើឲ្យប៉ះពាល់ដល់ផ្ទះប្រជាពលរដ្ឋប្រមាណ ១២០,៤១៨ខ្នង និងខូចខាត ៦៣ខ្នង សាលារៀនលិចទឹកប្រមាណ ៩២៥កន្លែង និងវត្តលិចទឹកប្រមាណ ៣០៥កន្លែង។ ស្រូវលិចទឹកប្រមាណ ២៧០,០០៧ហិកតា និងដំណាំរួមផ្សំលិចទឹក ៨៨,៧៧៩ហិកតា, ផ្លូវជាតិ ផ្លូវខេត្ត ផ្លូវគ្រួសក្រហម ប៉ះពាល់ប្រមាណ៦១៦ គ.ម, ផ្លូវលំជន បទលិចទឹកប្រមាណ ១,៦៨៥ គ.ម, ទំនប់ ប៉ះពាល់ប្រមាណ ៤១ គ .ម, ប្រឡាយមេ ប៉ះពាល់ប្រមាណ ២៣៧ គ.ម ប្រឡាយ រង ប៉ះពាល់ប្រមាណ ២១៧ គ.ម, ប្រឡាយស្រោចស្រព ប៉ះពាល់ប្រមាណ១៤៤ គ.ម, ច្រាំងទន្លេ ប៉ះពាល់២១៩៥ ម៕

អត្ថបទ៖ កោះកែវ

សូមចុចអាន៖ រាជរដ្ឋាភិបាលគ្រោងកាត់សង្កាត់៤ និង ភូមិ៥ពីក្រុងតាខ្មៅ មកស្ថិតក្រោមការគ្រប់គ្រងរដ្ឋបាល ភ្នំពេញវិញ

Related Topics:ទឹកជំនន់