ព័ត៌មានជាតិ

កសិករឃុំធ្លក ស្រុកទ្រាំង សប្បាយចិត្តពេលឃើញស្រូវរបស់ខ្លួនលូតលាស់ល្អ

បានផុស

៥ ខែ មុន

នៅ

ថ្ងៃអង្គារ ១៥ ធ្នូ ២០២០

ដោយ

កសិកររស់នៅភូមិក្រាំងដៃ ឃុំធ្លកស្រុក ទ្រាំងខេត្តតាកែវ បានសំដែងក្តីរីករាយ ព្រោះបានឃើញដំ ណាំស្រូវរបស់ពួកគាត់លូតលាស់និងអាចទទួលផលបានយ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអ៊ុំ ហម កប ជាកសិកររស់នៅភូមិក្រាំងដៃ បានឲ្យដឹងថា ស្រូវធ្ងន់ឆ្នាំនេះលូតលាស់ល្អណាស់ដោយសារតែភ្លៀងធ្លាក់ជោគជាំ តែមិនលិចលង់រហូតដល់ងាប់ដើមស្រូវនោះទេ។

អ្វីដែលកសិករយើងរីករាយនោះ ព្រោះឆ្នាំនេះស្រូវដាក់ជីធម្មជាតិដូចរាល់ឆ្នាំក៏ព្រោះតែពេលធ្លាក់ភ្លៀងជោគជាំគឺបង្កឲ្យដីជីជាតិគ្រប់ស្រែនិងក្នុងភូមិបានហូចូលស្រែធ្វើឲ្យដើមស្រូវលូតលាស់ខ្លាំងដោយនឹកស្មានមិនដល់។

អ្វីដែលកសិករគ្រប់គ្នាកំពុងទន្ទឹងរង់ចាំនោះគឺ ពេលដែលច្រូតកាត់រួចសូមឲ្យតម្លៃស្រូវបានថ្លៃខ្ពស់ទើបធ្វើឲ្យជីវភាពកសិករមានក្តីសង្ឃឹមដោយសារផលដំណាំរបស់ពួកគាត់។

ដោយឡែកលោកពូ មឿន ធិន ដែលរស់នៅក្នុងភូមិដដែល បានឲ្យដឹងដែរថាស្រូវរបស់កសិករក្នុងភូមិឃុំយើងនេះពិតជាល្អខ្លាំងណាស់ ហើយបើសិនល្អបែបនេះ គឺអាចទទួលផលមិនក្រោម៦តោនក្នុង១ហិកតា។ ហើយឆ្នាំនេះកសិករយើងអាចធ្វើស្រែបាន៣ដងក្នុង១ឆ្នាំព្រោះតែទឹកនៅតាមបឹងបួរនិងប្រឡាយមានពេញគ្រប់កន្លែងដែលងាយនិងបូមបញ្ចូលស្រែបន្ទាប់ពីស្ទូងរួច។

គួរបញ្ជាក់ថា ក្នុងអំឡុងឆ្នាំ២០១៩កន្លងទៅ នៅក្នុងស្រុកទ្រាំងគឺធ្វើស្រែបានតែ២ដងប៉ុណ្ណោះក្នុង១ឆ្នាំ ព្រោះតែគ្មានទឹក។ខុសប្លែកឆ្នាំនេះទឹកសម្បូណាស់ព្រោះតែភ្លៀងធ្លាក់ជោគជាំគ្រប់កន្លែងតាំងពីខែមេសាមកម្ល៉េះ៕

អត្ថបទ ៖ នរា