រដ្ឋ តិចសាស់ ប្រកាសអាសន្ន ខណៈទឹកជំនន់ដ៏អាក្រក់ សម្លាប់មនុស្សលើស២០នាក់

តំបន់មួយចំនួនក្នុងរដ្ឋតិចសាស់ នៃសហរដ្ឋអាមេរិក បានប្រកាសអាសន្នទឹកជំនន់ ខណៈគ្រោះធម្មជាតិដ៏អាក្រក់នេះសម្លាប់មនុស្សចំនួន២៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ BBC នៅថ្ងៃសៅរ៍ទី៥ខែកក្កដាឆ្នាំ២០២៥ ទឹកជំនន់នេះ បណ្តាលមកពីភ្លៀងធ្លាក់ខ្លាំងពេញមួយយប់ បណ្តាលឲ្យទឹក​ទន្លេ Guadalupe ហក់ឡើងខ្ពស់​ជាង៦​ម៉ែត្រ​ក្នុងរយៈពេល​មិន​ដល់​មួយម៉ោង​ផង ហើយក៏មិនមានការជូនដំណឹងនិងព្រមានទាន់ពេលដែរ។

ការហក់ឡើងយ៉ាង​​ឆាប់រហ័សនៃទឹកទន្លេ Guadalupe ​បង្ក​ជា​គ្រោះថ្នាក់​ដល់​មនុស្ស​ជា​ច្រើន ជា​ពិសេស​អ្នកបោះជំរំនៅ Camp Mystic ដែលជាជំរំរដូវក្តៅសម្រាប់​ក្មេងស្រីគ្រីស្ទាននៅតាមដងទន្លេតែម្តង។

ក្រុមជួយសង្គ្រោះនៅតែស្វែងរកកុមាររហូតដល់ទៅ២៥នាក់ ក្នុងចំណោមក្មេងស្រី៧៥០នាក់ដែលចូលរួមក្នុងនេះ ស្ថិតនៅចម្ងាយ១០៤គីឡូម៉ែត្រ ភាគពាយព្យទីក្រុង San Antonio ។

ប្រធានាធិបតីអាមេរិក ដូណាល់ ត្រាំ បានហៅសោកនាដកម្មនេះថា «គួរឲ្យតក់ស្លុត» និង «គួរឲ្យភ័យខ្លាច» ខណៈសេតវិមានសន្យាផ្តល់ជំនួយបន្ថែម។

នេះជាសោកនាដកម្មគ្រោះទឹកជំនន់ដ៏សាហាវក្នុងប្រវត្តិសាស្រ្តរដ្ឋ ដែលវាយប្រហារតំបន់កណ្តាល ជាពិសេស Texas Hill រួមទាំងតំបន់ជុំវិញ Kerrville, Ingram និង Hunt ផងដែរ៕

អត្ថបទ៖ សុខ សុវណ្ណ

ចុចអាន៖ ទឹកជំនន់ភ្លាមៗនៅរដ្ឋតិចសាស់ សម្លាប់មនុស្ស១៣នាក់ និង​ក្មេង​ស្រី​ជាង២០​នាក់បាត់ខ្លួន