ព័ត៌មានជាតិ
បន្ទាន់! លោក គួច ចំរើន បញ្ជាឱ្យអាជ្ញាធរស្វែងរកជនជាតិនីហ្សេរីយ៉ាកើតជំងឺអ៊ុតស្វាដែលរត់ពីថៃចូលមកខេត្តព្រះសីហនុ
លោក គួច ចំរើន អភិបាលខេត្តព្រះសីហនុ នៅរសៀលថ្ងៃសៅរ៍នេះ បានប្រកាសឱ្យមន្ទីរពាក់ព័ន្ធ អាជ្ញាធរមូលដ្ឋាន និងកងកម្លាំងប្រដាប់អាវុធទាំងអស់យកចិត្តទុកដាក់ស្រាវជ្រាវឱ្យបានហ្មត់ចត់ និងរាយការណ៍ជាបន្ទាន់ ក្នុងករណីឃើញ ឬដឹងថា បុរសសញ្ជាតិនីហ្សេរីយ៉ាកើតជំងឺអ៊ុតស្វារត់គេចពីប្រទេសថៃ បន្ទាប់ពីទទួលដំណឹងថា បុរសរូបនេះបានឆ្លងមកខេត្តព្រះសីហនុ។

តាមរយៈសារសំលេងបន្ទាន់នៅរសៀលថ្ងៃទី២៣ កក្កដា នេះ លោកអភិបាលខេត្តព្រះសីហនុ បានមានប្រសាសន៍ថា៖« សូមឯកឧត្តមលោកជំទាវលោកលោកស្រីថ្នាក់ដឹកនាំរបស់យើងក្រុងស្រុកមន្ទីរទេសចរណ៍មន្ទីរការងារសូមជួយយកចិត្តទុកដាក់ទាំងអស់គ្នាជនជាតិនីហ្សេរីយ៉ារូបនេះជាបុគ្គលកើតជំងឺអ៊ុតស្វា បានរត់គេចពីការគ្រប់គ្រងរបស់អាជ្ញាធរនៃព្រះរាជាណាចក្រថៃហើយឮតាមដំណឹងថាបានឆ្លងកាត់ចូលមកកាន់ខេត្តព្រះសីហនុរបស់យើង។ ដូចនេះ សូមបង្កើនការយកចិត្តទិកដាក់ខ្ពស់ហើយបើឃើញ ឬមានដំណឹងពីបុរសនេះ សូមរាយការណ៍ជាបន្ទាន់មកសុខាភិបាល ដើម្បីចាត់វិធានការគ្រប់គ្រងឱ្យបានលឿនបំផុត»។លោកអភិបាលខេត្ត ក៏បានស្នើឱ្យអ្នកពាក់ព័ន្ធមន្ទីរ កងកម្លាំងប្រដាប់អាវុធ យកចិត្តទុកដាក់ និងចាត់ចែងប្រកបដោយប្រសិទ្ធភាពខ្ពស់។

គេហទំព័រ Thaiger បានឱ្យដឹងថា ថៃ កំពុងតាមស្វែងរកបុរសសញ្ជាតិនីហ្សេរីយ៉ាម្នាក់អាយុ២៧ឆ្នាំ ដែលត្រូវបានគេកំណត់ថា ជាអ្នកជំងឺអុតស្វា ទី១របស់ប្រទេសថៃ នៅភូកេត។ គាត់បានបាត់ខ្លួន បន្ទាប់ពីមិនបានរាយការណ៍ទៅមន្ទីរពេទ្យ ហើយថៃកំពុងបន្តស្វែងរកបុគ្គលនេះផងដែរ។ បច្ចុប្បន្ន បុរសម្នាក់នេះ ត្រូវបានគេជឿថា បានរត់ចេញពីប្រទេសថៃ ដោយហែលទឹកឆ្លងទន្លេខេត្ត Sa Kaeo ចូលមកក្នុងប្រទេសកម្ពុជា៕
ដោយ៖ សំអឿន

-
ព័ត៌មានជាតិ១ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៧ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៧ ម៉ោង ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៤ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន