ព័ត៌មានអន្ដរជាតិ

ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?

បានផុស

៩ ខែ មុន

នៅ

ថ្ងៃអាទិត្យ ២០ កក្កដា ២០២៥

ដោយ

ក្រោយហេតុការណ៍ទាហានថៃជាន់មីនផ្ទុះដាច់ជើងនៅតំបន់មុំ៣ ថៃក៏បានចោទមកលើកម្ពុជាថាជាអ្នកដាក់ និងគំរាមប្តឹងទៅអង្គការសហប្រជាជាតិទៀតផង។ មិនត្រឹមប៉ុណ្ណឹង ក្រោយហេតុការណ៍នោះ ស្រាប់តែថៃ អះអាងថារកឃើញមីនថ្មីរាប់រយគ្រាប់នៅក្នុងទឹកដីរបស់ខ្លួន ថែមទៀតផង បង្កជាការសង្ស័យ។

តាមការបញ្ជាក់ពីភូមិភាគទី២ថៃនៅថ្ងៃអាទិត្យទី២០ខែកក្កដាឆ្នាំ២០២៥, កងវរសេនាតូចវិស្វកម្មលេខ៦នៃក្រុមការងារ Suranaree បានចូលបំពេញបេសកកម្មបោសសម្អាតមីននៅតំបន់មុំ៣ រកឃើញរណ្តៅមីនថ្មីរាប់រយកន្លែង។

យ៉ាងណាក៏ដោយ កាលមិនឃើញមានរឿង ថៃមិនបានរកឃើញមីនឡើយ ប៉ុន្តែគ្រាន់តែហេតុការណ៍ផ្ទុះមីនរបួសទាហានភ្លាម ថៃស្រាប់តែអះអាងរកឃើញមីនថ្មីរាប់រយគ្រាប់ត្រឹមប៉ុន្មានថ្ងៃ ហើយចោទប្រកាន់ទាំងងងើលមកលើកម្ពុជា ទាំងដែលមីននោះ រកឃើញក្នុងដីខ្លួនឯងសោះ។

តើថៃជាអ្នកបង្កប់មីនដោយខ្លួនឯង ហើយទាញកម្ពុជាឲ្យទទួលខុសត្រូវព្រោះខ្លាចអាម៉ាស់មែនទេ? ឆ្លើយតបចំពោះការចោទប្រកាន់ទាំងប៉ុន្មាន លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បានចោទជាសំណួររួចមកហើយថា តើការផ្ទុះគ្រាប់មីននោះ ក្នុងទឹកដីរបស់អ្នកណា ? បើសិនជាក្នុងទឹកដីសៀម គ្រាប់មីនចាស់ ឬថ្មី មានតែខាងសៀមខ្លួនឯងទេ ទើបដឹងច្បាស់។

ម្យ៉ាង លោក ហេង រតនា ថែមទាំងពន្យុះឲ្យថៃ ប្ដឹងកម្ពុជាទៅតុលាការយុត្តិធម៌អន្តរជាតិ ICJ ទៀតផង ព្រោះ ICJ ជាតុលាការរបស់ UN ស្រាប់៕

អត្ថបទ៖ សុខ សុវណ្ណ