ព័ត៌មានជាតិ

បុរសម្នាក់បើកម៉ូតូកោងរេចង្កូតទៅប៉ះរថយន្តធំ បណ្ដាលឲ្យដួលបោកក្បាលស្លាប់ម្នាក់និងរបួសធ្ងន់ម្នាក់

Published

2 months ago

January 16, 2021

បន្ទាយមានជ័យ ៖ បុរសម្នាក់បានបើកម៉ូតូដល់ផ្លូវកោងរេចង្កូតទៅប៉ះរថយន្តធំបណ្តាលឲ្យម៉ូតូដួលបោកទៅថ្នល់ជាតិបណ្ដាលឲ្យស្លាប់ម្នាក់និងរបួសធ្ងន់ម្នាក់ ត្រង់កន្លែងកោងនៃវិថី៧មករា នៅវេលាម៉ោង ៥ ល្ងាច ថ្ងៃទី ១៦ខែមករា ឆ្នាំ២០២១ ក្នុងទីប្រជុំជនលើកំណាត់ផ្លូវខេត្ត វិថីមករា ត្រង់ចំណុចមុខប៉ុស្តិ៍យាមប្រជាការពារភ្នំបាក់ ស្ថិតភូមិភ្នំបាក់ សង្កាត់ទឹកថ្លា ក្រុងសិរីសោភ័ណ្ឌ ខេត្តបន្ទាយមានជ័យ។

មន្ត្រីនគរបាលចរាចរណ៍ខេត្តបន្ទាយមានជ័យបានឲ្យដឹងថា ករណីគ្រោះថ្នាក់ចរាចរណ៍នេះកើតឡើងរវាងម៉ូតូហុងដាសេ125 ពាក់ស្លាកលេខ1D-2517បន្ទាយមានជ័យ បើកពីលិចទៅកើតល្បឿនលឿនលុះបើកមកដល់ផ្លូវកោងស្រាប់តែរេចង្កូតបើកទៅប៉ះរថយន្តធន់ធំ ពាក់ស្លាកលេខ3A-7498ព្រះសីហនុនិងស្លាកលេខក្រោយ4A-0016បន្ទាយមានជ័យ ពីកើតមកលិចផ្ទុយគ្នាបណ្ដាលឲ្យម៉ូតូដួលបោកមនុស្សទៅលើថ្នល់ជាតិបណ្ដាលឲ្យស្លាប់ម្នាក់ ភេទប្រុស ជាអ្នកបើកបរម៉ូតូនិងរបួសធ្ងន់ម្នាក់ភេទប្រុស ជាអ្នករួមដំណើរអ្នកទាំង២មិនស្គាល់ឈ្មោះ។

នគរបាលបានបញ្ជាក់ឲ្យដឹងបន្តទៀតថា មូលហេតុម៉ូតូបើកក្នុងល្បឿនលឿនដល់ផ្លូវកោងមិនប្រកាន់ស្តាំ។ ចំណែកអ្នកបើករថយន្តធំត្រូវបានគរបាលឃាត់ខ្លួននិងព្រូ រថយន្តមកការិយាល័យចរាចរណ៍ផ្លូវគោកខេត្ត ដើម្បីដោះស្រាយនៅពេលក្រោយ.ចំណែកសពនគរបាលប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណីនិងអ្នករបួសបញ្ជូនទៅពេទ្យ ដើម្បីជួយសង្គ្រោះបន្ទាន់ផងដែរ៕

ដោយ ៖ វ៉ាន់ ណាង