ព័ត៌មានជាតិ

ផ្ទះ៨ខ្នងជាអំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិតបានប្រគល់ជូនពលរដ្ឋ

បានផុស

៥ years មុន

នៅ

ថ្ងៃអង្គារ ២៦ មករា ២០២១

ដោយ

នៅព្រឹកថ្ងៃទី២៥ ខែមករា ឆ្នាំ២០២១ មន្ត្រីជាន់ខ្ពស់និងរដ្ឋបាលខេត្តបន្ទាយមានជ័យ បានធ្វើពិធីប្រគល់ផ្ទះចំនួន៨ខ្នងជូនដល់ពលរដ្ឋជួបការលំបាក និងរងគ្រោះដោយទឹកជំនន់កន្លងមក នៅឃុំបត់ត្រង់ និងឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។

តាមរយះលោក ទេសរដ្ឋមន្ត្រី គន់ គីម អនុប្រធានទី១ នៃគណៈកម្មាធិការគ្រប់គ្រងគ្រោះមហន្តរាយ លោកអ៊ុំ រាត្រី អភិបាលខេត្តបន្ទាយមានជ័យ និងមន្ត្រីក្រុមការងារជាច្រើននាក់ទៀត បានធ្វើការប្រគល់ផ្ទះដល់ពលរដ្ឋនៅឃុំបត់ត្រង់ចំនួន ៥ខ្នង និងឃុំប្ញស្សីក្រោកចំនួន៣ខ្នង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រ័ត្ន ដាស៊ីណង់ អភិបាលស្រុកមង្គលបូរី បានឲ្យដឹងថា ពលរដ្ឋរស់នៅប្រប បណ្តោយស្ទឹងមង្គលបូរីដែលរងគ្រោះដោយទឹកជំនន់ ដែលធ្វើឲ្យខូចខាតផ្ទះសម្បែងឬទីជម្រកដែលមិនមាំទាំនិងរងផលប៉ះខ្លាំងត្រូវបានកងកម្លាំងនិងអាជ្ញាធរ ជួយសាងសង់ផ្ទះឲ្យ ដែលជាអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ជូនជាបន្តបន្ទប់ចំនួនជាង៣០ខ្នងមកហើយផងដែរ។ ក្នុងនោះពលរដ្ឋទីទ័លជួបការលំបាក និងរងគ្រោះដោយទឹកជំនន់ បានទទួលផ្ទះទាំង៨ខ្នងជាអំណោយរបស់សម្តេច តេជោ ហ៊ុនសែន តាមរយះលោក ទេសរដ្ឋមន្ត្រី គន់ គីម បានទទួលយកទាំងក្តីរំភើប និងលើកម្រាបដៃដប់បួងសួងដល់វត្ថុសាកសិទ្ធក្នុងលោក ជួយបីបាច់ថែរក្សាសម្តេច ព្រមទាំងក្រុមគ្រួសារឲ្យជួបតែសេចក្តីសុខគ្រប់ពេលវេលា៕

អត្ថបទ ៖ វ៉ាន់ ណាង

Related Topics:រដ្ឋបាលខេត្តបន្ទាយមានជ័យ