អុំទូក​ឆ្នាំនេះ ខេត្ត​បាត់ដំបង​​យ៉ាងហោចណាស់​ ទទួល​បាន​ភ្ញៀវ​ទេសចរ​មក​កម្សាន្ត​ជាង​១​ម៉ឺន​នាក់​​ – Kampuchea Thmey Daily
Connect with us

ព័ត៌មានជាតិ

អុំទូក​ឆ្នាំនេះ ខេត្ត​បាត់ដំបង​​យ៉ាងហោចណាស់​ ទទួល​បាន​ភ្ញៀវ​ទេសចរ​មក​កម្សាន្ត​ជាង​១​ម៉ឺន​នាក់​​

Published

on

​បើទោះបី​ឆ្នាំនេះ ​ក្នុង​ខេត្ត​បាត់ដំបង​ មិនបាន​រៀបចំ​ពិធី​អុំទូក​ធំ​ ដោយសារ​តែ​រាជរដ្ឋាភិបាល​ផ្អាក​ប្រារព្ធ​ពិធី​នេះ​ជា​បណ្ដោះអាសន្ន​ក៏ដោយ ​ក៏​មាន​ភ្ញៀវ​ទេសចរ​មក​កម្សាន្ត​ច្រើន​គួរសម​ផង​ដែរ​។​

ការ​ផ្អាក​ប្រារព្ធ​ពិធី​អុំទូក​ជា​ទ្រង់ទ្រាយ​ធំ​នា​ពេល​នេះ​ ស្របតាម​ស្ថានភាព​ប្រទេស​កម្ពុជា ​ត្រូវ​បាន​ជួប​វិបត្តិ​២​ផ្ទួនៗគ្នា ​គឺ​ករណី​កូ​វីដ​-១៩ ​និង​ជំនន់​ទឹកភ្លៀង ​ជា​ហេតុនាំឲ្យ​ប្រជាពលរដ្ឋ​ជួប​វិបត្តិ​សេដ្ឋកិច្ច​គ្រួសារ។​ ក្នុងនោះ ​ត្រូវបាន​រាជរដ្ឋាភិបាល ​កំពុងតែ​ដោះស្រាយ​ជា​បន្តបន្ទាប់​ ទើប​សម្រេច​ផ្អាក​ពិធី​បុណ្យ​ជាតិ​ខាងលើនេះ​ជា​បណ្ដោះអាសន្ន​។

​ការ​ផ្អាក​ប្រារព្ធ​បុណ្យ​ជាតិ​ខាងលើនេះ​ មតិ​មហាជន ​ក៏ដូចជា​ភ្ញៀវ​មក​កម្សាន្ត​ បាន​រៀបរាប់​ឲ្យ​កម្ពុ​ជាថ្មី​ដឹង​ថា ពួកគាត់ ​គាំទ្រ​នឹង​សេចក្តីសម្រេច​របស់​រាជ​រដ្ឋាភិបាល​។ ​ពួកគាត់​ថា ​ការ​ផ្អាក​នេះ​ជា​ការ​យក​ចិត្ត​ទុកដាក់​លើ​សុខទុក្ខ​របស់​ប្រជាពលរដ្ឋ​ទូទាំងប្រទេស​ពី​សំណាក់​រាជរដ្ឋាភិបាល​ ដែល​កំពុង​ត្រូវ​បាន​ប្រឈម​នឹង​បញ្ហា​២​ខាងលើ​។​

​បើទោះជា​យ៉ាងណា​ លោក​ អ៊ុច​ អ៊ុំ​ភី​នីសា​រ៉ា​ ប្រធាន​មន្ទីរ​ទេសចរណ៍​ខេត្ត​បាត់ដំបង​ បាន​ប្រាប់​ឲ្យ​ដឹង​នៅ​ថ្ងៃ​ទី​១​ ខែ​វិច្ឆិកា ​ឆ្នាំ​២០២​ នេះ​ដែរ​ថា​ ក្នុង​ឱកាស​ព្រះរាជ​ពិធីបុណ្យ​អុំទូក​ អក​អំបុក​ សំពះ​ព្រះ​ខែ​រយៈពេល​២​ថ្ងៃ​ ចាប់ពី​ថ្ងៃទី​៣០ ​ដល់​៣១ ​ខែ​តុលា ​ឆ្នាំ​២០២០ ​ភ្ញៀវ​ទេសចរ ​មក​ទស្សនា​កម្សាន្ត​ក្នុង​ទឹក​ដី​ខេត្ត​បាត់ដំបង​មាន​សរុប​ចំនួន ​១៣ ៤០០​ នាក់។ ​ក្នុង​នោះ​ ភ្ញៀវ​ជាតិ​ចំនួន ​១៣ ៣៨២​ នាក់​ និង​ភ្ញៀវ​អន្តរជាតិ​​១៨​នាក់​ ផង​ដែរ​។​

​លោក​បន្ត​ថា​ បើតាម​ការ​កត់សម្គាល់​ ចំនួន​ភ្ញៀវ​ទេសចរ​ដែល​បាន​ចូល​មក​កម្សាន្ត​ក្នុង​ថ្ងៃបុណ្យ​ខាង​លើ​នេះ​ មានការ​ថយចុះ ​បើ​ធៀប​ទៅ​នឹង​រយៈពេល​ដូចគ្នា​ នៃ​ថ្ងៃ​បុណ្យជាតិ​ផ្សេងៗ​។​ ជាក់ស្តែង​ដូច​ជា​ថ្ងៃ​ឈប់សម្រាក​ជំនួស​ថ្ងៃបុណ្យ​ចូលឆ្នាំ​ខ្មែរ​ កាលពី​ខែ​សីហា​ ឆ្នាំ​២០២០ ​កន្លងមកនេះ ​ចំនួន​ភ្ញៀវ​ទេសចរ​មាន​​រហូតដល់​ជាង ​៤០ ០០០​ នាក់​។

​ការ​ថយ​ចុះ​ នៃ​ចំនួន​ភ្ញៀវ​ទេសចរ​ក្នុង​ខេត្ត​បាត់ដំបង​ នា​រដូវ​កាល​បុណ្យ​ជាតិ​ឆ្នាំ​នេះ​ ​លោក​ អ៊ុច​ អ៊ុំ​ភី​នីសា​រ៉ា​ បាន​លើក​ហេតុផល​ថា កត្តា​ដែល​ធ្វើ​ឲ្យ​ចំនួន​ភ្ញៀវ​ទេសចរ​​ថយ​ចុះ​នេះ ​បណ្តាលមកពី​​ប្រជា​ពលរដ្ឋ​កម្ពុជា​យើង​ទើបតែ​រងគ្រោះ​ដោយសារ​ទឹកជំនន់​ ហើយ​តំបន់​ទេសចរណ៍​មួយ​ចំនួន​ ត្រូវ​ទឹក​ជន់​លិច​មិនទាន់​ស្រក​នៅឡើយ​។

ស្រប​ជា​មួយ​នឹង​តំបន់​កម្សាន្ត​មួយ​ចំនួន​ទៀត ​បាន​រង​កា​រ​ប៉ះពាល់​ខូច​ខាត​ ក្រោយពី​ទឹក​ស្រក​ ក៏​កំពុង​រៀបចំ​កែលំអ​ឡើងវិញ​ផង​ដែរ​។​ ​មួយផ្នែក​ទៀត​ ភ្ញៀវ​នៅតែ​មាន​ការ​ព្រួយ​បារម្ភ​ជាមួយនឹង​ជំងឺ​កូ​វីដ​-១៩​ ដែល​មិនទាន់​រលត់​បាត់​ទាំងស្រុង​នៅឡើយ​នោះ​៕​

អត្ថបទ ៖ សៅ សារិទ្ធ​

ចុច Like Facebook កម្ពុជាថ្មី

កីឡា3 hours ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ7 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ7 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ7 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ7 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម