មន្ត្រីជាន់ខ្ពស់ គ.ជ.ប ៖ ពលរដ្ឋត្រូវមានឈ្មោះ ក្នុងបញ្ជីបោះឆ្នោត ទើបអាចបោះឆ្នោតបាន
Connect with us
Helistar Cambodia - Helicopter Charter Services

នយោបាយ

មន្ត្រីជាន់ខ្ពស់ គ.ជ.ប ៖ ពលរដ្ឋត្រូវមានឈ្មោះ ក្នុងបញ្ជីបោះឆ្នោត ទើបអាចបោះឆ្នោតបាន

បានផុស

នៅ

នៅថ្ងៃទី១២ ខែតុលានេះ ជាថ្ងៃដំបូងនៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២១។​ មន្ត្រីជាន់ខ្ពស់ គ.ជ.ប បានឲ្យដឹងថា ការិយាល័យពិនិត្យបញ្ជីឈ្មោះ និងចុះឈ្មោះបោះឆ្នោតចំនួន ១,៦៤៦ការិយាល័យ បាន​បើក​ដំណើរការតាមការគ្រោងទុក។ តែយ៉ាងណាក៏ដោយ ប្រធាន គ.ជ.ប មិនបានអញ្ជើញទៅពិនិត្យទីតាំងការិយាល័យ​ណាមួយ​នោះ​ទេ នៅថ្ងៃដំបូងនៃការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សោម សូរីដា អគ្គលេខាធិការរង និងជាអ្នកនាំពាក្យគ.ជ.ប បានឲ្យដឹងនៅព្រឹកថ្ងៃទី១២ ខែតុលានេះថា ការ​ពិនិត្យ​បញ្ជីឈ្មោះ និងចុះឈ្មោះបោះឆ្នោតឆ្នាំ២០២១នេះ គឺមានសារៈសំខាន់ខ្លាំងណាស់ ដោយសារតែ គ.ជ.ប ត្រូវ​ការរៀបចំបញ្ជីបោះឆ្នោតមួយ សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ ២០២២។ លោកថា ច្បាប់បានកំណត់ថា ដើម្បីបោះឆ្នោតបាន ប្រជាពលរដ្ឋត្រូវមានឈ្មោះក្នុងបញ្ជីបោះឆ្នោត និងមានអត្ត​សញ្ញាណប័ណ្ណសញ្ជាតិខ្មែរ។ ដូច្នេះការមានឈ្មោះក្នុងបញ្ជីបោះឆ្នោត គឺជាប្រការដ៏សំខាន់ សម្រាប់ប្រជាពលរដ្ឋខ្មែរ មានសិទ្ធិបោះឆ្នោត ត្រូវតែបំពេញសិទ្ធិរបស់ខ្លួន នៅក្នុងការចុះឈ្មោះបោះឆ្នោត​។

លោក សោម សូរីដា បានបញ្ជាក់ថា «មានឈ្មោះក្នុងបញ្ជីបោះឆ្នោត ទើបអាចបោះឆ្នោតបាន ដោយផ្អែកទៅលើ​ឯក​សារពីរសំខាន់ ទី១. គឺអត្តសញ្ញាណប័ណ្ណសញ្ជាតិខ្មែរ ហើយក្នុងករណីដែលប្រជាពលរដ្ឋ អត់មានអត្តសញ្ញាណ​ប័ណ្ណ​សញ្ជាតិខ្មែរ សម្រាប់បោះឆ្នោតទេ លោកអាចអនុវត្តនូវការស្នើសុំឯកសារបញ្ជាក់អត្តសញ្ញាណ បម្រើឲ្យការ​បោះឆ្នោត នៅថ្ងៃបោះឆ្នោត»។

លោកអគ្គលេខាធិការរង គ.ជ.ប បានបញ្ជាក់បន្ថែមថា ប្រជាពលរដ្ឋមានមធ្យោបាយចំនួន ៤ ដែលអាចដឹងថា ឈ្មោះ​របស់ខ្លួន មាននៅក្នុងបញ្ជីបោះឆ្នោត។ ទី១.​ គ.ជ.ប ចេញលិខិតអញ្ជើញ ឲ្យពលរដ្ឋទៅពិនិត្យបញ្ជីឈ្មោះ។ ទី២. ពលរដ្ឋស្វែងរកឈ្មោះរបស់ខ្លួន​ នៅក្នុងគេហទំព័ររបស់ គ.ជ.ប។ ទី៣. ដោនឡូតApp របស់ គ.ជប.។ ទី៤. ពលរដ្ឋអាចទៅពិនិត្យបញ្ជីឈ្មោះ នៅការិយាល័យដែលខ្លួនបានចុះឈ្មោះនាពេលកន្លងមក។

មន្ត្រីជាន់ខ្ពស់ គ.ជ.ប ក៏បានអំពាវនាវដល់ប្រជាពលរដ្ឋ ដែលគ្រប់អាយុបោះឆ្នោត សូមទៅចុះឈ្មោះបោះឆ្នោត​ឲ្យ​បានគ្រប់គ្នា។ រីឯប្រជាពលរដ្ឋ ដែលធ្លាប់ចុះឈ្មោះបោះឆ្នោតរួចហើយ សូមអញ្ជើញទៅពិនិត្យបញ្ជីឈ្មោះ ឲ្យគ្រប់គ្នា​ដែរ។ លោក សោម សូរីដា ក៏ជំរុញដល់គណបក្សនយោបាយ អង្គការសង្គមស៊ីវិល និងមជ្ឈដ្ឋាន ដែលពាក់ព័ន្ធ សូម​ជួយជំរុញ និងអំពាវនាវឲ្យប្រជាពលរដ្ឋ ទៅពិនិត្យបញ្ជីឈ្មោះ និងចុះឈ្មោះបោះឆ្នោតឲ្យបានគ្រប់គ្នា។

សូមជម្រាបថា ការពិនិត្យបញ្ជី​ឈ្មោះ និងចុះឈ្មោះបោះឆ្នោតឆ្នាំ២០២១ ត្រូវធ្វើឡើងចាប់ពីថ្ងៃទី១២​ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០​២១ នៅតាមសាលាឃុំ-សង្កាត់ និងនៅតាមភូមិមួយចំនួនក្នុងឃុំ-សង្កាត់ ទូទាំងប្រទេស។ តាមការប៉ាន់ស្មានរបស់គ.ជ.ប នៅឆ្នាំ២០២១នេះ គឺគ្រោងចុះឈ្មោះអ្នកបោះឆ្នោតថ្មីចំនួន ១,៦៣៥,៩៩០នាក់។ រីឯអ្នកដែលត្រូវលុបឈ្មោះចេញ ដោយសារបញ្ហាផ្សេងៗ គឺមានចំនួន ៨៣, ០៤៣នាក់៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ៥ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ៥ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ៥ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៦ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services