អាជីព
មានអ្នកដឹកនាំល្អ ជាគុណសម្បត្តិប្រកួតប្រជែង ដ៏សំខាន់មួយ
មេដឹកនាំគឺជាអ្នកនាំមុខ ជាវីរជន ជាគម្រូ របស់សាជីវកម្ម សហគ្រិនភាព ស្ថាប័ន ធរុកិច្ចគ្រប់វិស័យ ។ បញ្ញាវ័ន្តមួយក្រុមដែលធ្វើការរួមគ្នា គ្មានមេដឹកនាំ នឹងអន់ថយជាងសិស្សឬជំទង់មួយក្រុម ដែលមានមេដឹកនាំល្អ។ ដូច្នេះមើលអនាគតក្រុមការងារមួយ គេមើលលើមេដឹកនាំ។
មេដឹកនាំ ជាទូទៅ នាំយើងឲ្យទៅកាន់ ឬឆ្ពោះកន្លែងដែលយើងមិនដែលទៅពីមុន ហើយហ៊ានស្រមៃ ហ៊ានឈានឆ្ពោះ។ ពួកគេ បង្កើតមូលដ្ឋានជំរុញទឹកចិត្ត និងបង្កើតជំនឿ ។ លទ្ធផលនៃមេដឹកនាំ គឺជោគជ័យតាំងពីមានគេព្រមដើរតាម មិនចាំបាច់រង់ចាំទៅដល់គោលដៅចុងក្រោយឡើយ។ ។ នៅក្នុងបរិយាកាសអាជីវកម្ម ឬ វិស័យ ណាមួយក្តី ភាពជាអ្នកដឹកនាំដែលល្អ ជាគុណសម្បត្តិប្រកួតប្រជែងដ៏សំខាន់បំផុតមួយ ដែលក្រុមហ៊ុនត្រូវមានសិន មុនពេលបោះជំហានទៅវិនិយោគអ្វីផ្សេង។
ដូច្នេះ មិនត្រូវភ្ញាក់ផ្អើលទេ ដែលអ្នកដឹកនាំត្រូវមានលើសពីទេពកោសល្យ ប៉ុន្តែសមត្ថភាពទាក់ទាញអ្នកដើរតាម អ្នកព្រមជឿ។ សម័យកាលនេះ ហាក់កាន់តែពិបាកឡើងៗហើយ ក្នុងការធ្វើឱ្យមនុស្សព្រមធ្វើតាម ឬជឿ ដាក់អនាគតគេរួមជាមួយគោលដៅរបស់យើង។
មនុស្សតែងរំពឹងចង់បានគុណសម្បត្តិដឹកនាំដែលល្អឥតខ្ចោះ មិនឱ្យមានកំហុស និយាយម្យ៉ាងទៀតគឺ ពួកគេឆាប់សម្គាល់ឃើញកំហុសជាងគុណសម្បត្តិ ។ មនុស្សជាច្រើនទុកចិត្ត អ្នកដឹកនាំណាដែលនាំផលប្រយោជន៍ដល់ខ្លួនជាអទិភាពសិន ទើបព្រមសម្លឹងរកគុណតម្លៃរបស់គាត់ជាក្រោយ។ ដោយសារដូច្នេះបានជាមេដឹកនាំត្បាញអាយជាច្រើន បានដឹកនាំឱ្យកសិករលក់ស្រែទៅទិញផលិតផលទៅលក់បន្ត សន្យាឆាប់បានធ្វើជាអ្នកមានដោយសំញ៉ែងឡាននិងផ្ទះធំៗ មាស ពេជ្យអលង្ការជាធ្នាក់។
សម្រាប់ខ្ញុំ ជាមួយនឹងបទពិសោធន៍ជិត៣០ឆ្នាំ លើតួនាទីចាប់តាំងពីជាអ្នកហាត់ការ រហូតដល់ដឹកនាំ ខ្ញុំវាយតម្លៃថា អ្នកដឹកនាំណាម្នាក់ ដែលមានគោលដៅអាចប្រមូលមនុស្សចូលរួមច្រើន ដោយជំនឿចិត្ត ដោយជំរុញទឹកចិត្ត ដោយច្បាស់នូវគុណតម្លៃ ហើយរក្សាអត្តសញ្ញាណផ្ទាល់ខ្លួនពួកគេ ជាពួកគេពិតៗ មិនបង្ខិតបង្ខំឱ្យធ្វើតាមរបៀបរបររបស់គាត់ គាត់ជាមេដឹកនាំជោគជ័យ។
ឆ្លងតាមបទពិសោធន៍ខាងលើ ខ្ញុំជឿថា ការជម្រុញទឹកចិត្តបុគ្គលិក និយោជិក កូនក្រុម មានពីរប្រភេទ គឺ ១ ភាពសមហេតុផល និង ទីពីរ ទទួលខុសត្រូវ។
មនុស្សគ្រប់គ្នាមានវិចារណញាណ គេដឹងខ្លួនច្បាស់ ក្រោយពេលដើរខុសឬត្រូវ ថែមទាំងមានសមត្ថភាពវាយតម្លៃថា មកពីហេតុផលអ្វី។ ដូចពាក្យមួយគេនិយាយថា គ្មានអ្នកត្រូវគេបោកបានជារៀងរហូតទេ ដូច្នេះហើយ ការបញ្ឆោតចិត្តដោយ ប្រាក់ ឋានៈ អំណាច ឬការចូលទៅក្នុង ពិធីជប់លៀង សិក្ខាសាលាសប្បាយៗហ៊ោកញ្ច្រៀវ ច្រើនណាស់បានតែមួយឆាវ ហើយវាក្លាយជាវិធីសាស្ត្រនៃរបៀបដឹកនាំ ដែលបាត់ទៅវិញសល់តែមនុស្សត្រូវរងទុក្ខ ព្រោះត្រូវគេខាតបង់ ដូចជាការធ្វើទីផ្សារបែបផែនពីរ៉ាមីត។ល៕
ចុចអាន៖ប្រើឥទ្ធិពលរបស់យើង ជាប្រយោជន៍ជួយអ្នកដទៃដោយវិធីណា
ចុចអាន៖វិធីដែលមេដឹកនាំអាចបង្កើនកម្លាំងចិត្ត ឱ្យដល់បុគ្គលិក
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»