Connect with us

សន្តិសុខសង្គម

ចោរក្មេងៗ ៥ នាក់ ចូលលួចទ្រព្យសម្បត្តិ ត្រូវប៉ូលិសចាប់ខ្លួន​

បានផុស

នៅ

មុខសញ្ញា​លួច​ទ្រព្យសម្បត្តិ​ប្រជាពលរដ្ឋ​ចំនួន ៥ នាក់ ដែល​ភាគច្រើន​មាន​អាយុ​ក្រោម ១៨ ឆ្នាំ ត្រូវ​បាន​នគរបាល​ស្រុក​បវេ​ល​ឃាត់ខ្លួន ក្រោយពី​ពួកគេ​ធ្វើ​សកម្មភាព​គាស់​ដំបូល​ចូល​លួច​ទូរស័ព្ទ និង​របស់របរ​ផ្សេងៗ​ទៀត យ៉ាង​ច្រើន​សន្ធឹកសន្ធាប់​រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​វរសេនីយ៍ឯក សុខ សារិន អធិការ​នគរបាល​ស្រុក​ប​វេ​ល​បាន​ឲ្យ​ដឹង​ថា ក្នុង​ការ​ចុះ​ប្រតិបត្តិការ​ខាង​លើ​នេះ គឺ​បាន​ធ្វើឡើង​កាលពី​វេលា​ម៉ោង ៧ និង ៣០ នាទី ថ្ងៃ​ទី ០៥ ខែ​តុលា ឆ្នាំ ២០២២ ស្ថិតនៅ​ចំណុច​ភូមិ​ល្វា ឃុំ​ល្វា ស្រុក​ប​វេ​ល ខេត្ត​បាត់ដំបង ក្រោយពី​ទទួល​បាន​ពាក្យបណ្ដឹង​របស់​ឈ្មោះ ណាក់ ប៊ុន​រី​ន ភេទ​ប្រុស អាយុ ៣៣ ឆ្នាំ មុខរបរ​លក់​ទូរស័ព្ទ នៅ​ភូមិ​ល្វា ឃុំ​ល្វា ស្រុក​ប​វេ​ល។​

កិច្ចប្រតិបត្តិការ​នេះ​បាន​ឃាត់ខ្លួន​ជនសង្ស័យ​ជា​ក្មេង​ប្រុស អាយុ​ក្រោម ១៨ ឆ្នាំ ចំនួន ៥ នាក់ និង​ដកហូត​វត្ថុតាង​ជាច្រើន​រួមមាន ៖ ទូរស័ព្ទ​ដៃ​ ១៨ គ្រឿង ក្នុង​នោះ​គឺ VIVO ០១ គ្រឿង OPPO ០៤ គ្រឿង IPHONE ០២ គ្រឿង REALME ០១ គ្រឿង CAMFONE ០១ គ្រឿង កាត​ទូរស័ព្ទ ៤០ សន្លឹក ស៊ីមកាត​ ២៦ សន្លឹក ស្រោម​ទូរស័ព្ទ ១៨ កាស​ទូរស័ព្ទ ០៣ និង​កង់ ០៣ គ្រឿង ជា​មធ្យោបាយ​ជិះ​ធ្វើ​សកម្មភាព​គាស់​ហាង​ទូរស័ព្ទ។

លោក​អធិការ​បាន​បញ្ជាក់​បន្ថែម​ថា ករណី​នេះ​បាន​កើត​ឡើង​កាលពី​ថ្ងៃ​ទី ០២ ខែ​តុលា ឆ្នាំ ២០២២ វេលា​ម៉ោង ២១ និង ៣០ នាទី ចំណុច​ហាង​ទូរស័ព្ទ យីហោ ប៊ុន​អ៊ិន ដែល​មាន​ម្ចាស់​ជា​ជនរងគ្រោះ ឈ្មោះ ណាក់ ប៊ុន​រី​ន ភេទ​ប្រុស អាយុ ៣៣ ឆ្នាំ ទីលំនៅ​ភូមិ​ល្វា ឃុំ​ល្វា ស្រុក​ប​វេ​ល ខេត្ត​បាត់ដំបង ត្រូវ​បាន​ជនសង្ស័យ​មិន​ស្គាល់​អត្តសញ្ញាណ​ធ្វើ​សកម្មភាព​គាស់​ដំបូល​ចូល​លួច​យក​ទូរស័ព្ទ​ពី​ក្នុង​ហាង ក្រោយពេល​កើតហេតុ​ជនរងគ្រោះ​បាន​ប្តឹង​ចូល​មក​សមត្ថកិច្ច​នគរបាល។ ក្នុងនោះ ឆ្លង​តាមរយៈ​ការ​ស្រាវជ្រាវ​ស៊ើបអង្កេត សមត្ថកិច្ច​កំណត់​មុខសញ្ញា​បាន និង​ឈាន​ដល់​ការ​ឃាត់ខ្លួន​តែម្ដង។​

ករណី​នេះ ជនសង្ស័យ​ចំនួន ០២ នាក់ ដែល​មាន​អាយុ ១៤ ឆ្នាំ និង ១៥ ឆ្នាំ ត្រូវ​បាន​ឃាត់ខ្លួន​ជា​បណ្ដោះអាសន្ន​នៅ​អធិការដ្ឋាន​នគរបាល​ស្រុក​ប​វេ​ល ដើម្បី​កសាង​សំណុំរឿង​បញ្ជូន​មក​ការិយាល័យ​ជំនាញ​ខេត្ត​អនុវត្ត​បន្ត​តាម​នីតិវិធី។ ចំណែក ០៣ នាក់​ទៀត មាន​អាយុ​តិច​ជាង​នេះ បាន​អប់រំ និង​ធ្វើ​កិច្ចសន្យា​ឲ្យ​បញ្ឈប់​សកម្មភាព ហើយ​ប្រគល់​ជូន​អាណាព្យាបាល​យក​ទៅ​អប់រំ​បន្ត​នៅ​មូលដ្ឋាន។ ដោយឡែក​វត្ថុតាង​ផ្សេងៗ បាន​ប្រគល់​ជូន​ជនរងគ្រោះ​វិញ​ផង​ដែរ៕

អត្ថបទ ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៤ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៥ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម