សន្តិសុខសង្គម

គណៈបញ្ជាការឯកភាពខណ្ឌជ្រោយចង្វារ ចុះធ្វើរដ្ឋបាល ក្រោយស្ពានមិត្តភាពកម្ពុជា-ជប៉ុន និងស្ពានមិត្តភាពកម្ពុជា-ចិន

បានផុស

១ year មុន

នៅ

ថ្ងៃចន្ទ ២៧ មករា ២០២៥

ដោយ

គណៈបញ្ជាការឯកភាពខណ្ឌជ្រោយចង្វារ ចុះប្រមូលជនអនាថាស្នាក់នៅតាមទីសាធារណៈដែលធ្វើឲ្យបាត់បង់សោភ័ណភាព មុខសញ្ញាពាក់ព័ន្ធគ្រឿងញៀន និងមុខសញ្ញាលួច បានចំនួន ៤ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងប្រតិបត្តិការនេះនៅថ្ងៃទី ២៧ ខែមករា ឆ្នាំ ២០២៥ ស្ថិតនៅភូមិ ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

គណៈបញ្ជាការឯកភាពខណ្ឌជ្រោយចង្វារ ដឹកនាំដោយ លោក កៅ សារ៉ាវុធ អភិបាលរង នៃគណៈអភិបាលខណ្ឌជ្រោយចង្វារ ដោយមានការចូលរួមពីកម្លាំងអធិការដ្ឋាននគរបាលខណ្ឌ កម្លាំងកងរាជអាវុធហត្ថខណ្ឌ កម្លាំងប៉ុស្តិ៍រដ្ឋបាលសង្កាត់ជ្រោយចង្វារ និងកម្លាំងប្រជាការពារសង្កាត់ជ្រោយចង្វារ រួមជាមួយកម្លាំងសណ្ដាប់ធ្នាប់ខណ្ឌ បានចុះធ្វើរដ្ឋបាលនៅម្ដុំស្ពានមិត្តភាពកម្ពុជា-ជប៉ុន និងស្ពានមិត្តភាពកម្ពុជា-ចិន ស្ថិតនៅភូមិ ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ជាលទ្ធផល គណៈបញ្ជាការឯកភាពខណ្ឌជ្រោយចង្វារ បានប្រមូលមុខសញ្ញាពាក់ព័ន្ធគ្រឿងញៀន និងមុខសញ្ញាលួច បានចំនួន ៤ នាក់ ក្នុងនោះ (ប្រុស ៣ នាក់ ស្រី ១ នាក់) រួមទាំងវត្ថុតាងមួយចំនួន។