កីឡា

កីឡាការិនីតេក្វាន់ដូកម្ពុជា ថិប កាសាន់ទ្រីនីកូល បានឡើងទៅវគ្គ១/៤ផ្តាច់ព្រ័ត្រក្រោយឈ្នះកីឡាការិនីប៉ាគីស្ថានពិន្ទុ ៣៩-១

បានផុស

២ ខែ មុន

នៅ

ថ្ងៃសៅរ៍ ២២ ឧសភា ២០២១

ដោយ

កីឡាការិនីតេក្វាន់ដូកម្ពុជា ថិប កាសាន់ទ្រីនីកូល បានឡើងទៅវគ្គ១/៤ផ្តាច់ព្រ័ត្រ ក្រោយឈ្នះការប្រកួតតេក្វាន់ដូនៃវគ្គជម្រុះកីឡាអូឡាំពិតូក្យូទ្វីបអាស៊ី“Asia qualification Tournament for Tokyo 2020 Olympic Game ”នៅប្រទេសហ្សកដានីនោះ កាលពីរសៀលថ្ងៃទី ២២ ខែឧសភា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមលោក ជ្រិន សុធា អគ្គលេខា ធិការខេមរសហព័ន្ធកីឡាតេក្វាន់ដូ WT បានឱ្យដឹងមុននេះបន្តិច។

លោកអគ្គលេខាបានបញ្ជាក់ថា កីឡា ការិនីកម្ពុជា ថិប កាសាន់ទ្រីនីកូល បានឡើងទៅវគ្គ១/៤ផ្តាច់ព្រ័ត្រ នៃការប្រកួតប្រកួតជម្រុះអូឡាំពិកទីក្រុងតូក្យូទ្វីបអា ស៊ីក្រោយពេលដែលឈ្នះកីឡាការិនីប៉ាគី ស្ថាន Zoya Sabir ដោយលទ្ធផលពិន្ទុ ៣៩ទល់នឹង១ ក្នុងប្រភេទទម្ងន់ក្រោម ៥៧គីឡូក្រាម។

បើតាមដំណឹងថា គូប្រកួតបន្ទាប់ក្នុងវគ្គ១/៤ផ្តាច់ព្រ័ត្ររបស់ថិបកាសាន់ទ្រីនីកូលគឺជាកីឡាការិនីម្ចាស់ផ្ទះ Natali Hamai di។

សូមបញ្ជាក់ថា ក្នុងប្រភេទទម្ងន់ក្រោម ៥៧គីឡូក្រាមរបស់កីឡាការិនីថិប កាសាន់ទ្រីនីកូលនេះ មានកីឡាការិនីចូលរួមចំនួន ១៧នាក់ ហើយគណៈកម្មការជ្រើសរើសយកតែកីឡាការិនី ២ នាក់ចូលរួមប្រកួតកីឡាអូឡាំពិកសម្រាប់ទ្វីបអាស៊ី ដើម្បីបង្គ្រប់១៦នាក់។

កីឡាការិនីកូនខ្មែររស់នៅសហរដ្ឋអាមេរិក Casan dre Tubbs ជាកីឡាការិនីតេក្វាន់ដូ WTឈរលំដាប់លេខ៥២ ពិភព លោក៕

ដោយ ៖ វិសិទ្ធ