កីឡា
វង្ស វិឆ័យ បន្តឈ្នះជើងខ្លាំង៣លើកជាប់គ្នា តែយប់មិញតឹងតែងខ្លាំង
អ្នកលេងគុនខ្មែរ វង្ស វិឆ័យ និងអ្នកលេងឆ្លងដែនថៃ ផេតសាយរ៉ុង ស៊ីតចេរ៉ុង បានតស៊ូគ្នា៥ទឹកយ៉ាងជក់ចិត្ត ប៉ុន្តែអ្នកលេងគុនខ្មែរទទួលបានជ័យជម្នះដោយពិន្ទុសម្រាប់ការប្រកួតជើងឯកខ្សែក្រវាត់រដូវកាលថ្មីភេសជ្ជៈប៉ូវកំលាំងខារ៉ាបាវកាលពីយប់មិញ។
វាជាការប្រកួតដ៏គួរឲ្យចាប់អារម្មណ៍សម្រាប់កីឡាករប្រដាល់ទាំងពីរ និងជាលទ្ធផលឈ្នះចាញ់ដោយពិន្ទុប្រផុតប្រផើយបំផុត។ សម្រាប់ការប្រកួត៥ទឹក វង្ស វិឆ័យ ភាគច្រើនជាអ្នកសម្រុកចូលវ៉ៃដោយចេញទាំងកណ្តាប់ដៃ ទាត់ ជង្គង់ និងធាក់បុកឲ្យកីឡាករថៃដួលម្តងៗ។ ជាពិសេសដោយសារមានប្រៀបខាងកម្ពស់ អ្នកលេងគុនខ្មែរព្យាយាមចូលចាប់អោប និងឡើងជង្គង់ ហើយអាវុធរបស់គេក៏វ៉ៃចេញចំគោលដៅច្រើនដែរ។
ចំណែក ផេតសាយរ៉ុង ស៊ីតចេរ៉ុង មិនមែនជាអ្នកប្រដាល់រត់ វាយសងទេ ប៉ុន្តែឈរចាំ ថ្វីបើរូបគេមិនមែនជាអ្នកដើរសម្រុកចូលវ៉ៃ។ បើមើលពីគោលជំហរ និងអាវុធចេញវិញគឺមិនចាញ់ប្រៀបវង្ស វិឆ័យ ប៉ុន្មានឡើយ។ រូបគេមានគោលជំហររឹងមាំ និងមានអាវុធចេញច្បាស់គោលដៅដែរ។ រាងទាបបន្តិច ប៉ុន្តែកីឡាករថៃម្នាក់នេះឡើងជង្គង់បានយ៉ាងល្អ ហើយក៏ចេញកែង និងកណ្តាប់ដៃបានច្រើនដែរដែលបានធ្វើឲ្យអ្នកលេងគុនខ្មែរពិបាកដែរ។
ទោះជាយ៉ាងណា វង្ស វិឆ័យ ហាក់មានប្រៀបតិចតួចសម្រាប់ការដើរចូលវ៉ៃបានច្រើន និងធាក់កីឡាករថៃឲ្យដួល។ ដូច្នេះចៅក្រមបានសម្រេចកាត់សេចក្តីឲ្យអ្នកលេងគុនខ្មែរម្នាក់នេះឈ្នះដោយពិន្ទុ។
វង្ស វិឆ័យ បានផ្តួលកីឡាករថៃ កងកាន់វ៉ាន វ៉ស៊ូងនើន ក្នុងទឹកទី៤កាលពីថ្ងៃទី២៦ ខែមិថុនា ឆ្នាំ២០២២នៅសង្វៀនបាយ័ន និងបន្តឈ្នះកីឡាករថៃ ស៊ីរិស័ក្តិ ក.កេសនុន ក្នុងទឹកទី៣កាលពីថ្ងៃទី២ ខែកក្កដា នៅសង្វៀន BTV។៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង