កីឡា
តើកម្មវិធីប្រដាល់ដែលកីឡាករគុនខ្មែរកំពុងប្រកួតនៅម៉ាឡេស៊ី មានលក្ខណៈបែបណា?
អ្នកលេងគុនខ្មែរជាច្រើនរូបកំពុងចូលរួមប្រកួតក្នុងព្រឹត្តិការណ៍ប្រដាល់អន្តរជាតិដ៏ធំមួយនៅប្រទេសម៉ាឡេស៊ី ហើយអ្នកលេងគុនខ្មែរកំពុងធ្វើបានល្អក្នុងរយៈពេល២ថ្ងៃកន្លងទៅនេះ។ តើបងប្អូនគាំទ្រគុនខ្មែរបានយល់ពីព្រឹត្តិការណ៍នេះកម្រិតណា?
ព្រឹត្តិការណ៍នេះឈ្មោះ«ជើងឯកយុវជនពិភពលោករបស់សហព័ន្ធអន្តរជាតិនៃសមាគមកីឡាមួយថៃឆ្នាំ២០២២ (2022 IFMA Youth World Championship) ដែលត្រូវបានរៀបចំឡើងនៅឆ្នេរខ្សាច់ Sunway Lagoon ក្នុងប្រទេសម៉ាឡេស៊ីដែលមានប្រទេសជាង១០០មកពីទូទាំងពិភពលោកដែលបានបើកជាផ្លូវការកាលពីថ្ងៃទី៩ រហូតដល់ថ្ងៃទី២១ ខែសីហា ទើបចប់។
ពិធីបើកមានការសម្តែងក្បាច់គុនមួយថៃដែលបង្ហាញពីវប្បធម៌របស់ប្រទេសម៉ាឡេស៊ីជាម្ចាស់ផ្ទះ និងមានទង់ជាតិចំនួន១០១ប្រទេសក្នុងក្បួនដង្ហែ។ ពិធីនេះត្រូវបានបើកជាផ្លូវការដោយនាយករដ្ឋមន្ត្រីម៉ាឡេស៊ី Dato’ Sri Ismail Sabri bin Yaakob ព្រមទាំងមន្ត្រីទូតពីបណ្តាប្រទេសនានា គណៈកម្មាធិការជាតិអូឡាំពិក និងក្រសួងកីឡាម៉ាឡេស៊ីផងដែរ។
លោក Stephan Fox អគ្គលេខាធិការរបស់ IFMA បានថ្លែងថា 2022 IFMA Youth World Championship គឺជាព្រឹត្តិការណ៍ប្រវត្តិសាស្ត្រដ៏សំខាន់របស់ IFMA ដែលយុវជនមកពីទូទាំងពិភពលោកជួបជុំគ្នាដើម្បីទទួលស្គាល់ និងអបអរគ្នាទៅវិញទៅមក។
ប្រទេសដែលលេចធ្លោក្នុងការប្រកួតលើសង្វៀន មានដូចជា ថៃ កម្ពុជា អ៉ីរ៉ង់ អារ៉ាប៊ីសាអូឌីត អង់គ្លេស វៀតណាម អូស្ត្រាលី អាមេរិក អារ៉ាប់រួម ប៉ាឡេស្ទីន អ៉ីរ៉ាក់ កាហ្សាក់ស្ថាន និងប៉ូឡូញ។ កីឡាករថៃ និងកម្ពុជាត្រូវបានគេមើលឃើញថា លេចធ្លោជាងគេដែលមានកីឡាករប្រដាល់កម្រិតអាជីព។
និយាយរួម ព្រឹត្តិការណ៍នេះគឺជាកម្មវិធីប្រកួតមួយថៃ និងជាការផ្សព្វផ្សាយក្បាច់គុនមួយថៃទូទាំងពិភពលោកដែលត្រូវបានរៀបចំដោយរដ្ឋាភិបាលម៉ាឡេស៊ី និងសហព័ន្ធអន្តរជាតិនៃសមាគមកីឡាមួយថៃ (IFMA)។ មែនទែនទៅ អ្នកលេងគុនខ្មែរហាក់ដូចជាកំពុងទទួលស្គាល់ក្បាច់គុនរបស់គេដោយមិនដឹងខ្លួន ខណៈក្បាច់គុនខ្មែរមិនខុសពីក្បាច់គុនមួយថៃនោះទេ ប៉ុន្តែក្បាច់គុនខ្មែរហាក់មិនរីកចម្រើនលើឆាកអន្តរជាតិ៕
ប្រែសម្រួល៖ វីរបុត្រ
ប្រភព៖ IFMA
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល