កីឡា

កក្រើកសង្វៀនល្ងាចនេះ ពេជ្រ សម្បត្តិ ប៉ះថៃពូកែក្បាច់ Naruto

បានផុស

៣ years មុន

នៅ

ថ្ងៃសុក្រ ៩ ធ្នូ ២០២២

ដោយ

ជើងខ្លាំងគុនខ្មែរទើបឈ្នះខ្សែក្រវាត់ថ្មី ពេជ្រ សម្បត្តិ ប្រហែលជាត្រូវធ្វើការធ្ងន់ហើយនៅពេលរូបគេត្រូវជួបអ្នកប្រដាល់ថៃ Naruto ដែលពូកែក្បាច់នៅសង្វៀនគូបូតា ល្ងាចថ្ងៃសុក្រ ទី៩ ខែធ្នូ ឆ្នាំ២០២២។

កីឡាករថៃ Naruto បានជួបកីឡាករប្រដាល់កម្ពុជាច្រើនរូបមកហើយទាំងរៀមច្បងរហូតដល់កីឡាករស្រករក្រោយ។ ចុងក្រោយរូបគេទទួលបានជ័យជម្នះដោយពិន្ទុលើកីឡាករគុនខ្មែរ អេ ណារ័ត្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Naruto នេះជាប្រភេទកីឡាករវ៉ៃក្បាច់មួយៗតាមរយៈការព្យាយាមថយក្រោយការពារ និងវាយបក ហើយលួចចេញអាវុធលក្ខណៈឆកឱកាស។ រូបគេមិនព្យាយាមវ៉ៃដៃគូឲ្យសន្លប់ទេ ប៉ុន្តែធ្វើយ៉ាងណាវាយយកពិន្ទុប៉ុណ្ណោះ។

អាវុធគ្រោះថ្នាក់បំផុតរបស់កីឡាករថៃរូបនេះគឺ ទាត់ជើងឆ្វេងដែលរូបគេអាចទាត់បានទាំងក្រោម និងលើ ហើយកណ្តាប់ដៃឆ្វេងរបស់គេក៏ចេញបានល្អដែរ ដូច្នេះយប់នេះច្បាស់ណាស់រូបគេថយក្រោយ និងទាត់លើ ពេជ្រ សម្បត្តិ។

ក្របីព្រៃ ពេជ្រ សម្បត្តិ មិនដែលចាញ់ទេមួយរយៈពេលចុងក្រោយនេះ។ ភាពខ្លាំងរបស់គេគឺផាពធន់ និងអាវុធមានទម្ងន់។ រូបគេជាប្រភេទកីឡាករចិត្តសឿងដើរចូលវ៉ៃមិនខ្លាចញញើតដៃគូឡើយ។

កណ្តាប់ដៃជាអាវុធដ៏គ្រោះថ្នាក់បំផុតរបស់ ពេជ្រ សម្បត្តិ ប៉ុន្តែពេលខ្លះផ្លែកែងគឺជាអាវុធដែលដៃគូមិនអាចធ្វេសប្រហែសបានឡើយ។ យ៉ាងណា សម្រាប់ការប្រកួតយប់នេះអាចនឹងលំបាកសម្រាប់ ពេជ្រ សម្បត្តិ ដែលជាអ្នកដើរចូលវ៉ៃកណ្តាប់ដៃ ដែលត្រូវបាន Naruto ទាត់កាត់ទាំងលើជើង និងដងខ្លួន។

អ្វីដែលជាចំណុចប្រៀបរបស់ពេជ្រ សម្បត្តិ គឺអាចមានកម្លាំងស៊ុហ្វវ៉ៃបាន៥ទឹកពេញ ដោយសារកីឡាករថៃម្នាក់នេះចាស់វស្សា៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ